San Juan 12:48 - Bible in Tzotzil de Chamula

⁴⁸ Ti buch'u ta xisjip xistenune, xchi'uc ti mu xich' ta muc' ti jc'ope, xi s'elan ta xc'ot ta stojole: ta xich' chapanel ta slajebal c'ac'al ta sventa ti c'u s'elan laj cale.

Tzotzil Zinacantan

⁴⁸ Ti muchꞌutic mu xiyichꞌic ta muqꞌue, ti mu xchꞌunic li cꞌusi chcalbeique, chichꞌic onox castico cꞌalal xlaj li balamile. Jaꞌ chichꞌic o castico ti mu xchꞌunic li cꞌusi chcalbeique.

LEQUIL ACH' C'OP

⁴⁸ Ti much'u mu xiyich' ta muq'ue, ti mu xch'un ti c'usitic chcale, oy xa jchapanvanej yu'un: Ja' jchapanvanej chc'ot ta slajeb c'ac'al li jc'ope.

Bible in Tzotzil de Chenalhó with Deuterocanon

⁴⁸ Li boch'o chisbajicune, ti mu xich'ic ta muc' li jc'ope, oy xa jchapanvanej yu'unic. Ja' jchapanvanej chc'ot yu'unic ta slajebal c'ac'al li jc'op laj calbe ya'yique.

Tzotzil San Andres

⁴⁸ Li buchꞌutic mu schꞌunic ti joꞌon Yajcoltavanejicune, ta xcꞌot scꞌacꞌalil ta xꞌichꞌbat scꞌopic ta slajeb cꞌacꞌal. Jaꞌ ta xꞌichꞌbat o scꞌopic ti muc bu la schꞌunic li cꞌusi laj cale, jech ta xichꞌic o vocol.

Tzotzil de Huixtán

⁴⁸ Ti much'u mu xispasucun ti muq'ue ja' chc'ot yorail ti ch-ich'bat sc'op ti slajebal c'ac'al. Ja' ch-ich'bat sc'op yu'un ti jc'ope. Ja' chich'ic castigo yu'un ti muc xch'unique.

San Juan 12:48 Iomraidhean Croise

Isaías 53:3

Bajbil tenbil c'ot yu'un ti jnaclejetique, mu'yuc stu ile. Ja' jun j'ich'-vocol vinic, ti mu sna' spoj sba yu'un ti vocolajele. C'ot jech c'u cha'al ti buch'u tenbil xa ta o'ntonale, ti mu'yuc stu jipbil tenbil c'ot cu'untique.

San Mateo 10:15

Melel ta xcalboxuc ava'iic, c'alal ta sta yorail ti chapanele, ech'em tsots tsitsel ta xich'ic, ja' mu sta ti buch'utic nacajtic to ox ta Sodomae xchi'uc ti ta Gomorra jteclume.,

San Mateo 21:42

Va'i un, xi laj stac' ti Jesuse: —Ti vo'oxuque, ¿mi mu'yuc aq'uelojic ti ch'ul c'op ti xi ta xale? ‘Ti jbej ton ti laj sbaj sjip ti j'abteletique, tun lec ta sventa sliqueb ti nae. Taje, ja' yabtel stuc ti Diose. Ch'ayal ta xc'ot co'ntontic yu'un.’

San Mateo 25:31

Ti Jesuse xi laj yale: —C'alal xtal ochcun ta Ajvalil ti vu'un co'ol j'elantique, xojobin no'ox ti cutsilal jlequil ti joyolic ta jxocontac ti caj'ánjeltac ta xichoti ta lequil chotlebal ti bu jun yutsile.

Marcos 12:10

“¿Mi mu'yuc aq'uelojic ta ch'ul c'op ti xi ta xale? ‘Ti ton bajbil tenbil c'ot yu'un ti j'abteletique, ta ts'acal to ja' c'ot ta sventa sliqueb ti yoc na.

Marcos 16:16

Ti buch'u ta xich'ic ta muc' ti lequil ach' c'ope, ta xich'ic vo' unbi, ta staic pojel colel. Ja'uc ti buch'utic mu xich'ic ta muc' ti lequil ach' c'ope, ta ono'ox stoj ti smulique.

