San Juan 12:43 - Bible in Tzotzil de Chamula

⁴³ Yu'un ja' lec ta xa'iic ti ich'bilic ta muq'ue. Ja' mu sc'anic ta xc'ot ta stojolic yutsilal slequilal ti Diose.

Tzotzil Zinacantan

⁴³ Ti jmeltsanejcꞌopetique jaꞌ tsots scꞌoplal iyaꞌiic ti ichꞌbilic ta mucꞌ yuꞌun li crixchanoetique; jaꞌ mu tsotsuc scꞌoplal iyaꞌiic ti lec ch-ileic yuꞌun ti Rioxe.

LEQUIL ACH' C'OP

⁴³ Ti jmeltsanejc'opetique ja' tsots sc'oplal iya'iic ti ich'bilic ta muc' yu'un li crixchanoetique; ja' mu tsotsuc sc'oplal iya'iic ti lec ch-ileic yu'un ti Rioxe.

Bible in Tzotzil de Chenalhó with Deuterocanon

⁴³ Yu'un ja' la sc'anic ti lec sc'oplalic yu'un li cristianoetique; ja' jutuc sc'oplal laj ya'yic ti lec ac'o ilaticuc yu'un Diose.

Tzotzil San Andres

⁴³ Li jꞌabteletique más la scꞌanic ti lec ta xꞌileic yuꞌun li crixchanoetique. Jaꞌ mu másuc la scꞌanic ti lec acꞌo ileicuc yuꞌun li Diose.

Tzotzil de Huixtán

⁴³ Ma'uc tsots sc'opilal ti yo'ntonic ti lec chc'ot sc'opilalic yu'un ti Diose. Ja' no'ox tsots sc'opilal ti yo'ntonic ti lec chc'ot sc'opilalic yu'un ti xchi'iltac ti abtele.

San Juan 12:43 Iomraidhean Croise

Salmos 22:29

Acotolic ti oy c'usi x'ayan avu'unique, nijano chimano abaic ta yich'el ta muc'. Acotolic ta xac'atajic ta lum ta ach'el, mu avac'ojbeuc abaic ti avuni cuxlejalique.

Proverbios 29:25

Ti xi'el yu'un ti viniquetique, muc'ul tsalel ta j'ech'el; ti buch'u spatoj yo'nton ta stojol ti Dios une, chabibil lec.

San Mateo 6:2

“C'alal ta xacolta ti buch'u abol sbaique, mu xavinajes ta stojol yan jech c'u cha'al ta spasic ta ch'ulna, mi ta bebetic ti jpac'taejbailetique, yo' jech ta xlequil-c'oplaltaatic yu'un ti yane. Ta xcalboxuc ava'iic, ja' no'ox jech yepal laj sta ti smotonique.

San Lucas 16:15

Ti Jesuse xi laj yalbee: —Ti vo'oxuque jun xa yutsil ta xapas abaic ta stojol ti buch'uuc no'oxe. Ti Diose yiloj avo'ntonic c'u s'elan. Na'o abaic un, ti c'usi xatoyet xchi'uc ta stojol ti buch'uuc no'oxe, mu lecuc ta xil ti Diose.

San Lucas 19:17

Xi laj stac' ti ajvalile: ‘Lec oy, ja' jun lequil j'abtelot. Ti ta slequil avo'nton laj aventain ti jutebe, ta xa'och ta ajvalil cu'un, ta xaventain lajuneb jteclum.’

San Juan 12:26

Mi oy buch'u ta xac' sba ta tunel cu'une, ac'o sts'acliun batel. Ti buyuc no'ox oyune, tey oy ec ti buch'u ta xac' sba ta tunel cu'une. Ti buch'u ta xac' sba ta tunel ta jtojole, ich'bil ta muc' yu'un ti Jtote.

San Juan 5:41

“Yu'un ma'uc ta jc'an ti lec xa ave ati'ic yilel ta jtojole.

San Juan 5:44

Ti mi ja' no'ox ta xac'anic ti ich'el ta muc' yu'un ti achi'iltaque, ti mi mu xasa'ic ti ich'biloxuc ta muc' yu'un ti Dios stuque, ¿c'usi la ta xavutic ta xavich'icun ta muc'?

