San Juan 10:12 - Bible in Tzotzil de Chamula

¹² Yu'un ti buch'u ta x'abtej ta sventa tojel no'oxe, c'alal ta xil ta xtal ti jti'oval oq'uile, ta xjatav batel. Lamal ta xicta comel ti chije yu'un ma'uc bats'i j'il-chij. Ma'uc yu'un ti chijetique. Ti chije, ta x'ilbat svocol yu'un jti'oval oq'uile. Tan puc ta xbat yu'un.

Tzotzil Zinacantan

¹² Li jsaꞌabteletique, mi iyaꞌiic ti chtal oqꞌuile, lamal chictaic li chije, chjatavic. Oy jaycot chlaj ta oqꞌuil, jlom chjatavic.

LEQUIL ACH' C'OP

¹² yan ti much'u j'abtel no'oxe, ti ja' no'ox tsa' li stojole, ti c'alal chil chtal li oq'uile, tscomtsan li chijetique, li stuque ta xjatav, yu'un ma'uc li jchabichije, yu'un ma'uc yu'un li chijetique. Li oq'uile ta stsac li chijetique, ta stani sba ech'el yu'un.

Bible in Tzotzil de Chenalhó with Deuterocanon

¹² Yan li boch'o ja' no'ox ta sa' tojele, ti mu ja'uc yu'un li chijetique, c'alal chil chtal jti'vanej bolome, te tscomtsan li chijetique; ta xjatov batel ta anil. Jech te chlaj ta bolom li chijetique; te tanpuc chbatic o.

Tzotzil San Andres

¹² Li buchꞌu jsaꞌabtel noꞌoxe, cꞌalal ta xtal li bolome, ta xicta comel li sqꞌuelbalal chijtaque, ta xjatav batel. Jech oy jaycot ta xlaj ta bolom. Li yane chlaj jatavuc echꞌel.

Tzotzil de Huixtán

¹² Ti much'u ja' no'ox tsa' abtel yu'un chchabi ti carneroetique yu'un mu yu'unuc ti carneroetique hech yu'un mi chil chtal bolom, tscomes ti carneroetique. Chjatav batel. Hech oy chlaj ti ti'el yu'un bolom ti carneroetique. Ti yane chpuquic batel.

San Juan 10:12 Iomraidhean Croise

San Mateo 10:16

“A'yio ava'iic, co'ol a'elanic jech c'u cha'al chij ta jtacoxuc batel ta stojol ti jti'vanej-oq'uiletique. Bijanic ec un, jechuc abijilic jech c'u cha'al ti jti'vanej-chone. Ti atalelic une, jechuc jech c'u cha'al ti palomae.

San Mateo 7:15

“Bijanic yu'un ti jlo'lavanejetic ti ta xalic ta xc'opojic ta sventa ti Diose, ti co'ol chij ti stalelic yilele. Ti yut yo'ntonique, jti'oval-oq'uil ta j'ech'el.

San Juan 10:13

Ta xjatav ti vinic taje yu'un ja' no'ox tsots sc'oplal ta xa'i ti tojel ta sa'e. Ma'uc tsots ta xa'i ta sventainel ti chijetique.

San Juan 10:2

Ja'uc ti buch'u ta x'och talel ta ti' ti corrale, ja' jq'uel-chij unbi, ta xchabi ti chije.

San Juan 10:3

Ta xjambat sti' corral yu'un ti jchabiej ti' corrale, ta x'och batel. Ti j'il-chije, ta jujun ta sloq'uesbe sbi ti xchijtaque. Ti chijetique ta xa'ibeic ti sc'opojele. Ta sloq'ues ech'el ta corral un.

Hechos 20:29

Jna' lec c'alal mi libate, oy buch'u ta xtal soques ti jch'unolajeletique jech c'u cha'al junuc jti'oval oq'uil ta slilin ta ti'el ti chije.

1 Timoteo 3:3

Sc'an ti ma'uc jun jyacubele, ti ma'uc jun jliquesej c'ope, ti ma'uc c'upijem yo'nton yu'un ti taq'uine, ti lecuc ti yo'ntone, ti lamajem ti yo'ntone.

1 Timoteo 3:8

Jech ec ti jcoltavanej yu'un ti jventainvaneje, ta sc'an ti ja'uc lequil vinique, ti xc'ot xc'opoje, ti ma'uc c'upijem yo'nton yu'un ti taq'uine, ti ma'uc jyacubele.

2 Timoteo 4:10

Yu'un ti Demase laj xa yictaun comel. Ja' lec laj ya'i ti sba banomile, yu'un bat xa ta Tesalónica. Ti Crescente xtoque bat xa ta slumal Galacia. Ti Titoe bat xa ta Dalmacia.

SUN TITO 1:7

Yu'un ti buch'u ta x'och ta jventainvaneje ja' ta sbain ti c'usi ja' yu'un ti Diose. Jech o xal un, tsots sc'oplal ti lecuc ta q'uelel ti xcuxlejale, ti mu jbeluc ta c'ope, ti mu jtoyobbauque, ti ma'ucuc jun jyacubele, ti jun ti ma'ucuc jun jsa'letoe, ti ma'ucuc jun jyacvanej ta lo'lavanej ta stael ti staq'uine.

1 Pedro 5:2

Jechucoxuc jech c'u cha'al junuc lequil jq'uel-chij ta sq'uelel xchijtac Dios ti ac'biloxuc ta abaique. Ta sjunuluc avo'ntonic, pasic jech c'u cha'al oy ta yo'nton ti Diose, ti ma'uc ta sujele, ti ma'uc no'ox oy ta avo'ntonic ta stsaquel ti taq'uine. Ta yutsiluc avo'ntonic xapas ti avabtelique.

2 Pedro 2:3

Ti jech tsacbil lo'labil yo'nton yu'un ti taq'uine, ta xilboxuc avocolic ta yilbajineloxuc ta slo'laeloxuc ti c'usi ta xchanubtasvanique. Manchuc mi jech un, jbel sc'oplal ta stojic. Laj to c'op ma' ti ta xcolique, yu'un vo'ne xa chapal sc'oplalic.