San Juan 10:30 - Bible in Tzotzil de Chamula

³⁰ Jununcutic xchi'uc ti Jtote.

Tzotzil Zinacantan

³⁰ Li voꞌone junoticotic xchiꞌuc ti Jtote ―xꞌutatic yuꞌun ti Jesuse.

LEQUIL ACH' C'OP

³⁰ Li vo'one junoticotic xchi'uc ti Jtote ―x'utatic yu'un ti Jesuse.

Bible in Tzotzil de Chenalhó with Deuterocanon

³⁰ Li vu'une jununcutic xchi'uc li Jtote —xi li Jesuse.

Tzotzil San Andres

³⁰ Li joꞌone jununcutic jchiꞌuc li Jtote ―xi li Jesuse.

Tzotzil de Huixtán

³⁰ Ti Jtote jun oyun xchi'uc ―xchi ti Jesuse.

San Juan 10:30 Iomraidhean Croise

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Mateo 28:19

Batanic ta stojol scotol ti jnaclejetic ta banomil ti oyic ta jujun muc'tiquil lum ta sjoylej banomile. Ba pasic ta cajchanc'optac. Ac'beic yich' vo' ta sventa ti Dios Totile, ta jventa ti Nich'onilune, ta sventa ti Ch'ul Espiritue.

San Juan 10:29

Ti laj yac'bun ta coc ta jc'ob ti Jtote, stuc no'ox cajal sc'oplal ta j'ech'el. Laj to sc'oplal ma' ti xpojbun ta yoc ta sc'ob une.

San Juan 10:36

Ti Diose laj st'ujun ti laj stacun talel li' ta banomile. ¿C'u cha'al un cha'e ta xavalic ta soquesbe sc'oplal Dios ti c'alal laj cal ti vu'unun Xnich'onune?

San Juan 14:23

Ti Jesuse xi laj stac'bee: —Ti buch'u c'ux ta xiya'ie, ta xch'un ti c'usi ta xcale. Jech ta xc'uxubinat yu'un ti Jtote. Ti Jtote xchi'uc ti vu'une ta xtal jchi'incutic, ta xinaquicutic ta stojol.

San Juan 14:9

Xi laj stac' ti Jesuse: —Felipe, jal xa li' oyun ta atojolique, ¿mi mu to xavojtiquinicun? Ti buch'u laj xa yilicune, laj xa yilic ti Jtote. ¿C'u cha'al un, ta xac'an ta xcac'bot avojtiquin ti Jtote?

San Juan 16:15

Scotol ti c'usitic oy yu'un ti Jtote, ja' cu'un. Jech o xal laj calboxuc ava'iic sc'oplal ti Ch'ul Espiritue, yu'un ja' ta xich' ta sventa ti c'usitic oy cu'une, yo' jech ta xac'boxuc avojtiquinic ti vo'oxuque.

San Juan 17:10

Scotol ti bu c'otem ta cu'untaque, ja' avu'un. Ti bu c'otem ta avu'une, ja' cu'un ec. Ta xvinaj ti xojobin no'ox ti jlequilal cutsilal ta stojolique.

San Juan 5:17

Xi laj yal ti Jesuse: —A'yio ava'iic, ti Jtote yacal ta abtel avi li'e. Ja' jech ti vu'une ta xi'abtej ec.

San Juan 5:23

yo' scotolic ac'o yich'icun ta muc' ti vu'un Nich'onilune jech c'u cha'al, ta xich'ic ta muc' ti Jtote. Ti buch'u mu xiyich'icun ta muc' ti vu'un Nich'onilune, mu xich'ic ta muc' ti Jtot ti ja' laj stacun talele.

San Juan 8:58

Xi laj stac' ti Jesuse: —Ta xcalboxuc ava'iic ta melel, c'alal mu'yuc to ox voq'uem ti Abrahame, oyun xa ono'ox.

Deuteronomio 6:4

“A'yio ava'iic, israeletic, ti Ajvalil Dios cu'untique, jun no'ox, mu'yuc yan.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

SUN TITO 2:13

ti jech to li' yacalotic ta smalael ti muc' ta c'ac'al sc'ac'alil ti spatobil co'ntontic ti xi s'elan ta xc'ot ta pasele: ti jun yutsil xojobin no'ox ta xcha'sut talel ti Jcoltavanej Dios cu'untique, xchi'uc ti Cajvaltic Jesucristoe.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

1 Juan 5:7

Yu'un oy oxib rextico ma' ti ta xalbeic sc'oplal ti oy ta vinajele: ti Dios Totile, ti Ch'ul Nich'onile, ti Ch'ul Espíritue. Ti oxibic taje, jmoj ti sc'opique.