San Juan 11:51 - Bible in Tzotzil de Chamula

⁵¹ Ti va'i s'elan laj yale, yu'un ja' o tiq'uil ta banquilal pale ti Caifás ti jech jabil taje. Mu ta sjoluc stuc ti jech laj yale, ja' ac'bat sna' yu'un Dios ti chamuc ti Jesús ta sventa ti israeletique.

Tzotzil Zinacantan

⁵¹ Mu ta sjoluc stuc ti xꞌelan iyale. Yuꞌun jaꞌo ochem ta más totil paleal, yechꞌo ti ichꞌamunbat ye yuꞌun ti Rioxe ti iyal ti jaꞌ ta jqꞌuexolinticotic ti Jesuse voꞌoticotic li juriooticotique.

LEQUIL ACH' C'OP

⁵¹ Pero ti Caifase mu ta sjoluc stuc ti x'elan iyale, yu'un ja'o ochem ta más totil paleal, yech'o ti ich'amunbat ye yu'un ti Rioxe yo' ac'u yal ti ja' ta chcham ta cuenta sjunlej slumal jurioetic ti Jesuse;

Bible in Tzotzil de Chenalhó with Deuterocanon

⁵¹ Pero muc teuc ivul ta sjol stuc ti jech laj yale. Yu'un ja'o ochem ta mero banquilal pale, ja' yu'un ich'amanbat ye yu'un Dios, yu'un ac'o yal ti ja' chcham ta sventa sjunul lum li Jesuse.

Tzotzil San Andres

⁵¹ Pero mu ta sventauc stuc ti jech laj yale. Yuꞌun jaꞌ o ochem ta más banquilal pale, jech ichꞌamunbat ye yuꞌun Dios ta sventa acꞌo yal ti jaꞌ jqꞌuexol jcotolcutic li jꞌisraeluncutic li cꞌalal mi ta xcham ta jcojcutic li Jesuse.

Tzotzil de Huixtán

⁵¹ Mu stucuc no'ox hech laj yal. Yu'un ochem ti totil pale ti habil lume, hech yu'un ich'amumbat ye yu'un ti Diose yu'un hech laj yalbe sc'opilal ti Jesuse ti ja' jq'uexoltutic chcham yu'un jcotoltutic, ho'ontutic ti judiountutique.

San Juan 11:51 Iomraidhean Croise

Éxodo 28:30

Tic'o ta uil ti Urim Tumime, ti yuinoj ta xbat ti Aarón ta stojol ti Diose yo' jech ta x'ac'bat sna' ti c'usi oy ta yo'nton ti Dios ta stojol ti israeletique.

Daniel 9:26

Ts'acal to un, mi ech' xa ox ti lajcheb xchanvinic (72) xemunae, ta smilic ti Buch'u t'ujbil ta banquilale. Jech ti jteclum Jerusalene xchi'uc ti ch'ulnae, ta xich' lilinel ta sventa svinictac ti jun ajvalil ti ta xvul ta loq'uele. Yu'un co'ol s'elan nojel ta vo' ti ta jliquel no'ox ch'abal ta xcom yu'un ti c'alal ta xc'ot ta tsutsele. Jech com o ti xlic xcaj batel ti letovajele, ti c'usiuc xa no'ox jtosucal ta xaq'ue, ja' ti jech ono'ox chapanbile.

Números 22:28

Ti jech taj une, ta jech to yepal ti Diose lic c'opojuc yu'un ti burro ti xi laj yalbe ti Balaame: —¿C'usi laj jpasbot ya'luc li'e? Ja' xa yoxibal velta laj amajun avie.

Números 24:2

Ti c'alal laj yil ti Balaam ti lamalic ta jujuvoc' ti Israele, tal uninatuc yu'un xcuxlejal ti Diose.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Juan 10:15

“Jech c'u cha'al ti Jtot xiyojtiquine, jechun ec, xcojtiquin ti Jtote. Ta xcac' jol jbaquil yu'un ti chijetique.

San Juan 11:49

Ja'uc le'e, oy jun yu'unic ta scotolic ti ja' Caifás sbie, ti ja' o sjabilal tiq'uil ta banquilal pale ti xi laj yale: —Mu xana'beic smelol ti vo'oxuque.

San Juan 18:13

Yic'ojic batel ba'yel ta sna ti Anase, yu'un ja' smuni' ti Caifase, ti ja' o tiq'uil ta banquilal pale ti jech jabil taje.

1 Corintios 13:2

Manchuc mi xu' cu'un ta yalel ti c'usi ta xiyac'bun jna' ti Diose, manchuc mi jna' yalel scotol ti c'usi mucul yu'un ti Diose, manchuc mi ven ti jbijil ta j'ech'ele, manchuc mi jch'unoj ta j'ech'el ti xu' ta jloq'ues batel ta yavil bu oy ti vitse, mi mu'yuc ti syail xc'uxul co'ntone, mu'yuc c'usi balun o.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Gálatas 3:13

Ti Cristoe tal scoltaotic ta scoj ti mu xc'ot ta ch'unel cu'untic ti oy c'usi tsots sc'oplal albile. Ti stuque co'ol s'elan jbaj-mantal c'ot, yu'un xi ta xal ti ch'ul c'ope: “Ti buch'u jipil ta curus ta xlaje, ja' jun jbaj-mantal.”

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

1 Samuel 23:9

Ja'uc le' une, ti c'alal laj ya'i ti David ti ta xvoliat ta maquel ta be yu'un ti Saule, laj yalbe ya'i mantal ti pale Abiatare ti ac'o yich' talel ti jayal saquil luchbil c'u'ile, yo' jech ta sjac'be Dios ti c'usi xu' ta spase.

1 Samuel 28:6

Va'i un, lic sjac'be Dios ti c'usi xu' ta spase. C'u stu un, mu'yuc c'usi xtac'bat yu'un ti Diose, mi ja'uc ta vaichil, mi ja'uc ta sventa ti Urime, mi ja'uc ta sventa ti j'alc'opetique.