Marcos 8:31

Ti Jesuse xi laj yalbe ti yajchanc'optaque: —Ti vu'un co'ol j'elantique, mu no'ox albajuc ta xlic quich' jvocol yu'un ti moletique, yu'un ti banquilal paleetique, yu'un ti jchanubtasvanejetic yu'un ti oy c'usi tsots albil sc'oplale. Ta xisjip stenicun. Ta xiyaq'uic ta milel. Ta yoxibal (3) c'ac'al un, ta xicha'cuxi.

San Lucas 10:16

“Ti buch'utic ta xa'iic ti c'usi ta xavalique, ta xa'ibun ti jc'ope. Ti buch'utic mu xayaq'uic ta ventae, mu xiyaq'uic ta venta ec. Ti buch'utic mu xiyaq'uic ta ventae, ja' mu xaq'uic ta venta ti Buch'u laj stacun talele.”

San Lucas 17:25

Ja'uc le' une, ba'yel ep ta xquich' vocol, ti bajbil tenbilun yu'un ti jnaclejetic avi li'e.

San Lucas 20:17

Ja'uc ti Jesuse laj sq'uelbe batel ti xi laj yale: —Va'i un, ¿c'usi smelol ti xi ta xal ti ts'ibabil ta ch'ul c'opetique? Ti jbej ton jipbil tenbil yu'un ti j'abteletique, ja' c'ot ta sliqueb yoc ti nae.

San Lucas 7:30

Ja'uc ti fariseoetique xchi'uc ti jchanubtasvanejetic yu'un ti oy c'usi tsots albil sc'oplale, mu'yuc xich'ic vo' ta sventa ti Juane. Laj sjip, laj stenic ti oy c'usi ta sc'an ta ox spas ti Dios ta stojolique.

San Lucas 9:22

ti xi laj yale: —Ti vu'un co'ol j'elantique ta xquich' ep vocol. Ta sjip stenicun ti moletique, ti banquilal paleetique, ti jchanubtasvanejetic yu'un ti oy c'usi tsots albil sc'oplale. Ta xiyaq'uicun ta milel, ja'uc, ti ta yoxibal c'ac'ale, ta xicha'cuxi.

San Lucas 9:26

Mi oy buch'u ta xq'uexav ta jtojol xchi'uc ta xq'uexav yu'un ti lequil ach' c'op cu'une, ja' jechun ec ti co'ol j'elantique, ta xiq'uexav ta stojol c'alal ta xital xchi'uc yutsilal ti Jtote, xchi'uc ti ch'ul anjeletique.

San Juan 11:24

Xi laj yal ti Martae: —Ta jna' ti ta xcha'cuxie ja' to c'alal mi ta xcha'cuxiic ti animaetic ta slajebal c'ac'ale.

San Juan 5:45

Ma'uc tac'al xc'ot avu'unic ti vu'un ta jtic' amulic ta stojol ti Jtote. Ti buch'u ta stic' amulique ja' ti Moisese, ti buch'u apatoj avo'ntonic ta stojole.

San Juan 6:39

Ti oy ta yo'nton ti Buch'u laj stacun talele, ja' ti mu xch'ayic cu'un junuc ti laj yac'bun ta coc ta jc'obe, ti ja' ta jcha'cuxesic ta slajeb ti c'ac'ale.

San Juan 8:47

Ti buch'u ja' xnich'nabtac ti Diose, ta sts'etan sni' xchiquin ta ya'yiel ti c'u s'elan ta xal ti sc'op Diose. Ti vo'oxuque mu xac'an xats'etan ani' achiquin ta ya'yiel ti jc'ope, yu'un ma'uc xnich'naboxuc ti Diose —xi ti Jesuse.

Hechos 17:31

Ti Diose chapal xa jun c'ac'al ta yutsil yo'nton ta xchapan ti jnaclejetic ta sventa ti jun vinic laj st'uje. Svinajeb ti t'ujbil ti vinic taje, ja' ti laj yac' iluc ti laj xcha'cuxese.”

Hechos 3:23

Yu'un scotol ti buch'utic mu xich'ic ta muc' ti j'alc'op taje, jip ten xi loq'uel ta jteclum.’

Romanos 2:16

C'alal ta sta sc'ac'alil ta xchapanvan ti Dios ta sventa ti Jesucristoe, ta xvinaj scotol ti c'usitic snopojic ta mucule jech c'u cha'al ta xal ti lequil ach' c'op ti vu'un ta xcale.

