San Juan 11:52 - Bible in Tzotzil de Chamula

⁵² Yu'un ma'uc no'ox ta xcham ta sventa ti israeletique, yu'un ja' ta xc'ot ta sventa stsobel scotol xnich'nab ti Dios ti buyuc no'ox tanijemic batele.

Tzotzil Zinacantan

⁵² Mu jtucticoticuc noꞌox ijqꞌuexolinticotic. Jaꞌ ijqꞌuexolintic jcotoltic ta sjunlej balamil voꞌotic ti chquichꞌtic ta mucꞌ ti Rioxe, yechꞌo ti jtos xa noꞌox licꞌototic oe.

LEQUIL ACH' C'OP

⁵² ma'uc no'ox ta scuenta li jun nación li'i, ja' noxtoc ta scuenta ta stsob tal scotol li xch'amaltac Riox ti butic tanijemique.

Bible in Tzotzil de Chenalhó with Deuterocanon

⁵² Pero muc ja'uc no'ox chcham ta sventa li jun lum israeletique. Ja' sventa noxtoc ti xu' tstsob tal scotol xnich'nab Dios ti buyuc no'ox oyic ta sbejel banamile.

Tzotzil San Andres

⁵² Pero li Jesuse maꞌuc noꞌox snopoj ti ta xcham ta jcojcutic, joꞌoncutic li jꞌisraeluncutique. Jaꞌ ta xcham ta sventa scotol li buchꞌutic ta xichꞌic ta mucꞌ Dios li butic noꞌox oyic ta spꞌejel li balumile, yoꞌ jech jmojutic xa jcotoltic.

Tzotzil de Huixtán

⁵² Ma'uc no'ox chcham cu'untutic ho'ontutic ti judiountutique, ja' chcham yu'un scotol yol xnich'nab ti Diose ti buc no'ox oyic ti sjoylejal balumil, hech jun no'ox chijc'otucutic jcotoltic.

San Juan 11:52 Iomraidhean Croise

Génesis 49:10

Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.

Salmos 22:15

Co'ol xa s'elan jech c'u cha'al jpech texa, staquinal ti quee; ti coq'ue alub xa, mu xa tots ta jpac'obe. Laj xa ajipun ochel ta muquinal bu xcununet ti lume.

Salmos 22:27

Xi s'elan sc'oplal ti muc'tiquil lumetique, xchi'uc scotol ti jnaclejetic ti jaylajun-tos sts'unubalic ti bu xa c'alal xpaj talel ti banomile: vuleso ta avo'ntonic ti Diose, la'ic ta stojol, quejano abaic ta sts'el ta yichon.

Salmos 72:19

Ti sbateluc osil lequil c'optabiluc ta sventa ti yutsilale; nojuc ta scotol banomil ti xojobin no'ox ti yutsilale. Jech c'otuc ta pasel un.

Isaías 49:18

Toyo asat, joyetan ta sq'uelel, q'uelo avil, ta stsob sbaic talel scotol, ta sutic talel ta atojol. “Ti vu'un Ajvalilune ta jva'an jba ta yalel scotolic le'e, co'ol s'elan toyol stojol c'u'il ta xalape, co'ol s'elan xach'alet no'ox yu'un jech c'u cha'al ti jlequel tsebe.

Isaías 49:6

Ti Diose xi no'ox lic yalbune: “Ma'uc no'ox ma' ti cajtunelot ta stamel liquel snitilultac ti Jacobe, ti ta sutic talel ta jtojol avu'un ti c'u yepal c'uxul to ti Israele. Ja' jech xtoc ta xac'ot cu'un ta saquilal osil yu'un ti muc'tiquil lumetique, yo' jech ta xavich' batel scoltaelic cu'un ti buch'utic oyic ta namal banomile.”

Isaías 55:5

Ta xavol talel ta atojol ti jnaclejetic ti mu xavojtiquinane. Xvoletic no'ox talel ta sts'aclielot ti jnaclejetic ti mu ja'uc xayojtiquinique. Yu'un Ajvalilun avu'un, Ch'ul Diosun yu'un ti Israele, laj cac'ot ta ich'el ta muc'.

Isaías 56:8

Ta xc'ot ta pasel cu'un ti ta sutic talele, ti ta svol sbaic talel ti buch'utic tenbil loq'uic ta slumalique.” Taje, ja' ta xal stuc ti Dios ti ta xc'ot ta pasel yu'un ti ta stsob talel ti israeletic ti buyuc no'ox tan puc oyique.

Isaías 60:4

Xi xatoy ti asate, q'uelo batel avil ta jujujot. Scotolic ta stsob sbaic, xvoletic no'ox talel ta atojol. Ta nom ta xtalic ti aqueremtaque. Ic'bil ta xtalic ti atsebtaque.

