San Juan 12:13 - Bible in Tzotzil de Chamula

¹³ Va'i un, laj sc'oquic talel yanal xan. Bat snupic talel ta be ti xi ta x'avanique: —Jun yutsil ta j'ech'el. Jun yutsil ti Buch'u talem ta sventa ti Diose, Ajvalil yu'un ti Israele.

Tzotzil Zinacantan

¹³ Isaꞌic yanal xan, iloqꞌuic echꞌel ta tiꞌ jteclum. Sjapojic echꞌel ti yanal xane yuꞌun ba snupic ta be ti Jesuse. Xꞌavlajetic xa echꞌel: ―¡Coliyalbotic Riox ti lec tajmec li preserente listacbotic tal voꞌotic li jꞌisraelotique! ―xiic.

LEQUIL ACH' C'OP

¹³ Isa'ic yanal xan, iloq'uic ech'el ta ti' jteclum ba snupic tal ta be, x'avlajetic xa ech'el: ―¡Coltaoticotic! ¡Toj lec ti much'u tacbil tal ta sbi ti Cajvaltique ti ja' Rey yu'un li Israele! ―Xiic.

Bible in Tzotzil de Chenalhó with Deuterocanon

¹³ Jech la sa'ic batel yanal xan, bat snupic tal ta be. Tsots i'avanic. Jech laj yalic: —¡Ich'biluc ta muc' li Diose! ¡Toj lec li boch'o tacbil tal ta sventa Cajvaltic Diose! Ja' xa ajvalil ta sventa li Israele —xiic.

Tzotzil San Andres

¹³ Jech scotolic la saꞌic talel yanal xan, iloqꞌuic talel ta jteclum. Sbichojic talel li yanal xane tal snupic ta be li Jesuse. Tsots icꞌopojic talel, jech laj yalic: ―¡Coliyal Dios toj lec li buchꞌu la stacbutic talele! Jaꞌ ta xꞌoch ta ajvalilal cuꞌuntic, joꞌotic li jꞌisraelutique ―xiic.

Tzotzil de Huixtán

¹³ Hech yu'un scotolic laj stuch'ic xan. Iloq'uic tal ti jteclum. Stuch'ojic tal ti sc'obic ti xane, tal snupic ti be. Tsots ic'opojic talel. Hech laj yalic: ―Li' xa oy ti Jcoltavanej cu'untique. Jun no'ox yutsil ti itacat xa tal yu'un ti Cajvaltic Diose. Ja' ch-och ti ajvalil cu'untic ho'ucutic ti yelnich'onucutic ti Israele ―xchiic. Ja' sc'opilal ti Jesuse.

San Juan 12:13 Iomraidhean Croise

Isaías 44:6

Ti Dios ti ja' Ajvalil jpojvanej yu'un ti Israele, ti ja' Dios ti scotol xu' yu'une, xi ta xale: “Vu'un oy ta jventa ti sliquebale, ti stsutsebale. Jtuc no'ox Diosun, mu'yuc yan.

Oseas 3:5

Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.

Levítico 23:40

Ti sliquebal sba c'ac'ale, ta xavich'ic talel ti lequiquil sat te'e, ti yanal xane, xchi'uc ti te'etic ti limajtic sc'ob ta xaq'ue, ti álomo te' ti ta xch'i ta ti' uc'ume. Yu'un vucub c'ac'al sjalil ta xamuyubajic ta stojol ti Ajvalil ti ja' Dios avu'unique.

Sofonías 3:15

Ti Diose laj xa sten loq'uel ti chapal xa ox ac'oplal ta xavich' yu'une, laj xa sjip loq'uel ti avajcontrataque. Ti Dios Ajvalil yu'un ti Israele, oy ta atojol, ti mu xa c'usi jtosucal chopol ta xaxi' yu'une.

San Mateo 23:39

Ta xcalboxuc ava'iic, tana li'e, slajeb laj avilic ti jsate, ja' to ta xavilic jsat mi xachi ta xavalic liquele: ‘Jun yutsil ti Buch'uc tacbil talel yu'un ti Diose.’ ”

San Mateo 27:42

—Laj scoltaan ti yane, ti stuque mu'yuc c'usi xut scolta sba. Mi ja' ajvalil yu'un ti israeletique, yaluc talel ta curus yo' ta jch'untic ti c'u s'elan laj yale.

San Juan 1:49

Xi laj yal ti Natanaele: —Jchanubtasvanej, vo'ot xnich'onot ti Dios un cha'e, Ajvalil yu'un ti Israele.

San Juan 12:14

Ti Jesuse laj sta jcot burro, ti laj scajlebin batel jech chac c'u cha'al ta xal ti ts'ibabil ta ch'ul c'ope:

San Juan 12:15

“Mu xaxi', jteclum Sión, le' cajal ta xtal ta yol me' burro ti Ajvalil avu'une.”

San Juan 19:15

Xi avanique: —¡Ac'o chamuc! ¡Ac'o chamuc! ¡Jipano ta curus! Xi laj sjac' ti Pilatoe: —¿Mi yu'un vu'un ta jipan ta curus ti ajvalil avu'unique? Xi laj staq'uic ti banquilal paleetique: —Mu'yuc yan, ja' no'ox ajvalil cu'uncutic ti Cesare.

Apocalipsis 15:3

Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Apocalipsis 19:16

Ts'ibabil ta sc'u' nopol yac'ol sjol yacan jun biil ti xi ta xale: “Banquilal Ajvalil yu'un ti muc'tiquil ajvaliletique. Banquilal Ajvalil yu'un ti its'inal ajvaliletique.”

Apocalipsis 7:9

Laj taj une, laj quil yepal oy bu talemic ta jujun banomil ti oyic ta muc'tiquil lumetique, ti jujutos ti sts'unobalique, ti jujutos ti sc'opique, ti oyic ta jujun jteclume. Ti yepal no'ox ta j'ech'el ti mu'yuc buch'u xchap yu'un c'u yepalique, tey va'ajtic ta stojol ti Buch'u chotol ta muc' ta chotlebale, xchi'uc ti jcot ta Uni Chije. Slapojic batel saquil c'u'il xchi'uc xtuchojic batel yanal xan.