San Juan 12:34 - Bible in Tzotzil de Chamula

³⁴ Xi laj staq'uic ti jnaclejetic ta banomile: —Ta sventa ti oy c'usi tsots albil sc'oplale, oy bu ca'binojcutic ti cuxul sbatel osil ti Cristoe. Mi vo'ot ti Cristoote, ¿c'u cha'al ta xaval ti ta xquich' milel ti vu'un co'ol j'elantique? ¿Buch'uot un cha'e?

Tzotzil Zinacantan

³⁴ Itacꞌav ti jchiꞌiltaque: ―Caꞌyojbeticotic onox scꞌoplal ti muchꞌu stꞌujoj Riox chtal spasoticotic ta mantale. Tsꞌibabil ta scꞌop Riox ti cuxul o ta sbatel osile. Mi voꞌot ti chapasoticotic ta mantale, ¿cꞌu yuꞌun ti “jipil chicham voꞌon ti coꞌol crixchanootique”, xachie? ¿Muchꞌuot cheꞌe? ―xutic.

LEQUIL ACH' C'OP

³⁴ Itac'av li crixchanoetique: ―Li vo'oticotique ca'yojticotic ta smantaltac Riox ti much'u ta xtaque tale, cuxul o ta sbatel osile. ¿C'u yu'un ti chaval li vo'ote ti persa chich' jipanel ta cruz ti much'u Xch'amal crixchano ic'ote? ¿Much'u li Xch'amal crixchano ic'ot chavale? ―Xutic.

Bible in Tzotzil de Chenalhó with Deuterocanon

³⁴ Itac'ov li cristianoetique: —Li vu'uncutique ca'yojcutic ta smantal Dios ti cuxul o sbatel osil li Cristoe. ¿C'u yu'un chaval: ‘Persa chquich' joc'anel ta cruz vu'un ti Xnich'on cristiano lic'ote’, xachi? ¿Boch'oot cha'e? —xutic.

Tzotzil San Andres

³⁴ Itacꞌav li jchiꞌiltaque: ―Caꞌiojbecutic onoꞌox scꞌoplal li buchꞌu tꞌujbil yuꞌun Dios ti chtal sventainutique. Tsꞌibabil comel ta scꞌop Dios ti cuxul o sbatel osile. Mi joꞌot chaventainuncutique, ¿cꞌu chaꞌal jech chaval: “Persa chicham ta cruz, joꞌon li coꞌol crixchanoutique”, ti xachie? ¿Buchꞌuot chaꞌa? ―xutic.

Tzotzil de Huixtán

³⁴ Hech itac'av ti jchi'iltaque: ―Ca'yojbetutic sc'opilal ti Cristoe te ts'ibabil ti sun ti Diose. Chal ti sbatel osil oy ti Cristoe, ja' ti Jcoltavanej cu'untique. Mi ho'ot Cristoote, ¿c'u yu'un hech chaval: “Persa chimilat ti cruz, ho'on ti co'ol crixchanoucutique”, ti xachie? ―xchiic.

San Juan 12:34 Iomraidhean Croise

2 Samuel 7:13

Ti buch'u taje, ja' ta sva'anbun ti jch'ulnae, ti ta xcac' que jti' ta xjalij ta ventainvaneje.

Salmos 110:4

Ti Diose xi laj sva'an sba ta yalel ti mu sutes ti ye sti'e: “Paleot sbatel osil jech c'u cha'al ech' ti Melquisedeque.”

Salmos 72:7

Ayanuc ta j'ech'el ti yutsil stuq'uil ti lamajemuc c'op ti jech ochem ta ajvalile, ja' to ti c'uxi ic' muts'an com ti banomile.

Isaías 53:8

Ta jeche' no'ox laj sjochic batel, mi ja'uc junuc oy buch'u laj stic' sba ta spojel, mi ja'uc junuc oy buch'u laj svul yo'nton yu'un ti c'usi ta xc'ot ta stojole. Laj xch'aybeic sc'oplal li' ta banomile. Laj smilic ta scoj smulic ti jteclumale.

