San Juan 10:25 - Bible in Tzotzil de Chamula

²⁵ Xi laj stac' ti Jesuse: —Laj xa calboxuc ava'iic, mi ja'uc xc'ot ta avo'ntonic. Ta sventa Jtot ti c'usi ta jpase, ja' ta xayac'boxuc avilic ta jamal ti Buch'uun ta melele.

Tzotzil Zinacantan

²⁵ ―Lacalbeic xa, pero mu xachꞌunic. Avilic noxtoc li jlequilal jyuꞌelale ti jaꞌ yalojbon ti Jtote ti chcacꞌ iluque. Ti yechuque, jaꞌ avilic o ti voꞌon Xchꞌamalon ti Rioxe.

LEQUIL ACH' C'OP

²⁵ ―Itac'av ti Jesuse: —Lacalbeic xa, pero mu xa ch'unic. Li c'usitic ta jpas ta syu'el ti Jtote ja' chvinaj o ti ta melel ja' stacojon tale;

Bible in Tzotzil de Chenalhó with Deuterocanon

²⁵ Itac'ov li Jesuse: —Laj xa calboxuc, pero mu xach'unic. Laj avilic c'usitic la jpas ta sventa li Jtote, yu'un ac'o vinajuc ti ta melel vu'une.

Tzotzil San Andres

²⁵ Itacꞌav li Jesuse: ―Laj xa calboxuc pero mu xachꞌunic. La avilic nojtoc ti ep laj cacꞌ ta ilel jtsatsal juꞌel ta sventa li Jtote. Jech ta xvinaj o ti joꞌon Snichꞌonun li Diose.

Tzotzil de Huixtán

²⁵ Hech itac'av ti Jesuse: ―Laj xa calboxuc, mu xach'unic. Laj xa aq'uelic uc ti jchop o abteletic ti laj xa jpas ti sventa ti Jtote.

San Juan 10:25 Iomraidhean Croise

San Juan 10:32

Xi laj yal ti Jesuse: —Ta sventa smuc'ul stsatsal ti Jtote, ep ti c'usi laj jpas ta aba ta asatique. ¿C'usi jtosucal yo' ta xavac'beicun ti ton yu'un une?

San Juan 10:37

Mi mu xco'olaj yabtel ti Jtot ti c'usi ta jpase, mu xavich'icun ta muc'.

San Juan 10:38

Yan mi xco'olaj yabtel ti Jtot ti c'usi ta jpase, manchuc mi mu xavich'icun ta muq'ue, ja' tsots sc'oplal sc'an xavich'ic ta muc' yabtel ti Jtot ti c'usi ta jpase yo' jech j'ech'el ta xava'iic ti oy ta jtojol ti Jtote xchi'uc ti oyun ta stojol eque.

San Juan 11:47

Ti fariseoetique xchi'uc ti banquilal yu'un ti paleetique, bat stsob sbaic xchi'uc ti banquilal jchapanvanejetic ti xi laj yalique: —¿C'usi ta xcutic ti vinic taje, ti ep ta xac' iluc ti oy c'usi ch'ayal ta xc'ot o'ntonal yu'une?

San Juan 12:37

Manchuc mi laj yac' ta ilel ti Jesús ti oy c'usi ch'ayal ta xc'ot o'ntonal yu'un ta sba ta sat ti israeletique, mi ja'uc c'ot ta yo'ntonic ta xch'unel.

San Juan 14:11

C'otuc ta avo'ntonic ti oyun ta stojol ti Jtote. Mi mu jechuque, c'otuc ta avo'ntonic ti abtel yacal ta jpas ta atojolique.

San Juan 20:30

Ti Jesuse yepal to oy c'usi laj yac' iluc ta stojol yajchanc'optac ti ch'ayal xc'ot o'ntonal yu'une, ti mu'yuc ts'ibabil com ta jpoc vun li'e.

San Juan 3:2

Xi laj yal ti Nicodemo c'alal bat sc'opon ta ac'ubaltic ti Jesuse: —Jchanubtasvanej, jna'ojcutic lec ti tacbilot talel yu'un ti Dios yo' jech tal achanubtasuncutique, yu'un mu'yuc buch'u junucal xu' ti jech ta xac' iluc smuc'ul stsatsal Dios jech c'u cha'al ta xapase ti mi mu'yuc chi'inbil yu'un ti Diose.

San Juan 7:31

Ep buch'utic c'ot ta yo'ntonic ti ja' Cristo ti Jesuse, ti xi laj yalique: —C'alal mi tal ti Cristoe, ¿mi yu'un van x'ech' to ta xac' iluc ti oy c'usi ch'ayal ta xc'ot o'ntonal yu'une, mi ja' mu sta ta xac' iluc ti vinic le'e?

San Juan 8:12

Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

San Juan 8:24

Jech o xal laj calboxuc ava'iic ti acuchoj amul xacham xalajique, yu'un mi mu xc'ot ta avo'ntonic ti Buch'uun ta melele, acuchoj amul xacham xalajic, xacutoxuc.

San Juan 8:56

Ti Abraham ti ja' amolmuc'totic ta vo'nee, xmuyubaj xa yo'nton ti laj ya'i ti ta xitale. Laj yil ti litale, xmuyubaj xa ta jmec.

San Juan 8:58

Xi laj stac' ti Jesuse: —Ta xcalboxuc ava'iic ta melel, c'alal mu'yuc to ox voq'uem ti Abrahame, oyun xa ono'ox.

Hechos 10:38

Xana'ic lec xtoc, ti Diose laj yac'be yich' smuc'ul stsatsal xchi'uc Ch'ul Espíritu ti Jesús ti liquem talel ta Nazarete yo' xu' yu'un ta spasel ti c'usi leque, ta scolesanel ti buch'utic ta x'ilbajinatic yu'un ti pucuje. Jech laj spas, yu'un chi'inbil coltabil yu'un ti Diose.

Hechos 2:22

“A'yio ava'iic lec, jchi'iltac, ti xi s'elan ta xcale: Ti Jesús liquem talel ta Nazarete, ana'ojic lec ti ja' jun vinic ac'bil yabtel yu'un Dios tal ta atojolic ti laj yac' iluc ep ta tos smuc'ul stsatsale xchi'uc ti c'usi ch'ayal xc'ot o'ntonal yu'un ta sventa ti Diose.

Hebreos 2:3

¿C'usi xa ono'ox ta xcutic yo' ta jpoj jbatic un cha'e mi mu jtuc'ulantic lec ti muc'ul coltaele? Yu'un ja' laj yal ba'yel stuc ti Cajvaltic sc'oplal ti pojel colele. Lic yalbotic ec ti buch'utic laj ya'iic ba'yel ti sc'oplale.