San Juan 14:6 - Bible in Tzotzil de Chamula

⁶ Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

Tzotzil Zinacantan

⁶ ―Voꞌon chaquiqꞌuic echꞌel yoꞌ bu ti Jtotic Riox ta vinajele yuꞌun xcojtiquin. Ti cꞌu xꞌelan lacalbeique, yech. Voꞌon chcacꞌ acuxlejalic ta sbatel osil. Voꞌon noꞌox xuꞌ chaquiqꞌuic echꞌel yoꞌ bu ti Jtotic Rioxe.

LEQUIL ACH' C'OP

⁶ Itac'av ti Jesuse: —Vo'on li beone, vo'on li melelone, vo'on li cuxlejalone. Ja no'ox ta jcuenta vo'on xu' chac'otic yo' bu ti Jtotic Rioxe.

Bible in Tzotzil de Chenalhó with Deuterocanon

⁶ Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

Tzotzil San Andres

⁶ Li Jesuse jech laj yal: ―Ta jventa joꞌon chabatic li yoꞌ bu oy li Jtote. Li joꞌone xcojtaquin li Jtote, jaꞌ melel li cꞌu sba laj calboxuc scꞌoplale. Li buchꞌutic ta schꞌunic ti joꞌon Yajcoltavanejicune chcuxiic o sbatel osil ta jventa. Yan li buchꞌutic mu schꞌunic ti joꞌon Yajcoltavanejicune mu xuꞌ ta xojtaquinic li Jtote.

Tzotzil de Huixtán

⁶ Ti Jesuse hech laj yalbe: ―Mi chac'an chac'otic ti bu oy ti Jtote, ja' tsc'an chach'unic ti ho'on Jcoltavanejun avu'unique. Yu'un ho'on chcojtiquin ti Jtote, hech yu'un melel ti c'u che'el laj xa calboxuc sc'opilal. Yu'un ti much'u chch'un ti ho'on Jcoltavanejun yu'unique, ho'on ti jventa ti chcuxiic sbatel osile. Ti much'u mu xispasucun ti muq'ue mu xu' chojtiquin ti Jtote.

San Juan 14:6 Iomraidhean Croise

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 1:17

Ti oy c'usi tsots albil sc'oplale vul ta jtojoltic ta sventa ti Moisese. Ja'uc ti c'uxubinele xchi'uc ti c'usi ja' melele, c'ot ta pasel ta sventa ti Jesucristoe.

San Juan 1:4

Ja' ta sventa ayan talel ti cuxlejale. Ti cuxlejal taje, ja' c'ot ta saquilal osil yu'un ti jnaclejetic ta banomile.

San Juan 10:28

Sbatel osil ta xcac'beic xcuxlejalic, mi ja'uc ta xch'ayic, mu'yuc buch'u xispojbun ta coc ta jc'ob.

San Juan 10:7

Xi laj xcha'al ti Jesuse: —J'ech'el ta xcalboxuc ava'iic, xi oy ti jc'oplale: Vu'unun ma' ti ti' corral bu ta x'och batel ti chijetique.

San Juan 10:9

Vu'unun ti ti' corrale. Ti buch'u ta x'och talel ta jtojole, ta xcol. Co'ol s'elan chij ti x'och xloc' ta corral ta stael ti sve'ele.

San Juan 14:19

Ti buch'u lec xa'iic sc'upinel ti banomile, mu xa jaluc li' ta xilbeicun ti jsate. Ja'uc ti vo'oxuque ta xavilicun, xchi'uc ta xacuxiic yu'un cuxulun.

San Juan 15:1

Ti Jesuse xi to laj yale: —Ti vu'une co'ol j'elan jech c'u cha'al smuc' ta ibel ti uvae. Ti Jtote co'ol s'elan jech c'u cha'al ti buch'u ta xabtelan ta sq'uelel ti uvae.

San Juan 18:37

Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

San Juan 5:21

Jech c'u cha'al ti Jtot ta xcha'cuxes ti animaetic yo' ta xac'be ti xcuxlejale, ja' jech ti vu'un Xnich'onune, ta xcac'be xcuxlejal ti buch'u ta jc'an ta xcac'bee.