San Juan 7:18

Ti buch'u yeilal no'ox yu'un ti c'usi ta xale, ja' no'ox ta sc'an ich'el ta muc' yu'un ti jnaclejetique. Ja'uc ti Buch'u ta xac'be yipal ti ich'bil ta muc' ta xc'ot yu'un ti Buch'u tacbil talele, le'e, melel ti c'usi ta xale, ma'uc ta xlo'lavan.

San Juan 8:54

Xi laj stac' ti Jesuse: —Ti tauc xcac' jba ich'el ta muq'ue, j'ech'el mu'yuc c'usi bal o. Yu'un ti Buch'u ta xiyac'un ta ich'el ta muq'ue, ja' ti Jtote, ti ja' Dios avu'un ta xavalique.

Romanos 2:29

Xi s'elan ma' ti bats'i israele: ja' sc'oplal ti buch'u yich'oj circuncisión ta yutil yo'ntone, ma'uc ta sventa ti c'u s'elan ts'ibabil ta vune, yu'un ja' ta sventa stsatsal ti Ch'ul Espíritue. Ti buch'u jech s'elan taje, lec x'ile yu'un Dios, ma'uc lec x'ile ta sventa ti jnaclejetique.

Romanos 2:7

Ta xac'be xcuxlejal sbatel osil ti buch'utic yac'ojbeic yipal ta sa'el ti slequilalique, ti yich'elic ta muq'ue, ti c'usi mu sna' xlaje, ti mu'yuc laj yicta sbaic ta spasel ti c'usi leque.

1 Corintios 4:5

Ja' yu'un un cha'e, ma'uc ti xacajchapanbe xa sc'oplal ti yane. Mala avilic ora ti ja' ta xchapan stuc ti Cajvaltic ti c'alal ta xvul ta loq'uele. Ta svinajes ta saquil osil ti c'usi mucule. Ti Cajvaltique ta xac' ta ojtiquinel c'u s'elan oy ta yut yo'ntonic ti jujune. Ta xac' ta q'uelel c'u s'elan ta x'ileic yu'un Dios ta jujun tal.

2 Corintios 10:18

Ti bu lec sc'oplal ti buch'ue, ja' ti buch'u lec sc'oplal ta x'albat yu'un ti Diose, ma'uc ti buch'u ta svinajes sc'oplal stuque.

1 Tesalonicenses 2:6

Yu'un xi s'elan laj jpas jbacutic ti ma'uc laj jsa'cutic ti ich'biluncutic xa ta muc' yu'un junuque: mi ja'uc ti vo'oxuque, mi ja'uc ti yane. Xu' nan ta xcac'cutic avocolic ta yac'beluncutic ti c'usi ta xtun cu'uncutic jechuque, ti jech tacbiluncutic yu'un ti Cristoe. Ja'uc le'e, mu jechuc laj jpascutic.

1 Pedro 3:4

Ti c'upil abaic ta q'uelele, ti mu xtub xlaj sc'oplale, ja' ti slequil yutsil avo'ntonic ti ayanem talel ta yutile, ti lamajem avo'ntonique, ti mu'yuc c'usi xal avo'ntonique. Ti jech avutsilic taje, ja' tsots sc'oplal ta xil ta sba ta sat ti Diose.

1 Samuel 15:30

—Oy xa jmul —xi laj xcha'al ti Saule—. Ja'uc le' une, ta jc'anbot vocol ta sba ta satuc ti moletic yu'un ti Israele, ta sba ta satuc scotol ti jteclume, ti staojuc yav ich'bilucun ta muc' avu'un ti jech ajvalilune. Ja' yu'un un cha'e, sutan talel yo' chba quich' ta muc' ti Ajvalil ti ja' Dios avu'une.

1 Samuel 2:30

Ja'uc le' un cha'e, ti Ajvalil ti ja' Dios yu'un ti Israele, ti laj yal ti ta xatunic o xchi'uc ti avalab anich'nabe, avi tana un, xi ta xal ta jamale: ‘Mu xcac' que jti' ti jech le'e. Ta xcac' ta ich'el ta muc' ti buch'u ta xiyac'un ta ich'el ta muq'ue. Ta xcac' ta q'uexlal ti buch'u ta xisoquesbeicun ti jc'oplale. Ti vu'un Ajvalilune mu me lo'iluc no'ox ta xcal.