San Juan 10:27 - Bible in Tzotzil de Chamula

²⁷ Ti jchijtaque ta xa'iic ti jc'opojele, xcojtiquinic ec un, ta xists'acliicun.

Tzotzil Zinacantan

²⁷ Ti muchꞌutic chiyichꞌic ta muqꞌue chaꞌiic ti cꞌusi chcalbeique. Quilojbe cꞌu xꞌelan yoꞌonic. Tspasic ti cꞌusi chcalbeique.

LEQUIL ACH' C'OP

²⁷ Li jchijtaque xa'iic ti c'u x'elan chic'opoje, li vo'one xcojtiquinic uc, ta xi snap'letaicon.

Bible in Tzotzil de Chenalhó with Deuterocanon

²⁷ Li jchijtaque cha'ibicun li jc'ope xchi'uc xcotquinan, jech chists'aclinicun batel.

Tzotzil San Andres

²⁷ Li buchꞌutic cuꞌune ta xaꞌiic li cꞌusi ta xcalbeique. Xcojtaquinic. Chiyichꞌic ta mucꞌ.

Tzotzil de Huixtán

²⁷ Yu'un ti much'u cu'une, ja' chiya'ibun jc'op. Ho'oni xcojtiquin. Ja' chists'acliucun.

San Juan 10:27 Iomraidhean Croise

1 Reyes 18:21

Va'i un, ti Eliase xi laj yalbe ya'i ti lum ti nopaj ech'el ta sts'ele: —¿Bu to c'alal ta xac'an xac'ot ava'iic xchi'uc ti cha'tos snopobil avu'unique? Mi ja' bats'i Dios ti Ajvalil Diose, ts'acliic batel. Mi ja' Dios ti Baale, jechuc unbi, ts'acliic batel. Mi jbeluc c'usi laj stac' ti jteclume.

Isaías 66:22

Xi ta sva'an sba ta yalel ti Diose: “Jech c'u cha'al ta xjalij ti ach' vinajele, xchi'uc ti ach' banomil ti ta xlic jmeltsane, ja' jech ta xjalijic ti anitilultaque, ti mu'yuc ch'ayem ta o'ntonal ti ac'oplalique.

San Mateo 16:24

Ts'acal to un, ti Jesuse xi laj yalbe ti yajchanc'optaque: —Mi oy buch'u ta x'och ta cajchanc'op ta sts'aclielune, tuch'uc ta yo'nton ti xcuxleje manchuc mi ta xich' svocol.

San Mateo 17:5

C'alal yacal ta xc'opoj ti Pedroe, tal voliaticuc ta saquil toc. Ti bu taje, laj ya'iic ti oy Buch'u xi ta xc'opoj talele: —Cuni c'uxubinbil Nich'on ma' li'e, ximuyubaj xa yu'un. A'yibeic ti sc'ope.,

San Mateo 25:12

Ja'uc ti jnupunele xi laj staq'ue: ‘Ta melel mu xacojtiquinic.’

San Mateo 7:23

Va'i un xichi ta jtac'beique: ‘Mu cha'beluc xacojtiquinic. Ch'aco abaic ta jtojol, ti mu stac' alel ti c'usitic laj apasique.’

Marcos 10:21

Ti Jesuse c'uxubaj yo'nton laj sq'uel batel ti vinique, ti xi laj stac'bee: —Jun xa no'ox xi s'elan sc'an xapase: Batan, chono scotol ti c'usitic x'ayan avu'une. Ti stojole, ac'bo ti me'un mu'nate. Oy ac'ulejal ta vinajel un. Mi laj taj une, la' ta jtojolal. Manchuc mi ta xavich' avocol, ts'acliun talel.

Marcos 8:34

Laj taj une, ti Jesuse laj yic' talel ti yajchanc'optaque xchi'uc ti jnaclejetic ta banomile, xi laj yale: —Mi oy buch'u sc'an ta xists'acliun batele, ac'o sten ta yo'nton ti xcuxlejale, manchuc mi ta xich' svocol.

