San Juan 13:23 - Bible in Tzotzil de Chamula

²³ Oy jun ta scotolic ti mu tuch'baj ta o'ntonal yu'un ti Jesuse, ti nabal ta sts'el c'alal ta xve'ique.

Tzotzil Zinacantan

²³ Voꞌon ti más scꞌanojon icaꞌi ti Jesuse, tey tsꞌeel chiveꞌ ta xocon.

LEQUIL ACH' C'OP

²³ Oy jun yajchanc'op ti Jesuse ti sc'anoj tajmeque, tey lotol xchi'uc ta xocon.

Bible in Tzotzil de Chenalhó with Deuterocanon

²³ Oy jun yajchanc'op Jesús ti lec ono'ox sc'anoje, te ts'e'el ta sts'el ta ti'mexa.

Tzotzil San Andres

²³ Joꞌon ti toj cꞌuxun ta yoꞌon li Jesuse, te chotolun ta xocon te ta mexa.

Tzotzil de Huixtán

²³ Ho'oni yu'un ep c'uxun ti yo'nton ti Jesuse hech yu'un te ts'eelun ti sts'el ti Jesuse te ti mesa.

San Juan 13:23 Iomraidhean Croise

2 Samuel 12:3

Ja'uc ti me'une, mu'yuc xa yan ma' ti c'usi oy yu'une, c'ajomal jcot sme' yuni chij smanoj ti laj sts'ites ti stuque. Ti sme' yuni xchije ch'i ta yoc ta sc'ob jmoj xchi'uc yuni alabtac, ti jun sets'ic ta xve'ique, ti jun ti yuch'ob vo'ique, ti nujul ta xvay ta sti' yo'ntone. Ti vinic taje, co'ol s'elan sbisoj ta jun yantsil nich'on ta xa'i.

1 Reyes 4:5

Ti tsots yabtel yich'oj ta sbainel scotol ti c'usi sc'an pasele, ja' ti Azarías xnich'on ti Natane. Ti yan jbijubtasvanej yu'un ti ajvalile, ja' ti Zabud xnich'on ti pale Natane.

San Lucas 16:22

Ti buch'u abol sbae, sta sc'ac'alil cham, iq'ue batel yu'un anjeletic yo' chba xchi'in sbaic xchi'uc ti Abraham ti oy ta lequilale. Jech ti jc'uleje cham ec, laj yich' muquel.

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 11:3

Jech un, ti cha'vo' antsetique laj staic ta iq'uel ti Jesús ti xi laj yalbeique: —Cajval, ti buch'u lec xavil abaic xchi'uque, ip ta xa'i.

San Juan 11:36

Xi laj yalic ti israeletic une: —Q'uel avil, mu tuch'baj ta yo'nton xa'i sbaic.

San Juan 11:5

Ti Jesuse, manchuc mi c'ux ta xa'i ta yo'nton ti Martae, ti Mariae, ti Lazaroe,

San Juan 13:24

Ti Simón Pedroe lic spas senya ti ac'o sjac'be Jesús buch'u sc'oplal ta xalbe taje.

San Juan 13:25

Jech ti stuque x'ech' to to laj snaban sba ta sts'el ti Jesuse, ti xi laj yalbee: —¿Buch'u, Cajval?

San Juan 19:26

Ti Jesuse laj yil ti sme' va'al ta sts'el ti jun yajchanc'op ti buch'u mu tuch'baj ta xa'ie, ti xi laj yalbe ti sme'e: —Me', tey va'al ta ats'el ma' ti aquerem ole.

San Juan 20:2

Xbitet batel ta anil bu comem ti Simón Pedroe xchi'uc ti jun jchanc'op ti mu tuch'baj ta o'ntonal ta x'a'yie yu'un ti Jesús ti xi laj yalbe ya'iique: —Laj xa spoyic loq'uel ta muquinal ti Cajvaltique, mu jna'tic bu laj yaq'uic.

San Juan 21:20

C'alal joybij sq'uel spat ti Pedroe, laj yil ti tijil ech'el ta spatic ti jun jchanc'op ti c'ux ta x'a'yie yu'un ti Jesuse, ja' ti buch'u nabal ta sts'el Jesús ti xi laj sjac' ti c'alal jmoj ta xve'ique: “Cajval, ¿buch'u ta xac'ot ta c'abal?”

San Juan 21:24

Ti jchanc'op taje, ja' ti buch'u laj sts'iba ti jpoc vun li'e, ti yiloj scotol ti c'usi c'ot ta pasele. Jna'tic lec un, melel ti c'usi ta xale.

San Juan 21:7

Va'i un, ti jun jchanc'op ti mu tuch'baj ta o'ntonal ta x'a'yie yu'un ti Jesuse, xi laj yalbe ti Pedroe: —¡Ja' Cajvaltic ta xquil une! Naca jech laj ya'i ti Simón Pedro ti ja' Cajvaltique, laj slap ta anil ti sc'u' ti sloc'oj to oxe. Laj sjip sba batel ta vo'.