San Juan 13:5 - Bible in Tzotzil de Chamula

⁵ Laj taj une, lic sq'ueb vo' ta pocob-c'obal. Lic spocbe yacan ti yajchanc'optaque. Laj scusbe o ti yacantac ta poc' ti c'amal ta xchucbenale.

Tzotzil Zinacantan

⁵ Isqꞌueb voꞌ ta pocobcꞌobol, jaꞌ ispoc o li cocticotique. Cꞌalal laj spocboticotique, liscusboticotic ta toalla ti xchꞌicoj ta xchꞌute.

LEQUIL ACH' C'OP

⁵ Isq'ueb vo' ta pocobc'obol, ispocbe yoc li yajchanc'optaque, c'alal laj spoque, iscus ta cusob c'obol ti xch'icoj ta xch'ute.

Bible in Tzotzil de Chenalhó with Deuterocanon

⁵ La sq'ueb vo' ta pocobc'obal, lic spocbe yacan li yajchanc'optaque, la scusbe o ta poc' ti smacoj o xch'ute.

Tzotzil San Andres

⁵ La sqꞌueb joꞌ ta pocob‐cꞌabal, la spocbun coccutic, joꞌoncutic li yajchanbalajeltacuncutique. Cꞌalal la spocbuncutique, la scusbuncutic li ta cusobbail sventa atimol ti schucoj ta schꞌute.

Tzotzil de Huixtán

⁵ Laj sq'ueb ho' ti poquet, lic spocbun cacantutic ho'ontutic ti yajchanc'opuntutique. Laj scusbun cacantutic ti poc', ja' ti smac xch'ute.

San Juan 13:5 Iomraidhean Croise

Génesis 18:4

Yu'un mi xu' to ta xajalijic cu'une, ta xcani c'an talel jutebuc vo' yo' xu' ta xapoc ti avacanique, xu' xacux jliqueluc ta squeoval te' mi laje.

Génesis 19:2

Va'i un, xi laj yale: —Jtot jme'tac, abolajanic, avocolicuc, ech'uc avu'unic ti ac'ubaltic ta sna ti avajtunelune. Xu' xapoc avacanic tey. Sob oc'om xu' xatam batel ti abeique. Ti stuquique xi laj yalique: —Mo'oj, colaval. Xu' ta x'ech' cu'uncutic ti ac'ubal ta osiltique.

Génesis 43:24

Ts'acal to un, laj yic' batel scotol c'alal to sna ti Josee. Laj yac'anbe vo' yo' jech ta spoc yacanic. Ja' jech xtoc ac'bat sve'el ti sburroique.

2 Reyes 3:11

Ti Josafate xi laj sjaq'ue: —¿Mi mu'yuc junuc yaj'alc'op Dios li'e yo' jech sva'an sba cu'untic ta sjaq'uelotic ta stojol ti Diose? Oy jun ta scotol ti yaj'opisialtac ajvalil yu'un ti Israele, ti xi laj yale: —Li' oy ti Eliseoe, xnich'on ti Safate, ti xnabet to ox ta scoltaobba ti Eliase.

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Éxodo 29:4

Ts'acal to un, ti Aarone xchi'uc ti xnich'nabe, ic'o talel ta sti'il ochebal Axibalna ti bu nupel ta bee, ac'o atinicuc avu'un.

Isaías 1:16

Poco, tuso abaic. Tenic jipic loq'uel ta jba ta jsat ti achopolalique. Ictao abaic ta spasel ti chopole.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Levítico 14:8

“Ti buch'u ta xich' poquel tusele, tsots sc'oplal ac'o xchuc' lec ti sc'u'e. Ac'o spoc sba lec, ac'o xch'ul sba lec yo' jech pocbil tusbil ta xc'ot. Ts'acal to un, xu' xa x'och chi'invanuc ta naclej, ac'o mi tey to no'ox ta xcom vucub c'ac'al ta pana.

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

San Lucas 7:38

X'oc'olet xa, lic squejan sba ta stojol ti Jesuse, ti naca ta ya'lel sat laj spocbe ti yacane. C'un to un, naca ta stsotsil sjol laj staquijesbe, laj sbuts', laj smalbe ti muil poxil ta yacan ti Jesuse.

San Lucas 7:44

Va'i un, ti Jesuse sq'uel xch'a batel ti antse, xi laj yalbe ti Simone: —¿Mi xavil ti ants li'e? C'alal li'och talel ta anae, mu'yuc xavac'bun vo' yo' ta jpoc ti coque. Ja'uc ti ants li'e, ta ya'lel sat laj spocbun ti coque, laj staquijes ta stsatsal sjol.

San Juan 13:10

Xi laj stac' ti Jesuse: —Ti Buch'u atinem xae, laj xa sc'oplal ta xich' poquel sjunul, yacan xa no'ox ta xich' pocbel, yu'un pocbil xa sjunul. Ti vo'oxuque pocbiloxuc xa, ac'o mi mu acotolicuc.

San Juan 13:6

C'alal ja' o xa ta xpocbat yacan ti Simón Pedroe, xi laj yale: —¿C'u ono'ox xi ti vo'ot ta xtal apocbun ti coque, Cajval?

San Juan 13:8

Xi laj yal ti Pedroe: —Mi ja'uc xcac' apoc ma' ti coque. Xi laj stac' ti Jesuse: —Mi mu jpoc ti avoque, mu stac' xatal ta jtojol.

San Juan 19:34

Manchuc mi jech un, oy jun soldado laj to spajbe ta lanza xocon xch'ilte' ti Jesuse. Ta jech yepal, loc' talel ch'ich' xchi'uc vo'.

Hechos 22:16

Mu li'uc no'ox xach'ayete, lican, va'lan, ich'o vo'. Vocoletan ta stojol ti Cajvaltique yo' jech pocbil tusbil ti amule.’

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

Efesios 5:26

Jech laj spas ti Cristoe yo' jech ta xc'otic ta yu'untac Dios c'alal pocbil tusbil c'otic yu'un ti sc'ope.

1 Timoteo 5:10

Sc'an ojtiquinbilic lec c'usi laj spasic xtoc. Mi lec laj sts'itesan ti yalabique, mi xmuyubaj yo'nton yu'un yulo' ta xc'ot ta snae, mi oy laj yac' sbaic ta tunel yu'un ti jch'unolajeletique, mi laj scolta ti buch'u ta xich' svocole, mi yan ti oy c'usi lec laj spase, xu' xatic'be ta vun sbiic ti buch'u taje.

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

1 Juan 5:6

C'alal tal ti Jesucristoe, vinaj sc'oplal ti c'alal laj yich' ti vo'e, xchi'uc ti laj smal ti xch'ich'ele. Ma'uc no'ox vinaj sc'oplal ti laj yich' ti vo'e, ti laj smal ti xch'ich'ele, jech xtoc ti Ch'ul Espíritu ti ja' melel ti c'usi ta xale, ja' laj sva'an sba ta rextico ta yalbel ti sc'oplale.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.

Jueces 19:21

Jech ti mole ic'van batel ta sna. C'alal yacal ta xpocbat yacanic ti jxanviletique, ti c'alal yacal xa ta xve'ic ta xuch'ic vo'e, jech ti yajval nae bat yac'be sve'el ti burroetique.

1 Samuel 25:41

Snupilan xa banomil laj spatan sba c'alal to lumtic ti Abigaile, svinajeb ti ta x'ich'van ta muq'ue, ti xi laj staq'ue: —Yajtunelucun ti David un cha'e. Chapalun xa ta spocbel yacantac smosov ti cajval ti mi jech oy ta yo'nton ta spasun ta mantale.