San Juan 14:23 - Bible in Tzotzil de Chamula

²³ Ti Jesuse xi laj stac'bee: —Ti buch'u c'ux ta xiya'ie, ta xch'un ti c'usi ta xcale. Jech ta xc'uxubinat yu'un ti Jtote. Ti Jtote xchi'uc ti vu'une ta xtal jchi'incutic, ta xinaquicutic ta stojol.

Tzotzil Zinacantan

²³ Itacꞌav ti Jesuse: ―Ti muchꞌutic scꞌanojicone ta xchꞌunic li cꞌusitic chcalbeique. Cꞌanbilic yuꞌun ti Jtot uque. Chtal jchiꞌinticotic.

LEQUIL ACH' C'OP

²³ Itac'av ti Jesuse: ―Ti much'u sc'anojone, ta xch'un li c'usi chcale; c'anbil yu'un ti Jtote, li Jtote xchi'uc li vo'one, chtal jchi'inticotic ta naclej.

Bible in Tzotzil de Chenalhó with Deuterocanon

²³ Itac'ov li Jesuse: —Li boch'o chisc'anune ta xch'unbun li jc'ope. Jech ta xc'anat yu'un li Jtote. Ta xtal jchi'incutic; te chinaquicutic o ta yo'nton.

Tzotzil San Andres

²³ Itacꞌav li Jesuse: ―Li buchꞌu oyun ta yoꞌone ta schꞌun li cꞌusi chcalbee. Jaꞌ noꞌox jech li Jtote cꞌux ta yoꞌon. Chtal jchiꞌincutic. Chiꞌochcutic ta sjol ta yoꞌon.

Tzotzil de Huixtán

²³ Hech itac'av ti Jesuse: ―Ti much'u c'uxun ti yo'ntone, ja' chixch'umbun jc'op. C'ux x'a'yat yu'un ti Jtote. Chtal jchi'intutic. Teuntutic ti yo'nton.

San Juan 14:23 Iomraidhean Croise

Génesis 1:26

Ts'acal to un, xi laj yale: “Avi tana une, jmeltsantic ti vinique, sjunul jech c'u cha'al ti vo'otique, ti oyuc ta yoc ta sc'ob ti xu' yu'un ti c'usi ta sc'an ta spas ta stojol ti choyetique, ti mutetique, ti chon bolometic ti stac' ts'unele, xchi'uc ti colemal te'tical chon bolometique, xchi'uc ti c'usitic xquilet ta xanavic ta banomile.”

Génesis 11:7

Ja' lec, yalcutic batel ta syanijesbel ti sbats'i c'opique yo' jech mu xa'ianbe sbaic.”

Salmos 90:1

Cajval, ti jujuvoc' li'ech'cutique, vo'ot ti jpojobbailcutique.

Salmos 91:1

Ti buch'u yac'oj sba ta chabiel ta yolon squeoval yaxinal ti Buch'u oy ta toyol cajale, ti scotol xu' yu'une,

Isaías 57:15

Yu'un ti Buch'u oy ta cajale, ti Buch'u stalel cuxule, ch'ul Dios ti xi sc'oplale, xi ta xale: “Ta lequilal to, ta toyol to, ti bu nacalune, ac'o mi jech taje, oyun ta stojol ti buch'u biq'uit yac'oj sbae, ti sna' sutes sbae. Ta xcac'be yip yo'ntonic ti siquet to ta xa'i ti banomile.

San Juan 10:30

Jununcutic xchi'uc ti Jtote.

San Juan 14:15

“Mi c'ux ta xava'iicune, ta xach'unic ti jmantal unbi.

San Juan 14:17

Ja' ti Ch'ul Espíritu ti ta xac' ta na'el ti bu melele, ti mu lecuc ta xa'iic ti jnaclejetic ta banomile, yu'un mu xilic, mu xojtiquinic. Ja'uc ti vo'oxuque xavojtiquinic, yu'un oy ta atojolic xchi'uc nabal o ta atojolic.

San Juan 14:21

Ti buch'u ta xac' ta venta ti jmantale, ti ta xc'ot ta pasel yu'une, ta xac' ta ilel ti j'ech'el c'ux ta xiya'ie. C'ux ta x'a'yie yu'un ti Jtot ti buch'u c'ux ta xiya'ie, c'ux ta xca'i ti vu'un eque, xchi'uc ta xcac' jba iluc ta stojol —xi ti Jesuse.

San Juan 14:24

Ti buch'u mu'yuc c'ux ta xiya'ie, mu xch'un ti c'usi ta xcale, yan sc'oplal ta j'ech'el. Yu'un ti c'usi ta xcal ava'iic li'e, ma'uc jc'op jtuc, ja' sc'op ti Jtot ti Buch'u laj stacun talele.

