San Juan 11:25 - Bible in Tzotzil de Chamula

²⁵ Xi laj yal ti Jesuse: —Vu'un jbainoj ti cha'cuxiele xchi'uc ti cuxlejale. Ti buch'u ta xch'un ti c'usi ta xcale, manchuc mi ta xcham, ta xcha'cuxi.

Tzotzil Zinacantan

²⁵ ―Voꞌon chajchaꞌcuxesic. Voꞌon chcacꞌ cuxlanic ta sbatel osil. Ti muchꞌutic chiyichꞌic ta muqꞌue, acꞌu mi xchamic, ta onox xcuxiic ta sbatel osil.

LEQUIL ACH' C'OP

²⁵ Ti Jesuse ja' yech iyalbe chac li'i: ―Vo'on jcha'cuxesvanejon xchi'uc vo'on j'ac'cuxlejalon. Ti much'u chixch'une ac'u mi xcham, pero ta xcuxiic;

Bible in Tzotzil de Chenalhó with Deuterocanon

²⁵ Li Jesuse jech laj yalbe: —Vu'un jcha'cuxesvanejun, xchi'uc vu'un j'ac'cuxlejalun. Li boch'o ta xch'un ti vu'un Jcoltavanejune, ac'o me ta xcham, pero ta xcuxiic sbatel osil.

Tzotzil San Andres

²⁵ Li Jesuse jech laj yal: ―Oy chaꞌcuxesel schiꞌuc oy cuxlejal sbatel osil ta jventa jtuc. Li buchꞌutic ta schꞌunic ti joꞌon ta jcoltaique, acꞌo mi ta xchamic, pero ta xcuxiic sbatel osil.

Tzotzil de Huixtán

²⁵ Ti Jesuse hech laj yalbe: ―Oy cha'cusesel ti jventa jtuc. Oy cuxlejal sbatel osil ti jventa jtuc. Ti much'utic chixch'unun ti ho'on Jcoltavanejun yu'une, manchuc mi chlaj yip ti sbec'tale, ja' cuxul sbatel osil.

San Juan 11:25 Iomraidhean Croise

Salmos 36:9

Yu'un ti xcuxlejale, j'ech'el oy ta avoc ta ac'ob ta sbainel; ta axojobal ta xquilcutic ti saquilal osil une.

Isaías 26:19

Ja'uc ti animaetic avu'une, ta xcha'cuxiic. Ta xcha'cuxiic ti chamem xa ti sbec'tal stacopalique. Ti telel xa ta xvay sbec'talic ta banomile, ta xvul xch'ulelic, xmuyubajic xa ta xlic avanicuc. Ta xavac' talel axojobal jech c'u cha'al junuc job ac'ubal. Ti animaetic une ta xich' sbec'talic ti ta xvulic ta loq'uel ta banomile.

Isaías 38:16

Ja'uc ti buch'utic pojbilic chabibilic yu'un ti Diose, ja' ta xcuxiic. Jechuc oyucun xchi'uc ti buch'utic oy sc'oplal ta xcuxiique. C'ot to ta pasel ti poxtajem licom avu'une, ti joybij talel avu'un ti jch'iel jc'opojele.

San Lucas 23:43

Xi tac'bat yu'un ti Jesuse: —Ta melel xcalbot ava'i, ti c'ac'al li'e, chba jchi'in jbatic ta lequilal.

San Juan 1:4

Ja' ta sventa ayan talel ti cuxlejale. Ti cuxlejal taje, ja' c'ot ta saquilal osil yu'un ti jnaclejetic ta banomile.

San Juan 14:19

Ti buch'u lec xa'iic sc'upinel ti banomile, mu xa jaluc li' ta xilbeicun ti jsate. Ja'uc ti vo'oxuque ta xavilicun, xchi'uc ta xacuxiic yu'un cuxulun.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

San Juan 3:36

Ti buch'u ta xc'ot ta yo'nton ti ja' Jpojvanej yu'un ti Nich'onile, oy xcuxlejal sbatel osil. Ja'uc ti buch'u mu xc'ot ta yo'ntone, mu sta ti xcuxlejale. C'ajomal xa no'ox chapal sc'oplal ti tsots tsitsel ta x'ac'bat yu'un ti Diose.

San Juan 5:21

Jech c'u cha'al ti Jtot ta xcha'cuxes ti animaetic yo' ta xac'be ti xcuxlejale, ja' jech ti vu'un Xnich'onune, ta xcac'be xcuxlejal ti buch'u ta jc'an ta xcac'bee.

