San Juan 13:34 - Bible in Tzotzil de Chamula

³⁴ Xi ta xcalboxuc comel sc'oplal ti ach' mantale: J'ech'el c'uxuc xava'i abaic ta jujun tal jech c'u cha'al laj c'uxubinoxuque. Jechuc c'uxuc xava'i abaic ta jujun tal.

Tzotzil Zinacantan

³⁴ Chacalbeic achꞌ mantal, cꞌano me abaic. Jaꞌ me yech xacꞌan abaic chac cꞌu chaꞌal jcꞌanojoxuque.

LEQUIL ACH' C'OP

³⁴ Chacac'beic ach' mantal: Co'ol me xa c'an abaic. Ja' chac c'u cha'al jc'anojoxuc li vo'one, ja' no'ox me yech co'ol xa c'an abaic li vo'oxuc uque.

Bible in Tzotzil de Chenalhó with Deuterocanon

³⁴ Ta xcalboxuc comel jun ach' mantal, c'anano me abaic. Jech chac c'u cha'al la jc'anoxuc li vu'une, ja'uc me jech chac'anan abaic li vo'oxuque.

Tzotzil San Andres

³⁴ Chacalbeic achꞌ mantal, cꞌuxubinano me abaic. Jech chac cꞌu chaꞌal la jcꞌuxubinoxuque, jaꞌ jech sba xacꞌuxubinan abaic acotolic.

Tzotzil de Huixtán

³⁴ Ach' mantal chacalbeic, c'ux me xava'i abaic. Hech chaj c'u che'el c'uxot ti co'nton, ja' no'ox hechoxuc uc, c'ux me xava'i abaic.

San Juan 13:34 Iomraidhean Croise

Salmos 119:63

Lec xquil jba xchi'uc ti buch'utic sna' snijan sbaic ta atojole, ti buch'utic ta xc'ot ta pasel yu'unic ti c'usitic nopbil avu'une.

Salmos 16:3

Ti loc'obbail meltsanbil yu'un ti jteclume, oy smuc'ul stsatsal ta xalic ti buch'utic xmuyubaj no'ox xchi'uquique,

Levítico 19:18

“Mu me ja'uc xapas ti ta xa xapac ava'i sutele. Mi ja'uc ti xti'et xa xcapet xa ajol ta stojol ti avinquilele. C'uxubino ti avinquilel jech c'u cha'al ta xac'uxubin abae. Yu'un vu'un ti Ajvalilune.

Levítico 19:34

Biso ta junuc achi'ilic. Oyuc syail xc'uxul avo'nton ta stojol, yu'un co'ol oy ach'ulelic. Ma'uc no'ox taje, yu'un jyanlum la'ech'ic ta Egipto. Yu'un vu'un ti Ajvalil Diosun avu'unique.

San Mateo 5:44

Ta xcalboxuc ava'iic ti vu'une, c'uxubino ti avajcontrae. C'anbeic slequilal Dios ti buch'u ta xaschopol-c'optaoxuque. Pasic lec ta stojol ti buch'u xti'et sjol ta atojolique. C'oponbeic Dios ta stojol ti buch'utic ta xayilbajinoxuque.

San Juan 15:17

Ja' me smelol ti xi s'elan ta xcalboxuc ti jmantale: C'uxuc xava'i abaic ta jujun tal.

San Juan 17:21

Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

Romanos 12:10

Lecuc xavil abaic ta jujun tal ta sventa ti co'ol achi'il abaique. Co'oluc xavil abaic. Ich'o abaic ta muc' ta jujun tal.

Romanos 13:10

Ti buch'u oy syail xc'uxul yo'ntone, mu spas ti c'usi chopol ta stojol ti xchi'ile. Ta sventa ti syail xc'uxul o'ntonale, j'ech'el ta xc'ot ta pasel ti oy c'usi tsots albil sc'oplale.

Romanos 13:8

Ch'abaluc me avilic ta stojol yan. Ja'uc no'ox me avilic ti c'ux xava'i abaic ta jujun tale. Yu'un ti buch'u c'ux ta xa'i ti jun xchi'ile, c'ot xa ta pasel yu'un scotol ti c'u s'elan ta xal ti oy c'usi tsots albil sc'oplale.