San Juan 6:33

Yu'un ti pan ta xac' ti Diose, ja' ti Buch'u yal talel ta vinajele, yu'un ja' tal yac'be xcuxlejal ti jnaclejetic ta banomile.

San Juan 6:51

Vu'unun ti cuxul pan liquem talel ta vinajele. Ti buch'u ta sve' ti pan taje, ta xcuxi o sbatel osil. Ti pan ti vu'un ta xcaq'ue, ja' ti jbec'tal jtacopale. Ta xcac' ta c'abal yo' jech ta sta xcuxlejal scotol ti jnaclejetic ta banomile.”

San Juan 6:57

Yu'un cuxul ti Totil ti Buch'u laj stacun talele, cuxulun ta stojol ec. Ti buch'u ta smalq'uin sba ta jtojole, ta xcuxi ta jventa.

San Juan 6:68

Xi laj stac' ti Simón Pedroe: —Cajval, ¿buch'u xa ta jts'aclicutic batel? yu'un ti ac'ope ja' cuxlejal sbatel osil.

San Juan 8:32

Ta xlic avojtiquinic ti bu ja' melele, xchi'uc ta xaspojoxuc loq'uel ta mosovil ti melele.

San Juan 8:51

Ta xcalboxuc ava'iic ta melel, ti buch'u ta xich' ta muc' ti c'usi ta xcale, mi ja'uc ta xcham.

Hechos 3:15

Ja' jech laj avaq'uic ta milel ti jventainej j'ac'-cuxlejale. Ja'uc le'e, cha'cuxesat yu'un ti Diose. Taj une, rexticouncutic yu'un.

Hechos 4:12

Mu'yuc xa yan bu ta tael ma' ti coltaele, yu'un mu'yuc laj sva'an yan Jcoltavanej ti Dios li' ta banomile. Ja' no'ox ta sventa Jesús ta jtatic ti coltaele.

Hechos 9:2

ta sc'anbel vunetic yo' ta xac'be yil ti paleetic oyic ta jujun ch'ul na ta jteclum Damascoe, ta sa'el ti buch'utic ta stamic batel ta sa'el ti ach' bee, yo' ta stsacan talel ta chuquel ta Jerusalén, mu'yuc ta alel mi viniquetic, mi antsetic.

Romanos 15:16

Vu'un yajtunelun ti Jesucristo ta sventa slequilal yutsilalic ti jyanlumetique. Ja' cabtelinoj ta yalel ti lequil ach' c'op yu'un ti Dios ta sventa ti c'otuc ta pasel ta stojol ti jyanlumetic ti junuc yutsil c'otuc sva'an sbaic ta stojole, ti ventainbiluc yu'un ti Ch'ul Espíritue.

Romanos 5:2

Ta sventa ti c'ot ta o'ntonal ta xch'unel ti Cristoe, laj jtatic ti lec oyotic ta stojol ti Diose. Ja' yip co'ntontic xchi'uc jpatoj co'ntontic ta yich'bel slequilal ti Diose.

Romanos 5:21

Jech c'u cha'al ayan ti lajel tubel ta scoj ti mulile, ja' jech ayan yutsil slequil yo'nton ti Diose, ti laj jtatic ti lec xij'ile, xchi'uc ti laj jtatic ti cuxlejal sbatel osil ta sventa ti Cajvaltic Jesucristoe.

1 Corintios 15:45

Ti ch'ul c'ope xi ta xale: “Ti sba vinic Adane ac'bat xch'ulel, jech icuxi li' ta banomile.” Ja'uc ti xchibal Adane ta xac' cuxlejal sbatel osil ta sventa ti Ch'ul Espíritue.

Efesios 2:18

Ta sventa ti Jesucristoe, ac'o mi israel mi ma'uc, jcotoltic xu' xijnopaj ta stojol ti Jtotic Diose, yu'un jun ti Ch'ul Espíritu quich'ojtique.