San Juan 5:26

Yu'un ti Jtote, stalel o cuxul, oy smuc'ul stsatsal ta yaq'uel ti cuxlejale. Ja' jech ti vu'un Nich'onilune, ac'bilun jmuc'ul jts'ats'al ta yaq'uel ti cuxlejale.

San Juan 6:35

Ti Jesuse xi laj yale: —Vu'unun ti pan ta xac' cuxlejale. Ti buch'u ta xtal ta jtojole mu xa'i o vi'nal. Ti buch'u ta xc'ot ta yo'nton ta xch'unelune, j'ech'el mu xa'i o taqui ti'il.

San Juan 6:44

Mu'yuc buch'u junuc xu' ta xtal ta jtojol mi ma'uc ic'bil talel yu'un ti Jtot ti laj stacun talele yo' ta jcha'cuxes ta slajeb ti c'ac'ale.

Hechos 3:15

Ja' jech laj avaq'uic ta milel ti jventainej j'ac'-cuxlejale. Ja'uc le'e, cha'cuxesat yu'un ti Diose. Taj une, rexticouncutic yu'un.

Romanos 4:17

Ta sba ta sat ti Diose, ja' totil cu'untic ti Abraham ta sventa ti oy c'usi c'ot ta yo'nton ta xch'unele. Yu'un xi ta xal ti ts'ibabil ta ch'ul c'ope: “Lac'ot xa ta totil cu'un ta sventa epal muc'tiquil lumetic.” Yu'un ti Dios taje ta xac'be xcuxlejal ti animaetique, xchi'uc ta xac' ta ilel ti c'usitic ch'abal toe.

Romanos 8:2

Yu'un ti Ch'ul Espíritu ti ta xac'botic ach' jcuxlejaltic ta sventa ti jech oyotic ta stojol Cristo Jesuse, laj xa scoltaotic loq'uel ta stojol yip ti mulil ti lajebal xale.

1 Corintios 15:18

Mi jech taj une, ti buch'utic xch'unojic Cristo c'alal cham lajique, ch'ayel bat ti jechuque.

1 Corintios 15:29

Ca'binoj oy buch'u ta sloc'ta ta yich'el vo' ti buch'u mu'yuc yich'oj vo' c'alal chame. ¿C'u cha'al jech ta spasic xana'? ¿C'u cha'al oy jlom ta sloc'taic ta yich'el vo' mi mu'yuc ta xcha'cuxi ti animaetique?

2 Corintios 4:14

Yu'un jna'ojcutic lec, ti Dios ti laj xcha'cuxes ti Cajvaltic Jesuse, ja' jech ta xischa'cuxesuncutic jech c'u cha'al cha'cuxi ti Jesuse. Ti vo'oxuc xchi'uc ti vu'uncutique jmoj ta xijyic'otic batel ta stojol.

Filipenses 1:23

Yu'un xi s'elan ta xca'i vocol ta jt'uj ti cha'tos taje: ti june, jc'an xa chamcun ca'i yo' jech chba jchi'in ti Cristoe, yu'un ech'em lec xloc' venta ta xca'i.

Filipenses 3:10

Ti c'usi ta jc'ane, ac'o cojtiquin ti Cristoe, ca'iuc ta jtojol smuc'ul stsatsal ti cha'cuxie, ti co'oluc quich' jvocol jech c'u cha'al c'alal cham ti stuque,

1 Tesalonicenses 4:14

Jech c'u cha'al c'otem ta co'ntontic ta xch'unel cham cha'cuxi ti Jesuse, jch'unojtic xtoc ti ta xcha'cuxesatic yu'un Dios c'alal ta xcha'sut talel ti Jesús c'alal xch'unojic cham lajique.

Apocalipsis 1:18

Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique.

Apocalipsis 20:5

Ti yan animaetique, ja' to xcha'cuxiic c'alal ech' ti jmil jabile. Taje, ja' sc'oplal ti sba velta cha'cuxiele.

Apocalipsis 21:4

Scotol ta scusbat ya'lel satic yu'un ti Diose, yu'un laj xa sc'oplal ti chamebal lajel ta stojolique, ti oq'uel avanele, ti at-o'ntone, ti ip c'ux ta xa'iique, yu'un x'ech' jelav xa sc'oplal ti c'u s'elan oy ta vo'nee.”

Apocalipsis 22:1

Laj taj une, ti anjele laj yac'bun quil jun yaxjipan uc'um ti ta xac' ti cuxlejale. Yax jipan no'ox yutsil ti vo'e, co'ol s'elan jech c'u cha'al junuc nen ta xloc' talel bu chotol ti Diose xchi'uc ti jcot ta Uni Chije.

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.