2 Corintios 4:3

Ti buch'u mu xa'ibe smelol ti lequil ach' c'op ti ta xcalcutique, ja' no'ox ti buch'utic ta xbatic ta ch'ayele.

2 Tesalonicenses 1:8

Ta xtal stsits ti buch'utic mu laj sbic'tajes sbaic ta stojol ti Diose, xchi'uc ti mu'yuc laj xch'unic ti lequil ach' c'op yu'un ti Cajvaltic Jesucristoe.

Hebreos 10:25

Ma'ucuc jchanbetic yo'ntonic ti buch'utic laj xa yicta sbaic ti mu xa xc'otic ta tsobobbail cu'untique, yu'un ja' no'ox tsots sc'oplal sc'an ti ac'o jtsatsubtasbe jba co'ntontic ta jujun tale, yu'un nopol xa talel sc'ac'alil ta xtal ti Cajvaltique.

Hebreos 12:25

Jech o xal un, bijanic, tsotsanic, mu xabaj xaten ti Buch'u yacal ta xisc'oponotic avi tanae. Yu'un mu'yuc xcolic ti buch'utic laj sbajic ti bijubtasel yu'un ti buch'u c'opoj ta sventa Dios li' ta banomile. ¿Mi ja' xa van ta xijcolotic ti vo'otic mi ta jbajtic ti Buch'u ta xisbijubtasotic ti ta xlic talel sc'opojel ta vinajele?

Hebreos 2:3

¿C'usi xa ono'ox ta xcutic yo' ta jpoj jbatic un cha'e mi mu jtuc'ulantic lec ti muc'ul coltaele? Yu'un ja' laj yal ba'yel stuc ti Cajvaltic sc'oplal ti pojel colele. Lic yalbotic ec ti buch'utic laj ya'iic ba'yel ti sc'oplale.

Hebreos 4:12

Yu'un ti sc'op Diose, cuxul, oy stsatsal, ja' mu sta jech ti c'usuc no'ox espadail ti yich'oj cha'jot yee. Yu'un ta xc'ot c'alal to yut o'ntonal, ti bu xa c'alal ti c'usi ta snopilane, ta svinajesel ti c'usi oy ta yut yo'ntone.

1 Pedro 1:5

Ti jech c'otem ta avo'ntonic ta xch'unel ti Diose, chabibiloxuc yu'un ta sventa ti smuc'ul stsatsale, yo' jech ta xataic acoltaelic, ti chapanbil xa yu'un ti ta xac' ta ilel ta slajebal c'ac'ale.

2 Pedro 3:3

Ma'uc no'ox taje, xi s'elan ma' ti oyuc ta avo'ntonique: c'alal slajebtic xa batel ti c'ac'ale, oy buch'utic ta xvul ta loq'uel ti yac'ojbeic yipal ta spasel ti c'usi xal ti yo'ntonique, xchi'uc xtoyet xa yeic ta na'levanej ti xi ta sjaq'uique:

2 Pedro 3:7

Ja'uc ti vinajel banomil avi tana li'e, ta sventa smantal Dios, q'uejbil chapal sc'oplal ta xlaj ta c'oc'. Ti c'oc' taje ta xchiq'ueic yu'un ti c'alal ta sta yorail ti chapanele, ti ja' o xa ta stsuts o sc'oplal ti buch'utic toj chopolique.

1 Samuel 10:19

Avi tana une, ta xabajic ti Dios avu'unique, ti c'alal ja' jpojvanej avu'unic ta scotol ti avocolique, ti bu mu xa xnel ta xava'iic ti at-o'ntonale, ti loc' ta alel avu'unic ta jva'anboxuc junuc ajvalil ti ta xaspasoxuc ta mantale. Ja'uc tana le' une, ta jujuvoc' nitiluloxuc ti bu la'ayanic talele, chapano abaic talel ta sva'anel abaic ta stojol ti Diose.

1 Samuel 8:7

Ja'uc le' une, xi tac'bat talel yu'un ti Diose: “A'yibo sc'op ti jteclum ti c'usi ta sc'anbote, yu'un ma'uc ta xayictaic comel. Ta xiyictaicun comel yo' jech mu ta jventainic.