Ezequiel 34:12

Jech ta jpas jech c'u cha'al jun jq'uel-chij ta svul yo'nton yu'un ti tanijem xa batel ti xchijtaque. Jech ta jtij co'nton yu'un ti jchijtac ti bu tanijemic batele. Ta jpoj loq'uel talel ti oy jun c'ac'al ta x'ic'ub ti osil banomil yu'un ti banomilal vo'e.

Oseas 1:10

Oy bu jun c'ac'al, ta xc'ot ta pasel ti co'ol s'elanic yi'al nab yepalic ti israeletique, ti mu xlaj ta bisele, ti mu xlaj ta atele. Ac'o mi albatic: “Ti vo'oxuque ma'uc jteclumaloxuc”, ti xie, yu'un la me ta xal un: “Ti vo'oxuque, yalab xnich'naboxuc ti c'uxul Diose”, xi ti sc'oplalic yu'un ti Diose.

San Lucas 15:8

“Q'uel avilic, mi oy jun ants ti oy lajunsep (10) staq'uine, mi ta xch'ay yu'un ti june, ¿mi mu xlic stsan ti slamparae, mi mu naca sta xlic smes ti yut sna ja' to ti c'uxi laj stae?

San Lucas 2:32

Ja' saquilal osil banomil yu'unic ti muc'tiquil lum ma'uc Israele, xchi'uc ja' yich'el ta muc' ti israeletic ti ja' anich'nabe.”

San Juan 1:12

Ja'uc ti buch'u ich'vanic ta muq'ue, ti c'ot ta yo'ntonic ta xch'unele, ac'bat stsatsalic ti c'otic ta xnich'nab Dios yu'une.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 10:16

Oy to yan jchijtac ti mu'yuc to ochem talel ta corral li'e, ti tsots sc'oplal ta xba jtsob talele. Jech ec un, ta sts'etan xchiquinic ta ya'yiel ti jc'ope, ta xch'unic, ta stsob sbaic ta jmoj, jun no'ox ti j'il-chij yu'unique.

San Juan 12:32

C'alal ta sta yorail ta xquich' jipanel ta curuse, ta jtijbe yo'nton ta yiq'uel talel scotolic ta jtojol.

Hechos 18:10

Li' jva'anoj jba ta atojole. Mu'yuc buch'u xu' ta xayilbajinot yu'un yepal no'ox oy ti jteclumal li' ta jteclume.

Romanos 3:29

Ti Diose, ¿mi ja' no'ox Dios yu'un ti israeletique? ¿Mi mu ja'uc Dios yu'unic ec ti jyanlumetique? J'ech'el ja' Dios yu'unic ec ti muc'tiquil lumetique.

Romanos 4:17

Ta sba ta sat ti Diose, ja' totil cu'untic ti Abraham ta sventa ti oy c'usi c'ot ta yo'nton ta xch'unele. Yu'un xi ta xal ti ts'ibabil ta ch'ul c'ope: “Lac'ot xa ta totil cu'un ta sventa epal muc'tiquil lumetic.” Yu'un ti Dios taje ta xac'be xcuxlejal ti animaetique, xchi'uc ta xac' ta ilel ti c'usitic ch'abal toe.

Efesios 1:5

Ta sventa syail xc'uxul yo'nton ti Diose, vo'ne xa ono'ox quich'ojtic talel ti oy sc'oplal ta xijc'ot ta xnich'nab ta sventa ti Jesucristoe jech c'u cha'al snopoj ono'ox ta yo'nton ti stuque.

Efesios 3:11

Taje, co'ol xchi'uc jech c'u cha'al oy ono'ox ta yo'nton ti Dios ti ta xc'ot ta pasel yu'un ta sventa ti Cajvaltic Jesucristoe.

Santiago 1:1

Vu'un Santiago, yaj'abtelun ti Diose xchi'uc ti Cajvaltic Jesucristoe. Chabanucoxuc, vo'oxuc ti lajcha'chop snitiluloxuc Israele, ti tanijemoxuc ta sjunlej banomile.

1 Pedro 1:1

Vu'un Pedro, yajcholc'opun ti Jesucristoe. Ta jts'iba talel jvun ta stojolic ti buch'utic mu xa teyuc nacalic ta slumalique, ti tanijemic batel ta naclej ta Pontoe, ta Galacia, ta Capadocia, ta Asia, xchi'uc ta Bitinia.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

1 Juan 3:1

A'yio ava'iic, mu no'ox albajuc yepal syail xc'uxul yo'nton ti Jtotic Diose, ti laj sbisotic ta xnich'one, jech o xal xnich'nabotic ta melel. Jech o xal un, ti buch'utic sventainojic ti sba banomile, mu xa'ibeic smelol ti jech xnich'nabotic ti Diose, yu'un mu xojtiquinic ti Diose.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.

1 Juan 3:2

Xnich'nabotic xa Dios, Jchi'iltac. Mu'yuc to quilojtic ti c'u s'elan ta jtatique. C'alal mi tal ti Jesucristoe, jna'tic xa ti jech ta xijc'ot jech c'u cha'al ti stuque, yu'un ta xquiltic ti c'u s'elane.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.