San Juan 15:11 - Bible in Tzotzil de Chamula

¹¹ “Ti jech ta xcalboxuc taje, yo' jech xijmuyubajotic, yo' jech ataojic ta j'ech'el ti xamuyubajique.

Tzotzil Zinacantan

¹¹ ’Ti ical ti jꞌechꞌel chavichꞌicon ta muqꞌue, jaꞌ yoꞌ jun o avoꞌonic chac cꞌu chaꞌal jun coꞌone, yoꞌ jun o avoꞌonic scotol cꞌacꞌale, mu xa cꞌusi xloꞌilaj o avoꞌonic.

LEQUIL ACH' C'OP

¹¹ »Ti x'elan chacalbeique, ja' yo' junuc o avo'onic chac c'u cha'al jun co'on li vo'one, yo' j'ech'el junuc o avo'onique.

Bible in Tzotzil de Chenalhó with Deuterocanon

¹¹ “Ti jech laj calboxuc scotole, yu'un jech xu' chavich'ic o li xcuxetel co'ntone. Jech xcuxet no'ox avo'ntonic scotol c'ac'al; mu'yuc c'usi sc'an chava'yic o.

Tzotzil San Andres

¹¹ ’Ti laj calboxuc ti scꞌan chavichꞌicun o ta muqꞌue, jaꞌ yoꞌ acꞌo muybajanic noꞌox jech chac cꞌu chaꞌal ximuybaj noꞌoxe. Jech xamuybajic noꞌox scotol cꞌacꞌal, mu xa cꞌusi chal avoꞌonic.

Tzotzil de Huixtán

¹¹ Hech yu'un hech laj xa calboxuc yu'un hech nichim no'ox avo'ntonic scotol c'ac'al hech chaj c'u che'el nichim no'ox co'nton ho'oni. Hech lec nichim no'ox avo'ntonic.

San Juan 15:11 Iomraidhean Croise

Isaías 53:11

C'alal mi ech' xa ox ta stojol ti mu albajuc vocolajele, ja' to ta xlic sac jamtajuc ti osil banomil ta xa'ie, laj yil ta sq'uelel ti mu'yuc c'usi sna' ta j'ech'ele. Ti lequil yajtunel Diose, ep buch'u ta sta scolel yu'un, ja' ti laj sbainbe ta xcuchbel ti smul scolo'ique.

Isaías 62:4

Mi ja'uc xa ta xa'albat “Ti tenbil bajbilote.” Mi ja'uc xa ta x'albat ti ateclumale “Lilinbil ma' le' une.” Ti ac'oplal ta x'albate, “Jun yutsil ta xquil ma' le' une.” Ti sc'oplal avosil abanomile, “Jnup jchi'il xa ma' le' une.” Yu'un ti vo'ote, sc'upilot ta xayil ti Diose, ti co'ol s'elan c'otem ta malalil yu'un ti avosil abanomile.

Jeremías 32:41

Ximuyubaj no'ox ta spasbelic ti c'usi lec ta stojolique. Melel, sjunul co'nton ta xcac' naquiicuc li' ta muc' ta lume.”

Jeremías 33:9

Ti Jerusalene, mu'yuc xa buch'u xtaun o ta xca'i yu'un ti ximuyubaje, cutsilal quich'el ta muc' yu'unic ta sba ta sat ti muc'tiquil lumetic ti oy ta banomile. C'alal ta xa'iic ti naca lequilal ta xc'ot ta pasel cu'un ta stojol ti jnaclejetic ta Jerusalene, ti mu'yuc c'usi sna'ique, ta xniquic ta xi'el.”

Sofonías 3:17

Ti Ajvalil ti ja' Dios avu'une, tey oy ta atojol, jelavem ti smuc'ul stsatsale, ta stic' sba ta apojel. Xmuyubaj no'ox ta atojol ti Diose. Ti jech mu xa xtuch'ot ta yo'ntone, ta xac'bot ach' acuxlejal. Ti jech xmuyubaje, ta xlic q'uejinuc

San Lucas 15:23

Nitic talel ti jubem ch'in vacaxe, milic, yu'un ta jpastic q'uin, ta xijve', ta xcuch'tic vo'.

