San Juan 13:21 - Bible in Tzotzil de Chamula

²¹ C'alal jech laj yal ti Jesuse, lic ochuc ta at o'nton ti xi to laj sts'ac batel ti lo'ile: —Ta xcalboxuc ava'iic ta melel, oy jun avu'unic ta xiyac' ta c'abal.

Tzotzil Zinacantan

²¹ Ti cꞌalal laj yal chac taje, iꞌoch ta at-oꞌon. Jaꞌ yech lic yalboticotic: ―Ta melel chacalbeic, oy junoxuc ti chavaqꞌuicon entrucale ―xiyutoticotic.

LEQUIL ACH' C'OP

²¹ Ti c'alal laj yal chac taje, ti Jesuse i'och ta at-o'on, ja' yech lic yal ta jamal chac li'i: ―Ta melel chacalbeic, oy junoxuc ti chavaq'uicon entrucale ―X'utatic.

Bible in Tzotzil de Chenalhó with Deuterocanon

²¹ C'alal laj yal jech li Jesuse, toj yan sba yo'nton laj ya'ay. Lic yal ta jamal li boch'o ta x'ac'van ta c'abale. Jech laj yal: —Jamal chacalboxuc ava'yic, oy jun avu'unic li'i ti ja' chiyac'un ta c'abale —xi.

Tzotzil San Andres

²¹ Cꞌalal laj yalbuncutic jech li Jesuse, vocol isjamalꞌalbuncutic ti buchꞌu ta xꞌacꞌvan ta cꞌabale yuꞌun chat tajmec yoꞌon. Jech laj yalbuncutic: ―Melel li cꞌusi chacalbeique, oy junoxuc li joꞌoxuque ti jaꞌ chiyacꞌ ta cꞌabale ―xijyutcutic.

Tzotzil de Huixtán

²¹ C'alal laj xa yal hech ti Jesuse, vocol ihu' yu'un laj yalbuntutic: ―Melel ti c'usi chacalbeique, oy jun achi'uquic chiyac'un entrecal ―xiyutuntutic.

San Juan 13:21 Iomraidhean Croise

San Mateo 26:21

C'alal xyaquet ti ve'ele, xi laj yal ti Jesuse: —Ta xcalboxuc ava'iic ta melel, oy jun avu'unic ta xiyac'un ta c'abal.

San Mateo 26:38

—Ta xicham o yu'un ti at o'nton ta xca'ie. Comanic to li'e, mu xavayic. Jmojuc viq'uiluc jsatic —xi ti Jesús ta stojolique.

Marcos 14:18

C'alal ta xa xve'ic ta mexae, ti Jesuse xi lic yale: —Ta xcalboxuc ava'iic ta melel, oy jun avu'unic li' jchi'inoj ta ve'ele ta smucul pay jc'oplal yo' ta xiyac' ta c'abal.

Marcos 3:5

Va'i un ti Jesuse, ta il, ta at-o'nton laj sq'uelbe batel sat ti c'u yepal joyolic ta stojole ta scoj ti mu xa'ibeic ti xchiquinale. Xi laj yalbe ti vinique: —Xach'o tal ti ac'obe. C'alal laj xach' ti sc'obe, lec com.

San Juan 11:33

Ti Jesuse, mu xnel, mu x'ech' laj ya'i sme'unalil c'alal laj yil ti ta x'oc' ti Mariae xchi'uc ti israeletic ti ts'acalic batele.

San Juan 11:35

Oc' ti Jesuse.

San Juan 11:38

Ti Jesuse mu x'ech' ta xa'i xtoc ti me'unale, nopaj batel ta muquinal. Ti muquinale co'ol s'elan jun pujul yut ch'en ti macbil sti' ta jun muc' ta tone.

San Juan 12:27

“¡Mu xnel, mu x'ech' ta xca'i ta j'ech'el ti vocole! ¿C'usi ta xcal un? ¿Mi ja' van xichi ta xcale: ‘Tot, coltaun yo' mu xc'ot ta jtojol ti vocol avi li'e?’ ti c'alal ja' sventa lital li'e.

San Juan 13:18

“Ma'uc ac'oplal acotolic ti va'i s'elan laj cale, yu'un jna'oj ti buch'u t'ujbilic cu'une. Ja'uc le'e, yu'un tsots sc'oplal ta xc'ot ta pasel jech c'u cha'al ti xi ts'ibabil ta ch'ul c'ope: ‘Ti buch'u jmoj ta xive' xchi'uque, joybij ta cajcontra.’

San Juan 13:2

Ti jech yorail xa ta xve'ique, tijbat yo'nton yu'un pucuj ti Judas Iscariotee, xnich'on ti Simone, ti ta xac' ta c'abal ti Jesuse.

San Juan 13:22

Ti yajchanc'optaque, sq'uel-q'uelbe xa sba satic ta jujun tal, ti mu sna'ic buch'u sc'oplal taje.

Hechos 17:16

C'alal ja' o ta xmalavan ta jteclum Atenas ti Pabloe, xbiet liquel yo'nton c'alal laj yil ti naca c'usitic meltsanbil ta c'abal ta xich'ic ta muc' ti jnaclejetique.

1 Juan 2:19

Ti buch'utic taje, ja' jchi'iltic to ox ti li' loc' ta jtojoltique, ti c'alal ma'uc ono'ox jchi'iltique. Ti ja'uc jchi'iltique, li' oy ta jtojoltic ti jechuque. Ti jech iloc' ta jtojoltique, yo' jech ta xvinaj ti mu jmojuc oyotic xchi'uque.