San Lucas 13:27

Ja'uc ti stuque xi ta stac'boxuc talele: ‘Laj xa calboxuc ava'iic, mu jna' bu liquemoxuc talele. Q'uejo abaic loq'uel li' ta jtojole, ti laj xa apasic ti c'usitic chopole.’

San Lucas 9:23

Ti Jesuse xi laj yalbe scotol ti jnaclejetique: —Ti mi oy buch'u ta x'och ya'i ta cajchanc'ope, ac'o xtuch' ta yo'nton ti xcuxlejale, ac'o sts'ic svocol jujun c'ac'al, ac'o sts'acliun.

San Juan 10:14

Vu'unun ti lequil j'il-chije. Xcojtiquinan ti jchijtaque, xiyojtiquinic ec.

San Juan 10:16

Oy to yan jchijtac ti mu'yuc to ochem talel ta corral li'e, ti tsots sc'oplal ta xba jtsob talele. Jech ec un, ta sts'etan xchiquinic ta ya'yiel ti jc'ope, ta xch'unic, ta stsob sbaic ta jmoj, jun no'ox ti j'il-chij yu'unique.

San Juan 10:8

Scotol ti buch'u ba'yel talique, naca j'elec', j'ilbajinvanejetic. Ja'uc ti chijetique mu'yuc laj ya'ibeic ti sc'opojele.

San Juan 12:26

Mi oy buch'u ta xac' sba ta tunel cu'une, ac'o sts'acliun batel. Ti buyuc no'ox oyune, tey oy ec ti buch'u ta xac' sba ta tunel cu'une. Ti buch'u ta xac' sba ta tunel ta jtojole, ich'bil ta muc' yu'un ti Jtote.

San Juan 21:22

—Mi ta jc'an cuxul ta jta c'alal ta xicha'sut talele, ¿c'usi aventa? Tsacliun no'ox batel ti vo'ote.

San Juan 5:25

“Ta xcalboxuc ava'iic ta melel, sta xa yorail, ja' xa yorail li'e, ti buch'u chamemique ta xa'ibeicun jc'opojel ti vu'un Xnich'onun ti Diose. Ti buch'u ta xich'ic ta muc' ti jc'ope, ta xcuxiic.

San Juan 8:12

Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

San Juan 8:43

¿C'u cha'al ti mu xava'iic ti c'usi ta xcale? Yu'un ja' ti mu xac'an xava'iic ti jc'ope.

Hechos 3:23

Yu'un scotol ti buch'utic mu xich'ic ta muc' ti j'alc'op taje, jip ten xi loq'uel ta jteclum.’

1 Corintios 8:3

Mi oy buch'u c'ux ta xa'i ti Diose, x'ojtiquine yu'un ti Diose.

Gálatas 4:9

Ja'uc avi tana li'e, laj xa avojtiquinic ti cuxul Diose, ti xcaltic lec ava'iique, ja' laj yojtiquinoxuc ti Diose. ¿C'u cha'al un chae ta xba avac' abaic ta mosovinel xtoc ta stojol ti c'usi j'ech'el mu'yuc c'usi xu' yu'une?

2 Timoteo 2:19

Ac'o mi jech ta xc'ot ta pasel un, ti Diose jbel sc'oplal xi laj sbejan ta alele: “Ti Cajvaltique ta xojtiquin ti buch'utic ja' yu'untaque. Scotol ti buch'utic xvocoletic ta stojol ti Cristoe, tsots sc'oplal ta sjip ta stenic comel ti mulile.”

Hebreos 3:7

Jech o xal un, sc'an ta xats'etan ani' achiquinic ta ya'yiel ti xi ta xal ti Ch'ul Espíritu ti ts'ibabil ta ch'ul c'ope: “Mi vo'oxuc ta xava'iic c'usi ta xal ti Dios avi tana li'e,

Apocalipsis 14:4

Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.

Apocalipsis 3:20

Q'uelo avil, va'alun ta ti'na ta xic'opoj. Mi oy buch'u ta xa'i ti jc'opojele, mi ta sjam ti sti' snae, ta xi'och ta sna, jun co'nton jmoj ta xive' xchi'uc.