Gálatas 5:22

Ja'uc yabtel ti Ch'ul Espíritue, ta xac' syail xc'uxul o'ntonal, muyubajel, smuc'ul o'ntonal, slamajemal o'ntonal, slequil yutsil o'ntonal, jun jol o'ntonal,

Gálatas 5:6

Yu'un ta stojol ti Cristo Jesuse, ma'uc tsots sc'oplal mi ich'bil circuncisión, mi mu'yuc. Ti tsots sc'oplale, c'otuc ta o'ntonal ta xch'unel ti Cajvaltique, ti vinajuc oyuc ti syail xc'uxul o'ntonal ta sventa ti yacal ta x'abtej ti oy c'usi c'otem ta o'ntonal ta xch'unele.

Gálatas 6:10

Jpastic tsatsal ta spasel ti c'usi lec ta stojol scotol ti yane. Ja'uc ech'em tsots sc'oplal, jpastic ta stojol ti co'ol jchi'il jbatic ta xch'unele.

Gálatas 6:2

Cuchbo abaic ti avocolic ta jujun tale. Mi jech ta xapasique, ta xc'ot ta pasel avu'unic ti jbel smantal ti Cristoe.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Colosenses 1:4

Yu'un laj ca'i ac'oplalic ti c'otem o avo'ntonic ta xch'unel ti Cristo Jesuse, xchi'uc ti c'ux ta xava'iic scotol ti buch'utic ja' yu'untac ti Diose.

1 Tesalonicenses 3:12

Ja'uc stuc ti Cajvaltique ac'o yepajes ta avo'ntonic ti c'uxuc xava'i abaique, xchi'uc ti c'uxuc xava'iic ti yan jnaclejetic jech c'u cha'al ti c'uxoxuc ta co'ntoncutique.

2 Tesalonicenses 1:3

Ti jech jchi'il jbatique, colaval, xichicutic ta j'ech'el ta stojol Dios ta aventaic ti xloc' venta ti jech ta jpascutique, ti jech yacal ta x'epaj ta atojolic ti c'ux ta xava'i abaic ta jujun tale, ti yacal ta x'epaj ta atojolic ti c'otem lec ta avo'ntonic ta xch'unel ti Cajvaltique.

Hebreos 13:1

Mu xavictaic ti jech c'ux ta xava'i abaic ta jujun tale, yu'un co'ol jch'unolajeloxuc.

Santiago 2:8

Ati jechuc ta xapasic jech c'u cha'al ti xi ta xal ti ch'ul c'ope: “C'ux me xava'i ti yane jech chac c'u cha'al ta xac'uxubin aba atuc”, toj lec unbi, yu'un ta xc'ot ta pasel avu'unic ti xch'ul mantal ti Buch'u oy ta toyole.

1 Pedro 1:22

Avi tana ti jech tac'al c'ot ta avo'ntonic ta xch'unel ti lequil ach' c'op ti bu ja' melele, coltabiloxuc yu'un ti Ch'ul Espíritu ti jech mesbil pocbil xa lac'otic, yo' jech c'ux ta xava'iic ti jch'unolajeletique. Yu'un tsots sc'oplal, c'uxuc ta xava'i abaic ta sjunul avo'ntonic, ta sjunul avipic.

2 Pedro 1:7

C'alal ta xac'anbeic vocol ti Diose, ac'beic to ech'el yipal ta sa'el ti lec xavil abaique. C'alal lec xavilan abaique, ac'beic to ech'el yipal ta sa'el ti oy syail sc'uxul avo'ntonique.

1 Juan 3:11

Xi s'elan ma' ti lequil c'op laj ava'iic talel ta sliquebale: c'uxuc xava'i abaic ta jujun tal.

1 Juan 3:23

Ti smantale, ja' ti c'otuc ta o'ntonal ta xch'unel ti Jesucristo ti ja' Xnich'one, xchi'uc ti c'uxuc xca'i jbatic ta jujun tal jech c'u cha'al laj yalbotique.

1 Juan 4:21

Yu'un ti Cajvaltic Jesucristoe xi laj yalbotic comel ti smantale: “Ti buch'u c'ux ta xa'i ti Diose, ac'o c'uxuc ta xa'i xtoc ti xchi'iltaque.”

2 Juan 1:5

Ti jech c'uxoxuc ta co'ntone, Jchi'iltac, ta jc'anboxuc vocol ta atojolic, ti x'ech'uc to me c'uxuc xca'i jbatic ta jujun tal. Ti jech ta jts'iba talel ti jvun ta atojolique, ma'uc jun ach' mantal; ja' ono'ox ti mantal laj ava'iic talel ta sliquebale.