San Juan 12:32 - Bible in Tzotzil de Chamula

³² C'alal ta sta yorail ta xquich' jipanel ta curuse, ta jtijbe yo'nton ta yiq'uel talel scotolic ta jtojol.

Tzotzil Zinacantan

³² Jipil chicham ta scoj smulic li crixchanoetique yoꞌ voꞌon xa chiyichꞌic o ta muqꞌue ―xꞌutatic.

LEQUIL ACH' C'OP

³² Ti c'alal chquich' jipanel ta cruze, ja' chtalic o ta jtojol li crixchanoetique. ―X'utatic.

Bible in Tzotzil de Chenalhó with Deuterocanon

³² C'alal chquich' joc'anel ta cruze, ja' jech ta xquic'an tal ta jtojol scotol li cristianoetique —xi li Jesuse.

Tzotzil San Andres

³² Ti chicham ta cruze, yoꞌ jech ta xquicꞌan scotol li buchꞌutic tscꞌan chiyichꞌic ta mucꞌ ta spꞌejel li balumile ―xi li Jesuse.

Tzotzil de Huixtán

³² Ti ho'one yu'un ti chicham ti cruze, hech chtalic scotol crixchanoetic ti jtojol ti much'utic chch'unic ti ho'on Jcoltavanejun yu'unique ti sjoylejal balumil ―xchi ti Jesuse.

San Juan 12:32 Iomraidhean Croise

San Juan 8:28

Xi laj yal ti Jesuse: —C'alal ti vo'oxuc ta xajipanic ta curus ti vu'un co'ol j'elantique, ja' to ta xlic avojtiquinicun Buch'uun ta melel. Scotol ti c'usi ta xcale, ma'uc ta jol jtuc, yu'un ja' ta xcal c'u s'elan lichanubtasat yu'un ti Jtote.

San Juan 3:14

Jech c'u cha'al ti Moisés laj sjipan ta te' sloc'obbail chon ta xocol banomile, ja' jech ta xquich' jipanel ta curus ec ti vu'un co'ol j'elantique.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

San Juan 6:44

Mu'yuc buch'u junuc xu' ta xtal ta jtojol mi ma'uc ic'bil talel yu'un ti Jtot ti laj stacun talele yo' ta jcha'cuxes ta slajeb ti c'ac'ale.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

1 Timoteo 2:6

Yu'un ti Jesucristoe laj yac' sba ta milel yo' jech ta stojbe spojel scolel scotol ti jnaclejetic ta banomile, ti sta xa yorail laj yac' ta na'el ti Dios avi tana li'e.

Hebreos 2:9

Ja'uc le' une, ta xca'ibetic sc'oplal ti Jesuse, ti jech sjalil peq'uel sc'oplal ti stuque, ti x'ech' to cajal com sc'oplal ti ánjeletique. Jech loc' ta nopel yu'un Dios ta sventa ti syail xc'uxul yo'ntone ti ac'o ya'i ta sbec'tal stuc ti lajel tubel ta sventa scotol ti jnaclejetic ta banomile. Avi tana une, ich'bil xa ta muc', ac'bil xa slequilal yutsilal ta sventa ti laj yich' svocol c'alal cham laje.

Gálatas 3:13

Ti Cristoe tal scoltaotic ta scoj ti mu xc'ot ta ch'unel cu'untic ti oy c'usi tsots sc'oplal albile. Ti stuque co'ol s'elan jbaj-mantal c'ot, yu'un xi ta xal ti ch'ul c'ope: “Ti buch'u jipil ta curus ta xlaje, ja' jun jbaj-mantal.”

San Juan 1:7

ta sva'anel sba ta yalbel ya'iic ti jnaclejetic ta banomil ti ja' bats'i j'ac'-cuxlejal ti Jesucristoe, yo' jech scotolic ta xc'ot ta yo'ntonic ti c'usi ta xal ti Juane.

Oseas 11:4

Ic'bil co'nton yu'un, mu xtuch' ta co'nton ta xc'uxubinel, laj quiq'uic talel ta jtojol. Laj jnabanic ta xocon jsat jech c'u cha'al jchu'nel olol, xye'elet coc jc'ob ta yac'bel ti sve'elique.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

San Juan 19:17

Ti Jesuse loc' batel, xcuchoj batel ta snequeb ti scurusal yo' ta xbat bu oy ti Baquil Jolil sbie, ti ja' Gólgota sbi ta hebreo c'ope.

Isaías 49:6

Ti Diose xi no'ox lic yalbune: “Ma'uc no'ox ma' ti cajtunelot ta stamel liquel snitilultac ti Jacobe, ti ta sutic talel ta jtojol avu'un ti c'u yepal c'uxul to ti Israele. Ja' jech xtoc ta xac'ot cu'un ta saquilal osil yu'un ti muc'tiquil lumetique, yo' jech ta xavich' batel scoltaelic cu'un ti buch'utic oyic ta namal banomile.”

San Juan 12:34

Xi laj staq'uic ti jnaclejetic ta banomile: —Ta sventa ti oy c'usi tsots albil sc'oplale, oy bu ca'binojcutic ti cuxul sbatel osil ti Cristoe. Mi vo'ot ti Cristoote, ¿c'u cha'al ta xaval ti ta xquich' milel ti vu'un co'ol j'elantique? ¿Buch'uot un cha'e?

Cantares 1:4

Nabanun xch'a batel ta apat un. Ta lec no'ox un, ajvalil, ic'un xch'a batel ti bu ep ta c'ol naetic avu'une. Ximuyubajcutic ma' ta atojol une. Mu xch'ay ta yalel sc'oplal ma' ti xameselete, mu sta yutsil xchi'il ti vinoe. ¡Yu'un ca jech ta xa'i ti antsetic ti mu xastuch' ta yo'ntone!

2 Samuel 18:9

Ti jech cajal ta mula ti Absalone, ta jech to yepal snupoj c'ot ta be ti buch'utic jmoj sjolic xchi'uc ti Davide. Va'i un, ti mulae laj stic' sba ochel ta yolon jtec' muc' ta encina te'e, ti cacal c'ot snuc' ti Absalón ta xol-xolil ti c'ob te'e ti xt'uyet com ta toyole, xjipet batel ta anil ti mulae.

Isaías 11:10

Ta yorail taje, ti sc'oplal sq'uelom xchumanil snitilul ti Isaie, ta xlic sva'an sba ti ta xc'ot ta senyail yu'un ti lume. Ta xlic sa'anan talel ti muc'tiquil lumetique, ti bu tiq'uile, jun yutsil ta j'ech'el.

San Juan 18:32

Taje, ja' c'ot ta pasel ti laj ono'ox yal ti Jesús c'u s'elan ta xchame.

Números 21:9

Jech ti Moises une laj smeltsan sloc'ol chon ta jun c'anal taq'uin. Laj sjoc'an ta jun te' ti co'ol s'elan ste'el banderae. C'alal oy buch'u ta xlaj ta ti'el yu'un ti chone, ja' ta sq'uel ech'el ti sloc'obbail ti meltsanbil ta c'anal taq'uine, jech ta xcol.