Colosenses 2:17

Scotol taje, naca svinajeb ti oy Buch'u ta xvul ta loq'uele, ja' sc'oplal ti Cristoe.

Colosenses 2:9

Yu'un scotol stalel ti Diose oy ta stojol ti Cristoe.

Colosenses 3:4

Yu'un ja' xa c'otem ta acuxlejalic ti Cristoe. C'alal ta xcha'sut talele, jmoj ta xavinajic xchi'uc ti jun avutsilal alequilique.

Hebreos 7:25

Jech o xal sbatel osil xu' spoj scolta ti buch'utic ta xnopajic batel ta stojol ti Diose, yu'un j'ech'el cuxul sbatel osil yo' ta sc'anbe vocol ti Dios ta stojolique.

Hebreos 9:8

Ti jech taj une, ti Ch'ul Espiritue ta xac' ta na'el ta jtojoltic ti macal to sbelal ti bats'i ch'ul cuarto c'alal ta to xtun ti sliquebal cuartoe.

1 Pedro 1:21

Ta sventa ti Cristoe, teq'uel c'ot ta avo'ntonic ti Dios ti laj xcha'cuxes c'alal cham ti Jesucristoe, xchi'uc ti laj yac'be yich' ti slequilal yutsilale. Jech o xal ti vo'oxuc une, teq'uel c'ot ta avo'ntonic, xchi'uc amalaojic ti oy c'usi ta xa'ac'batic yu'un ti Diose.

1 Pedro 2:4

Nopajanic talel un chae ta stojol ti Cajvaltic ti co'ol s'elan jbej cuxul tone, ti laj sjip laj stenic loq'uel ti jnaclejetic ta banomil ti c'alal ja' t'ujbil ton yu'un ti Diose, ti cajal ta j'ech'el ti sc'oplale.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

1 Juan 1:8

Mi ta xcaltic ti mu'yuc ti jmultique, ta jlo'la jba jtuctic, mu'yuc c'usi melel ta jtojoltic.

1 Juan 2:23

Buch'uuc no'ox ti ta scontrain ti Nich'onile, mu'yuc oy ta stojolic ti Dios Totile. Ti buch'u ta xich' ta muc' ti Nich'onile, ta xich' ta muc' xtoc ti Dios Totile.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

1 Juan 5:6

C'alal tal ti Jesucristoe, vinaj sc'oplal ti c'alal laj yich' ti vo'e, xchi'uc ti laj smal ti xch'ich'ele. Ma'uc no'ox vinaj sc'oplal ti laj yich' ti vo'e, ti laj smal ti xch'ich'ele, jech xtoc ti Ch'ul Espíritu ti ja' melel ti c'usi ta xale, ja' laj sva'an sba ta rextico ta yalbel ti sc'oplale.

2 Juan 1:9

Buch'uuc no'ox ti ta syanijesbe smelol ti c'u s'elan chanubtasvan ti Cristoe, mu'yuc Dios ta stojol. Ja'uc ti buch'u mu syanijesbe smelol ti c'u s'elan chanubtasvan ti Cristoe, oy ta stojol ti Dios Totile, xchi'uc ti Nich'onile.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 19:11

Laj taj une, jamal ti vinajel laj quile, vinaj jcot saquil ca'. Ti buch'u scajlebinoje, ta x'albat sc'oplal J'ech'el Oy Stuq'uil Yo'nton, yu'un ta stuq'uil slequil yo'nton ta xventainvan xchi'uc ta stuq'uil yutsil yo'nton ta xletovaj.

Apocalipsis 20:15

Ti bu taje, laj yich'ic jipel yalel ec ti buch'utic mu'yuc tsacal sbiic ta sventa ti jpoc svunal ti cuxlejale.

Apocalipsis 22:1

Laj taj une, ti anjele laj yac'bun quil jun yaxjipan uc'um ti ta xac' ti cuxlejale. Yax jipan no'ox yutsil ti vo'e, co'ol s'elan jech c'u cha'al junuc nen ta xloc' talel bu chotol ti Diose xchi'uc ti jcot ta Uni Chije.

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele:

Apocalipsis 3:7

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.