San Juan 10:14 - Bible in Tzotzil de Chamula

¹⁴ Vu'unun ti lequil j'il-chije. Xcojtiquinan ti jchijtaque, xiyojtiquinic ec.

Tzotzil Zinacantan

^14-15 ’Voꞌon li lequil jchabichijon yaꞌele, ta jchabi lec ti muchꞌutic chiyichꞌic ta muqꞌue. Quilojbe cꞌu xꞌelan yoꞌonic, yilojic cꞌu xꞌelan coꞌon uc chac cꞌu chaꞌal yiloj cꞌu xꞌelan coꞌon ti Jtote, quilojbe cꞌu xꞌelan yoꞌon uc. Chcacꞌ jba ta milel yuꞌunic ti muchꞌutic chiyichꞌic ta muqꞌue.

LEQUIL ACH' C'OP

^14-15 »Vo'on li lequil jchabichijone. Ja' c'ucha'al li Jtot ti xiyojtiquine, ja' no'ox yech xcojtiquin li Jtot uque, li vo'on uque, xcojtiquin li jchijtaque, li jchijtaque, xi yojtiquinic uc. Ta xcac' jba ta milel scoj li chijetique.

Bible in Tzotzil de Chenalhó with Deuterocanon

¹⁴ Vu'un li lequil jchabichijune. Li jchijtaque xcotquinan, jech xiyotquinicun ec.

Tzotzil San Andres

¹⁴ ’Li buchꞌu yuꞌun stuc li chije, lec ta schabi li schijtaque schiꞌuc lec xojtaquinan. Jaꞌ noꞌox jechun eꞌuc li joꞌone, lec ta jchabiic li buchꞌutic ta schꞌunic ti ta xcolic ta jventae. Xcojtaquinic, jech xiyojtaquinic eꞌuc.

Tzotzil de Huixtán

¹⁴ ’Hech chaj c'u che'el ti lequil jq'uelcarnero lec chchabi ti scarneroe, ja' no'ox hechun uc ho'oni lec ti jchabi ti much'utic chch'unic ti chcolic ti jventae. Xcojtiquin, xiyojtiquinucun uc.

San Juan 10:14 Iomraidhean Croise

Salmos 1:6

Ti buch'utic xa'ibe sni' xchiquinale, chabibil yu'un Dios ta sbe xaneb; yan ti bu stamojic batel ti buch'u mu'yuc xch'ulel xa'i sbaique, ch'ayel xal o.

Isaías 40:11

Yu'un co'ol s'elan jech c'u cha'al junuc jq'uel-chij ta xvul ta loq'uel ta xchabiel ti xchije. Ta spet ech'el ti mimi'etique, ta snaban ech'el ta sti' yo'nton. Ta stuc'ulan lec ti me' chijetic ti naca to no'ox voc' yolique.

Isaías 53:11

C'alal mi ech' xa ox ta stojol ti mu albajuc vocolajele, ja' to ta xlic sac jamtajuc ti osil banomil ta xa'ie, laj yil ta sq'uelel ti mu'yuc c'usi sna' ta j'ech'ele. Ti lequil yajtunel Diose, ep buch'u ta sta scolel yu'un, ja' ti laj sbainbe ta xcuchbel ti smul scolo'ique.

Nahúm 1:7

Ti Diose jun yutsil yo'nton. Jun nac'obbail ti xi s'elan ta xc'ot ti c'alal yorail oy ilbajinele; ta stic' sba ta spojel ti buch'u ta spat yo'nton ta stojole.

San Juan 10:11

“Vu'unun ma' ti lequil j'il-chije. Ti lequil j'ilchije ta xac' sba ta milel ta sventa ti xchijtaque.

San Juan 10:13

Ta xjatav ti vinic taje yu'un ja' no'ox tsots sc'oplal ta xa'i ti tojel ta sa'e. Ma'uc tsots ta xa'i ta sventainel ti chijetique.

