San Juan 12:16 - Bible in Tzotzil de Chamula

¹⁶ Ti ta sliquebale, mi jutebuc laj ya'ibeic smelol ti yajchanc'optaque. Ta ts'acal to un, lic ya'ibeic smelol ti c'alal yilic laj yich' slequilal yutsil ti Jesuse. Yu'un vul ta sjolic ti c'u s'elan ts'ibabil ta ch'ul c'ope, naca sc'oplal stuc ti c'u s'elan ta xc'ot ta pasele.

Tzotzil Zinacantan

¹⁶ Voꞌoticotic ti yajchancꞌopoticotique muc xcaꞌibeticotic smelol cꞌu yuꞌun ti cajal ta burro iꞌoch ta Jerusalene. Jaꞌto cꞌalal imuy ta vinajele iyul ta jolticotic ti tsꞌibabil onox ta scꞌop Riox ti ch-ichꞌe ta mucꞌ yuꞌun ti jchiꞌiltaque.

LEQUIL ACH' C'OP

¹⁶ Ta sliquebale, muc' xa'ibeic smelol li yajchanc'optaque; pero ta ts'acal to c'alal i'aq'ue ta ich'el ta muc' ti Jesuse, ja' to iyul ta sjolic ti ts'ibabil onox ta sc'op Riox scotol ti c'usi ipasbate ti ja' ono'ox sc'oplal stuque.

Bible in Tzotzil de Chenalhó with Deuterocanon

¹⁶ Li yajchanc'optaque muc to'ox xa'ibeic smelol ti c'alal jech ic'ot ta pasele. Ja' to ti c'alal i'ac'at ta ich'el ta muq'ue, ja' to la sna'ic ti ja' sc'oplal ti jech ts'ibabil comel jech chac c'u cha'al ic'ot ta pasel ta stojole.

Tzotzil San Andres

¹⁶ Joꞌoncutic li yajchanbalajeltacuncutique muc bu xcaꞌibecutic smelol li cꞌalal jech cajal ta burro iꞌoch ta Jerusalén li Jesuse. Jaꞌ to cꞌalal imuy batel ta vinajel li Jesuse, jaꞌ to ijul ta jolcutic ti jech onoꞌox tsꞌibabil comel scꞌoplal ti jech ta xꞌichꞌe ta mucꞌ yuꞌun li jchiꞌiltaque.

Tzotzil de Huixtán

¹⁶ Ho'ontutic ti yajchanc'opuntutique, muc xca'ibetutic sjam c'alal hech laj spas ti Jesuse. Ja'to c'alal isut batel ti vinajel ti Jesuse, ja'to laj jna'tutic ti hech ono'ox ts'ibabil comel sc'opilale, hech yu'un ti hech ipasatic ti muc' yu'un ti jchi'iltaque.

San Juan 12:16 Iomraidhean Croise

Marcos 16:19

C'alal laj yo'nton ta sc'oponel ti yajchanc'optaque, ti Ajvalil Jesuse iq'ue muyel ta vinajel, bat chotluc ta sbats'i c'ob ti Diose.

Marcos 9:32

Mu'yuc laj ya'ibeic smelol ti va'i s'elan albatique. Yu'un ta xi'ic ta sjac'bel.

San Lucas 18:34

Mi jutebuc laj ya'iic ma' taje, yu'un mu xchiquintaj yu'unic ti va'i s'elan ta x'albatique, yu'un toj chucul ta a'yiel ti smelole.

San Lucas 24:25

Xi laj yal ti Jesuse: —Mu xava'ibeic smelol, yu'un toj vocol ta xach'unic scotol ti c'usi laj yalic comel ti j'alc'opetique.

San Lucas 24:45

Va'i un, laj sjambe smelol yo' ta xa'iic ti c'u s'elan ts'ibabil ta ch'ul c'ope.

San Lucas 9:45

Mi ja'uc xa'ibeic smelol ti va'i s'elan ta x'albatique yu'un mu'yuc to ta x'ac'bat sna'ic, xchi'uc ta xi'ic ta sjac'beic smelol ti c'usi albatic yu'un ti Jesuse.

