San Juan 12:36 - Bible in Tzotzil de Chamula

³⁶ C'otuc ta avo'ntonic ta xch'unel ti saquilal osile yo' to li' va'al ta atojolique, yo' jech ta xac'otic ta yalab xnich'nab ti saquilal osile. C'alal jech laj yale, bat snac' sba ti Jesuse.

Tzotzil Zinacantan

³⁶ Jaꞌ noꞌox yechoxuc uc, yoꞌto me liꞌ jchiꞌucoxuque, chꞌunic me ti voꞌon chcacꞌ acuxlejalique yoꞌ ti xacuxiic o ta sbatel osile ―xꞌutatic. Cꞌalal laj yal chac taje, muc xilic bu ibat ti Jesuse.

LEQUIL ACH' C'OP

³⁶ Lavi li' to ta atojolic li luze, tsc'an cha ch'unic, yo' ti xch'amaloxuc sac osil chac'otique. C'alal laj yal chac taj ti Jesuse, iloc' ech'el mu xa bu iyac' sba ta ilel ta stojol li crixchanoetique.

Bible in Tzotzil de Chenalhó with Deuterocanon

³⁶ Ja' yu'un c'alal li' to oy ta atojolic li luze, ch'unic me, yu'un jech xnich'onoxuc sac osil chac'otic o —xi li Jesuse. C'alal laj yal jech li Jesuse, iloc' batel; muc xa xac' sba ta ilel ta stojolic.

Tzotzil San Andres

³⁶ Jaꞌ noꞌox jechoxuc eꞌuc li joꞌoxuque, yoꞌ to liꞌ jchiꞌucoxuque, chꞌunic ti joꞌon tꞌujbilun yuꞌun Dios sventa chajcoltaique, jech snichꞌnaboxuc xa Dios ―xi li Jesuse. Cꞌalal laj yal jech li Jesuse, la svocꞌ sba batel.

Tzotzil de Huixtán

³⁶ Yo'to li' jchi'inojoxuque ch'unic ti ho'on Jcoltavanejun avu'unic hech yol snich'on Dios chac'otic ti mero melel ―xchi ti Jesuse. C'alal laj yo'nton laj yal hech ti Jesuse, laj sq'uej sba.

San Juan 12:36 Iomraidhean Croise

Isaías 60:1

Tamo aba liquel, Jerusalén, tixetuc liquel ti alequilal ti oy ono'ox ta atojole, yu'un vul xa ta loq'uel ti saquilal osil avu'une, ti xtixet xa vulel ta atojol yutsilal ti Diose.

San Mateo 21:17

Va'i un, ti Jesuse laj yicta comel, loc' batel ta muc' ta jteclum, bat ta jteclum Betania ti bu ech' yu'un ti ac'ubaltique.

San Mateo 5:14

“Ta stojolal ti yane, co'ol s'elan luz c'otemoxuc. Ti jun jteclum ti oy ta jol vitse, mu'yuc ta nac'al.

San Lucas 16:8

Ti ajvalile laj yil ti ech'em sbijil ta sventa no'ox banomil ti chopol jbainej abtel ti sna' c'usi xut sba ti c'usi ta xtun yu'une. Yu'un ti li' ta banomile, oy sbijilic, sna'ic lec c'u s'elan ta scolta sbaic ta jujun tal yo' lec oyic. Ja' mu sta sbijilic ti buch'utic ti oyic ta saquilal osile.

San Juan 1:7

ta sva'anel sba ta yalbel ya'iic ti jnaclejetic ta banomil ti ja' bats'i j'ac'-cuxlejal ti Jesucristoe, yo' jech scotolic ta xc'ot ta yo'ntonic ti c'usi ta xal ti Juane.

San Juan 11:54

Jech o xal ti Jesuse mu xa xac' sba iluc ta stojol ti israeletique. Loc' batel ta Judea, bat ta sts'el xocol banomil ta jun jteclum ti sbiinoj Efraine. Ti bu taje, com xchi'uc ti yajchanc'optaque.

San Juan 12:37

Manchuc mi laj yac' ta ilel ti Jesús ti oy c'usi ch'ayal ta xc'ot o'ntonal yu'un ta sba ta sat ti israeletique, mi ja'uc c'ot ta yo'ntonic ta xch'unel.

San Juan 12:46

Yu'un saquilal osilun lital ta banomil yo' jech ti buch'u ta xc'ot ta yo'nton ta xch'unelune, mu xcom ta ic'al osil.

San Juan 3:21

Ja'uc ti buch'u co'ol yo'ntonic xchi'uc ti bu ja' melele, ta xnopajic ta stojol ti luze yo' jech ta xvinaj sva'anoj sba ti Dios ta stojolic ti c'usi ta spasique.”

San Juan 8:12

Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

San Juan 8:59

Va'i un, ti stuquique laj stsaquic ton yo' ta xac'beic. Ja'uc ti Jesuse laj sq'uej sba, loc' batel ta ch'ulna. Ech' batel ta o'lol yu'unic, bat.

Efesios 5:8

Ta vo'ne ti vo'oxuque, oyoxuc to ox ta ic'al osil ti naca vocol xale. Avi tana li'e, oyoxuc ta saquilal osil ta sventa ti junoxuc xchi'uc ti Cajvaltique. Jech o xal un, ac'beic yipal ta spasel jech c'u cha'al ti buch'utic oy ta saquilal osile.

1 Tesalonicenses 5:5

Acotolic ti vo'oxuque oyoxuc xa ta saquilal osil, ta c'ac'altic. Ma'uc xa oyoxuc ta ic'al osil, ta ac'ubaltic.

1 Tesalonicenses 5:8

Yu'un ti vo'otique oyotic xa ta saquilal osile, cuxuluc lec ti co'ntontique. Ja'uc me c'otemuc ta jpojobbailtic ti c'otem ta co'ntontic ta xch'unel ti Cajvaltique, ti oyuc ti syail xc'uxul o'ntonale, ti c'otemuc ta jpojobbailtic ti jmalatic ti jbel sc'oplal ta xijcole jech c'u cha'al ti soldado lec smacoj sti' yo'nton sjol yu'un ti smacobbaile.