Isaías 9:7

Ta xchoti ta spasel mantal ti bu choti ti Davide; buyuc no'ox ta xpuc batel sc'oplal ti yich'oj tsots yabtel ta ajvalilale, mu'yuc xlaj sc'oplal ti lamajem ti c'op yu'une. J'ech'el ta xc'ot ta pasel ti tsots yabtel yich'oje; ti yictac yabtel ti bu stsacoj sba lec xchi'uque, ja' ti tuc' ta xchapanvane, ti ta stic' sba ta xchapel ti bu tsots sc'oplal avi tana le'e, jech o sbatel osil. Taje, ta xc'ot ta pasel ta sventa ti mu no'ox albajuc ayanem syail xc'uxul yo'nton ti Dios ti scotol xu' yu'une.

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

Daniel 7:14

Ac'bat yich' ti jelavem smuc'ul stsatsale, ti yutsilal slequilale, ti ventainel yu'une. Jech o xal ta xac' sbaic ta tunel ta stojol scotol ti jnaclejetic ta jujun muc' ta lume, ti ta jujuchop ti sc'opique. Yu'un jech sbatel osil ti oy smuc'ul stsatsale. Mi jutebuc ta xc'ot ta tubel ti c'u s'elan ta spas mantale.

Daniel 7:27

Ti spasob mantale, ti jelavem xu' yu'une, ti yutsilal slequilal ti oy ta scotol pasob mantaletic li' ta banomile, ja' ta xlic ac'batuc ta yoc ta sc'obic steclumal ti Dios ti oy ta toyole. Mu'yuc stsutseb ti jech ta xchoti ta pasob mantale. Yu'un scotol ti jteclumetic ta banomile, ta xac' sbaic ta tunel ta stojol. Ta xch'unbeic ti c'usi ta xale.”

Miqueas 4:7

Ti scomelal yuni coxovile, ja' ta xc'ot ta jun jtunel; ti xch'ayemal ta bee, ta xc'otic cu'un ta jun tsatsaquil jteclum. Avi tana li' une, ja' ta xic'ot ta jventainvanej yu'unic sbatel osil ti ta vits Sione.

San Mateo 16:13

C'alal c'ot ti Jesús ta jteclum Cesarea Filipoe, xi laj sjac'be ti yajchanc'optaque: —¿Buch'uun ta xalic ti jnaclejetic ti vu'un co'ol j'elantique?

San Mateo 21:10

C'alal och batel ta Jerusalén ti Jesuse, scotol ti yajval muc' ta lume snet'-net' sbaic ta vochlajetel, ti xi ta sjac'olanbe sbaique: —¿Buch'u le'e?

San Mateo 8:20

Ti Jesuse xi laj stac'bee: —Ti vete oy snail ch'en. Ti mutetique oy stasic. Ti vu'un co'ol j'elantique, mi ja'uc jutebuc oy bu ta jcux ti co'ntone.

San Juan 10:34

Xi laj stac' ti Jesuse: —Ti ts'ibabil ti oy c'usi tsots albil sc'oplal oy ta atojolique, xi ta xale: ‘Laj calboxuc ava'iic, vo'oxuc ti diosoxuque.’

San Juan 12:32

C'alal ta sta yorail ta xquich' jipanel ta curuse, ta jtijbe yo'nton ta yiq'uel talel scotolic ta jtojol.

San Juan 15:25

Ti jech taje, yo' tsots sc'oplal ta xc'ot ta pasel jech c'u cha'al ti xi ts'ibabil ti smantalique: ‘Ta jech no'ox yepal xti'et sjolic ta jtojol.’

San Juan 8:28

Xi laj yal ti Jesuse: —C'alal ti vo'oxuc ta xajipanic ta curus ti vu'un co'ol j'elantique, ja' to ta xlic avojtiquinicun Buch'uun ta melel. Scotol ti c'usi ta xcale, ma'uc ta jol jtuc, yu'un ja' ta xcal c'u s'elan lichanubtasat yu'un ti Jtote.

Romanos 3:19

Jna'tic ti jech ta x'albatic ti buch'utic oy ta yoc ta sc'ob ti oy c'usi tsots sc'oplal albile yo' jech macal ta xc'ot ye scotolic ta stojol ti Diose, yu'un scotol oy ti smulique.

Romanos 5:18

Laj staic ti ta stoj smulic scotol ti jnaclejetic ta banomil ta scoj smul ti vinic Adane. Ta sventa ti jun yutsil ti c'u s'elan laj spas ti Jesucristoe, jcotoltic mu'yuc ta jtatic ti chapanele, mi ja'uc ta jtoj ti jmultique.

Hebreos 7:24

Ti jech j'ech'el cuxul ti Jesuse, laj to c'op ti ta to x'ich'bat ta yan ti yabtel ti jech banquilal palee.