San Juan 12:23

Xi laj yal ti Jesuse: —Sta xa yorail ta xquich' jlequilal cutsilal ti vu'un co'ol j'elantique.

San Juan 14:26

Ti Ch'ul Espiritue, ti ja' Jpat-o'ntonal ti ta stac talel ti Jtot ta jventae, ja' ta xa scoltaoxuc, ja' ta xa xchanubtasoxuc scotol taje, ja' ta svules ta ajolic scotol ti va'i s'elan laj calboxuque.

San Juan 16:4

Jech ta xcalboxuc ava'iic yo' xavules ta ajolic ti c'alal ta sta yoraile, ti jech ono'ox laj calboxuc ava'iique. “Ti ta sliquebale, mu'yuc laj calboxuc ava'iic ti ta xavich'ic ilbajinele, yu'un li' to jchi'inojoxuque.

San Juan 17:5

Avi tana une, Tot, ac'bun quich' ti jlequilal ti oy ta atojol jech c'u cha'al quich'oj to ox c'alal mu'yuc to ox meltsajem ti banomile.

San Juan 2:22

Jech o xal c'alal cha'cuxie, vul ta yo'ntonic ti yajchanc'optac ti jech ono'ox laj yale. C'ot ta yo'nton xtoc ti c'u s'elan ta xal ti ch'ul c'ope xchi'uc sc'op ti Jesuse.

San Juan 7:39

Ti va'i s'elan laj yal ti Jesuse, ja' ta xac' ta na'el ta xich'ic Ch'ul Espíritu ti buch'utic ta xc'ot ta yo'ntonic ta xch'unele. Mu'yuc to talem ti Ch'ul Espiritue, yu'un mu'yuc to muyem batel ta vinajel ta yich'el slequilal yutsilal ti Jesuse.

Hechos 2:33

Laj taj une, iq'ue muyel ta vinajel ta sventa smuc'ul stsatsal ti Diose yo' ta xc'ot chotluc ta sts'el stuq'uil ti sbats'i c'ob xchi'uc ta yich'el ti Ch'ul Espíritu ta sventa ti Stot ti yalojbe ono'ox sc'oplal ta xac' talele. Jech ti stuc ec une, laj stac talel ta jtojolcutic. Ja' ti vi s'elan yacal ta xava'iic ta xavilic avi tana li' une.

Hechos 2:36

“Sna'icuc scotol ti jteclum Israele, ti Jesús ti Buch'u laj avaq'uic ta milel ta curuse, ti Diose laj xa sva'an ta Ajvalil ta Jcoltavanej.”

Hechos 3:13

Ti Dios yu'un ti Abrahame, yu'un ti Isaaque, yu'un ti Jacobe, yu'un ti jmolmuc'totique, ja' laj scoles. Yu'un laj yac' ta ich'el ta muc' ti Jesús ti ja' yajtunele, ti Buch'u laj avaq'uic ta yoc ta sc'ob ti jchapanvanejetique, ti mu'yuc xavich'ic ta muc' ti ta ox scolta batel ti Pilatoe.

Hebreos 12:2

Cac'tic batel jsatic ta stojol ti Jesuse, yu'un ja' ta sventa ta xlic talel ta stojol ti jech c'otem ta o'ntonal ta xch'unele, yu'un ja' sbainoj ta stuq'uibtasel ti bu jtamojtic batele. Yu'un ti Jesuse laj yich' svocol ta curus. Ma'uc laj yac' ta venta ti jech q'uexlal sba ta xchame, yu'un sna'oj ono'ox ti c'alal mi ech' ti svocole, ta sta ti xmuyubaje. Jech bat chotluc ta sts'el xocon sbats'i xocon ti Dios ti bu ta spas mantale.

Hebreos 8:1

Ja' jech stalel ma' ti Banquilal Pale cu'untic ti chotol xa ta sts'el sbats'i c'ob Dios ti oy ta vinajele, ti cajal sc'oplal laj calboxuc ava'iic talel ti sc'oplale.