San Juan 10:27

Ti jchijtaque ta xa'iic ti jc'opojele, xcojtiquinic ec un, ta xists'acliicun.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 17:8

Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

2 Corintios 4:6

Yu'un ja' laj yal stuc ti Diose ti xojobinuc ti luz ta ic'al osile. Jech xtoc laj yac' xojobinuc ta co'ntontic ti luze yo' jech ta xcojtiquinbetic yutsilal slequilal ti Dios ti xojobin no'ox yutsil ta stojol ti Jesucristoe.

Efesios 1:17

Ta aventaic chcalbe vocol Dios yu'un ti Cajvaltic Jesucristoe, ti Jch'ul Totic ti mu albajuc ti yutsilal slequilal ta j'ech'ele. Ta jc'anbe ti ac'o xayac'boxuc abijilic ta yojtiquinel yo' ta xava'iic lec ta avo'ntonic stalel ti Diose.

Efesios 3:19

Ta jc'anbe ti Diose ti ac'o yac'boxuc ava'iic ta avo'ntonic ti syail xc'uxul yo'nton ti Cristoe, ti mu bisbiluque, ti mu xa no'ox c'usi xtaun ti yutsil slequile, yo' jech oy ta atojolic stalel ti Diose.

Filipenses 3:8

Ti jech ech'em xloc' venta laj ca'i ta yojtiquinel ti Cajval Cristo Jesuse, ta jech yepal, laj, tub sc'oplal ta co'nton ta sventa Cristo ti c'usi tsots sc'oplal laj ca'i sc'an pasel to oxe. Yu'un laj xa jbis ta c'a'ep scotol yo' jech oyun ta stojol ti Cristoe,

2 Timoteo 1:12

Ta sventa taj une, yacal ta xquich' jvocol yu'un, ti mu ja'uc ta xiq'uexav yu'une, yu'un jna' oy Buch'u jpatoj co'nton ta stojol. Jna' lec xtoc ti oy smuc'ul stsatsal ta xchabi yo' ta xc'ot ta tsutsel cu'un ti c'usi laj sc'ubanbune ja' to ta xlaj c'op mi sta ti smuc' ta c'ac'alile.

2 Timoteo 2:19

Ac'o mi jech ta xc'ot ta pasel un, ti Diose jbel sc'oplal xi laj sbejan ta alele: “Ti Cajvaltique ta xojtiquin ti buch'utic ja' yu'untaque. Scotol ti buch'utic xvocoletic ta stojol ti Cristoe, tsots sc'oplal ta sjip ta stenic comel ti mulile.”

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 2:19

Jna' lec scotol ti c'usi ta xapase: ti oy xc'uxul syail avo'ntone, ti lec c'otem ta avo'nton ta xch'unele, ti avac'oj aba ta tunele, ti mu xavicta abae, ti x'ech' to avac'ojbe yipale, ti ja' mu sta ta sliquebale.

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.

Apocalipsis 2:9

Jna' lec scotol ti avocole, ti ame'unal amu'natile, ti c'alal jc'ulejot ono'oxe. Jna' lec ti ta xavich' chopol c'optael yu'un ti buch'utic sbisoj sbaic ta israeletique, ti c'alal ja' yu'untac ti pucuje.

Apocalipsis 3:1

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.

Apocalipsis 3:15

Jna' scotol ti c'usi ta xapase. Jna' lec ti ma'uc c'oc'ote, ti ma'uc sicote. Ja' toj lec ti sicucote, ti c'oc'ucote.

Apocalipsis 3:8

Jna' lec scotol ti c'usi ta xapase. Jamoj lec jun ti'na ta atojol ti mu'yuc buch'u xmac yu'une. Ac'o mi mu'yuc lec yipal avu'un, c'otem ta avo'nton ta xch'unel ti jc'ope, mi ja'uc yan avo'nton ta jtojol.