San Lucas 15:32

Jech sc'an ta jpastic ti q'uin avi tana li'e. Muyubajcutic, yu'un ti avits'ine, laj jnop ti chamem xae, avi cuxul vul ta loq'uel. Ch'ayem xa ox, laj to quilbetic sat’, xi laj yal ti totile.”

San Lucas 15:5

C'alal mi laj sta talele, xmuyubaj xa ta scajan talel ta snequeb.

San Lucas 15:9

C'alal mi laj sta ta sa'ele, ta xic' talel ti xchi'iltaque, ti slac'nataque, ti xi ta xale: ‘Muyubajcutic, yu'un laj jta ti jsep cuni taq'uin ti ch'ayem to ox cu'une.’

San Juan 16:24

Avi li'e, mu'yuc to c'usi ac'anojbeic ti Jtot ta jventae. C'anic un, yo' ta xavich'ic, yo' ta xataic ti xamuyubajique.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

San Juan 17:13

“Avi tana une, ta xital ta atojol. Ja'uc le'e, ta jc'oponic comel ti li' oyun ta banomile yo' jech ta staic ti j'ech'el xmuyubajicuc jech c'u cha'al ti vu'une.

San Juan 3:29

Ti jun jlecomajele, ti buch'u ta x'och ta yoc ta sc'ob ti tsebe, ja' ti jlecomajel vinique. Ti vinic ti buch'u lec ta xil sbaic xchi'uc ti jlecomajele xmuyubaj xa ta xa'ibe ti sc'ope. Ja' jechun ec, ximuyubaj xa yu'un.

Romanos 15:13

Ti j'ac'-pat-o'ntonal Diose, ac'o yepajes ta atojolic ti muyubajele, ti slamajemal o'ntonal ti c'otem ta avo'nton ta xch'unele, ti yepaluc no'ox yac'boxuc ta atojolic ti spatobil avo'ntonic ta sventa smuc'ul stsatsal ti Ch'ul Espíritue.

2 Corintios 1:24

Ti vu'uncutique mu'yuc oy ta co'ntoncutic ta jbis jbacutic ta totil ta atojolic ta sujeloxuc ti c'otuc ta avo'ntonic ta xch'unel ti Cajvaltique. Yu'un c'otem xa lec ta avo'ntonic ta xch'unel. Ja' no'ox oy ta co'ntoncutic ta scoltaeloxuc yo' jech ta xataic ti x'ech' to xamuyubajique.

Efesios 5:18

Mu xayacubic, yu'un ti yacubele mu'yuc xa tuq'uil melolil yu'un. Ja' lec, ventainbiluc avo'ntonic yu'un ti Ch'ul Espíritue.

Filipenses 1:25

Ti jech c'otem ta co'nton taje, cuxul to ta xicom yo' ta jcoltaoxuc ta yac'bel batel yipal, yo' x'ech' to xamuyubajic ti c'otem ta avo'ntonic ta xch'unel ti Cajvaltique.

1 Tesalonicenses 5:16

J'ech'eluc muyubajanic no'ox.

1 Pedro 1:8

Ac'o mi mu'yuc laj avilic ti Jesucristoe, c'ux ta xava'iic. Ti jech xamuyubajic ta stojol c'alal mu'yuc avilojic avi tana le'e, oy ta ave ati'ic ta yalel ti mu'yuc xa buch'u xtaun ta xava'iic ti jech xamuyubajique.

1 Juan 1:4

Ti jech ta jts'ibacutic talel ta atojolic taje, yo' jech co'ol xijmuyubajotic ta j'ech'el.

2 Juan 1:12

Yepal no'ox ti oy c'usi ta jc'an ta xcalboxuc ava'iique, ti ma'uc xa ta vun ta jts'iba talele. Yu'un jpatoj co'nton ta xtal jq'ueloxuc yo' ta jchi'in jbatic ta lo'il, yo' jech xijmuyubaj jcotoltic.