San Juan 15:10

Mi ta xavich'ic ta muc' ta xch'unel ti jmantale, oy ta atojolic ti syail xc'uxul co'ntone, jech c'u cha'al ta jch'unbe smantal ti Jtote, staoj yav oy ta jtojol ti syail xc'uxul yo'ntone.

San Juan 16:27

Yu'un ti Jtote, c'ux ta xaya'ioxuc. C'ux ta xaya'ioxuc, yu'un c'ux ta xava'iicun, yu'un c'ot ta avo'ntonic ta xch'unel ti liquemun talel ta stojol ti Diose.

San Juan 6:56

Ti buch'u ta sve' ti jbec'tale, ta xuch' ti jch'ich'ele, tsacal xcuxlejal ta jtojol, xchi'uc cuxulun ta stojol ec.

San Juan 8:51

Ta xcalboxuc ava'iic ta melel, ti buch'u ta xich' ta muc' ti c'usi ta xcale, mi ja'uc ta xcham.

San Juan 8:52

Xi laj staq'uic ti israeletique: —Melel ach'ulelinojbe xch'ulel ti pucuje. Yu'un ti Abrahame, scotol ti j'alc'opetique laj xa chamicuc. Ja'uc ti vo'ote xachi ta xavale: “Ti buch'u ta xich' ta muc' ti c'usi ta xcale, mu xcham.”

2 Corintios 6:16

¿Mi yu'un xu' ta jtic'tic ochel ta xch'ulna Dios ti c'usi meltsanbil ta c'abale? Yu'un ti vo'otique c'otemotic xa ta xch'ulna ti cuxul Diose jech c'u cha'al ti xi laj yal stuc ti Diose: “Ta xinaqui ta stojolic. Ta jchi'in ta xanobal. Diosun yu'unic. Jech ti stuquique ja'ic ti calab jnich'nabtaque.”

Efesios 3:17

yo' jech ti Cristoe ta xnaqui ta avo'ntonic, ti jech c'otem ta ch'unel avu'unique. Ta jc'anbe ti Diose ti ja'uc yipal avu'unic ti oyuc ti syail xc'uxul avo'ntonique, yo' jech mu'yuc c'usi xana'ic ti jech li' cuxuloxuque,

1 Juan 2:24

Jech o xal un, bejbunuc o ta avo'ntonic ti lequil ach' c'op ti laj ava'iic talel ta sliquebale. Mi jech xbejbun o ta avo'ntonic ti c'u s'elan laj ava'iic talel ta ba'yele, junoxuc xchi'uc ti Nich'onile, xchi'uc ti Dios Totile.

1 Juan 2:5

Ja'uc ti buch'u ta spas ti c'usi ta xale, j'ech'el c'ux ta xa'i ti Diose, ta jna'tic unbi ti junotic xchi'uc ti Diose.

1 Juan 4:4

Jnich'nabtac, yu'unoxuc xa ti Diose, atsalojic xa ti jutc'opetic taje. Ti Buch'u oy ta atojolique, jelavem smuc'ul stsatsal, ja' mu sta ti buch'u oy ta stojolic ti buch'u sventainojic ti sba banomile.

1 Juan 5:3

Ti jech c'ux ta xca'itic ti Diose, ja' smelol ta xich' ch'unbel ti smantale, yu'un ti smantaltaque mu vocoluc ta ch'unel.

2 Juan 1:6

Ti syail xc'uxul o'ntonale, ja' ti yich'uc xch'unel ti c'u s'elan ta xal smantaltac ti Diose. Ti mantale, ja' ono'ox ti xi laj ava'iic talel ta sliquebale: oyuc ti syail xc'uxul avo'ntonique.

Apocalipsis 21:22

Ti jcot ta Uni Chije xchi'uc ti Cajvaltic Dios ti scotol xu' yu'une, ja' xa c'otem ta xch'ulna ta jteclume. Mu'yuc laj quil yan ch'ulna ti bu taje.

Apocalipsis 21:3

Laj ca'i oy buch'u tsots x'avet ta xlic talel ta vinajel ti xi ta xale: “Q'uelo avil li'e, ja' xa ti bu ti Dios ta xchi'in ti jnaclejetique. Ti stuque ta xchi'in ta naclej ti jnaclejetic ti ja' steclumale. Ti stuquique c'otic xa ta yalab xnich'nab ti Diose, xchi'uc ja' xa c'ot ta Dios yu'unic.

Apocalipsis 22:3

Ti bu taje, laj c'op ma' ti oy c'usi chopol q'uelel ta stojolique. Yu'un ti ta jteclume, ja' ti bu chotol ti Diose xchi'uc ti jcot ta Uni Chije, ti ich'bilic ta muc' yu'un ti yajtuneltaque.