San Juan 10:11 - Bible in Tzotzil de Chamula

¹¹ “Vu'unun ma' ti lequil j'il-chije. Ti lequil j'ilchije ta xac' sba ta milel ta sventa ti xchijtaque.

Tzotzil Zinacantan

¹¹ Li lequil jchabichije muc ta alel yuꞌun mi jaꞌ xlaj ta oqꞌuil li stuque yoꞌ mu xlaj o li xchije. Jaꞌ noꞌox yech li voꞌon uque, ta xcacꞌ jba ta milel yoꞌ xcuxiic o ta sbatel osil ti muchꞌutic chiyichꞌic ta muqꞌue.

LEQUIL ACH' C'OP

¹¹ Vo'on li lequil jchabichijone. Li lequil jchabichije chac' xcuxlejal ta scoj li xchijtaque;

Bible in Tzotzil de Chenalhó with Deuterocanon

¹¹ Vu'un li lequil jchabichijune. Li lequil jchabichije chac' sba ta milel ta scoj li xchijtaque.

Tzotzil San Andres

¹¹ Li buchꞌu yuꞌun stuc li chijetique lec ta schabi. Mu sventauc mi jaꞌ te ta xlaj ta bolom li stuque. Jaꞌ noꞌox jechun eