San Juan 10:24 - Bible in Tzotzil de Chamula

²⁴ Ti israeletique laj sjoyobtaic ti Jesuse, ti xi laj yalbeique: —Xmacmun co'ntoncutic avu'un. Mi vo'ot ti Cristoe, alo xch'a ta jamal.

Tzotzil Zinacantan

²⁴ Ti cajmeltsanejcꞌopticotique tal sjoyletaic ti Jesuse. ―¿Cꞌu to ora ti jamal chavalboticotic mi voꞌot chapasoticotic ta mantale? Alboticotic xa ―xutic.

LEQUIL ACH' C'OP

²⁴ Ti jurioetique tal sjoyletaic ti Jesuse, ja' yech isjac'beic chac li'i: ―¿C'usi to ora chavalboticotic ta jamal mi vo'ot ti Cristoote? Albon xa ca'iticotic ta jmoj. ―Xutic.

Bible in Tzotzil de Chenalhó with Deuterocanon

²⁴ Li j'abteletic yu'un judioetique bat set sbaic ta stojol li Jesuse, jech la sjac'beic: —¿Jayib to c'ac'al li' chavac' lo'ilajuc co'ntoncutic? Me vo'ot li Cristoote, albun ca'icutic ta jamal —xutic.

Tzotzil San Andres

²⁴ Li jꞌabteletic cuꞌuncutique te tal set sbaic li yoꞌ bu oy li Jesuse. Jech la sjacꞌbeic: ―¿Jayib to cꞌacꞌal liꞌ chavacꞌ xcꞌopoj coꞌoncutique? Mi joꞌot ti tꞌujbilot yuꞌun Dios ti chaventainuncutique, jamal xavalbuncutic ―xutic.

Tzotzil de Huixtán

²⁴ Hech yu'un ti jchi'iltaque tal sjoyubtaic ti Jesuse. Hech laj sjac'beic: ―¿Jayib to c'ac'al chavac' lo'lajuc co'ntontutic avu'un? Mi ho'ot ti Jcoltavanejote, jamal me xaval ca'itutic ―xchiic.

San Juan 10:24 Iomraidhean Croise

1 Reyes 18:21

Va'i un, ti Eliase xi laj yalbe ya'i ti lum ti nopaj ech'el ta sts'ele: —¿Bu to c'alal ta xac'an xac'ot ava'iic xchi'uc ti cha'tos snopobil avu'unique? Mi ja' bats'i Dios ti Ajvalil Diose, ts'acliic batel. Mi ja' Dios ti Baale, jechuc unbi, ts'acliic batel. Mi jbeluc c'usi laj stac' ti jteclume.

San Mateo 11:3

Xi c'ot sjac'beique: —¿Mi vo'ot la ti oy ono'ox sc'oplal ta xatale? ¿Mi ta to jmalacutic yan?

Marcos 8:32

Jamal albatic lec ti chmilate. Va'i un, ti Pedroe jech snatil laj yic' batel ti Jesús ti laj svule.

San Lucas 3:15

Scotol ti jnaclejetique lec ta xa'iic. Ta snopic, ti Juan le'e ja' van ti Cristoe.

San Juan 1:19

Ti j'abteletic yu'un ti israeletic ta Jerusalene, laj staquic batel ti paleetique xchi'uc levitaetic ta sjac'bel buch'u ti Juane.

San Juan 10:31

Ti israeletique laj stamic ton xtoc yo' ta xac'beic ti Jesuse.

San Juan 10:33

Xi laj staq'uic ti israeletique: —Ma'uc ta xacac'becutic ton yu'un ti c'usi lec laj apase. Yu'un ti c'u s'elan ta xac'opoje, ta soquesbe sc'oplal ti Diose. Yu'un ta xabis aba ta Dios c'alal vinicot no'oxe.

San Juan 16:25

“Naca ta co'oltasbil c'op ti c'u s'elan laj jc'oponoxuque. Oy bu ta sta yorail un ti ma'uc xa ta co'oltasbil c'op ta jc'oponoxuque. Jamal xa ta xcalboxuc ava'iic sc'oplal ti Jtote.

San Juan 8:25

Xi laj sjaq'uique: —¿Buch'uot un cha'e? Xi laj stac' ti Jesuse: —Laj xa calboxuc ava'iic ta sliquebal.

San Juan 8:53

¿Mi yu'un vo'ot x'ech' to cajal latal? ¿Mi ja' mu sta ti jmolmuc'totic Abrahame? Yu'un ti stuque cham xa. Ti j'alc'opetique chamic xa xtoc. ¿Buch'uot ya'yel ta xabis aba un cha'e?

San Juan 9:22

Ti jech laj yal ti stot sme'e ta scoj xi'el. Yu'un ti j'abteletic yu'un ti israeletique laj xa scomonop sc'opic ti buch'uuc no'ox ta xal ja' Cristo ti Jesuse, ta xtenat loq'uel ta ch'ulna yu'unic.

2 Corintios 3:12

Ti jech jpatoj co'ntoncutique, mu ta xi'eluc ti c'usi ta xcalcutique.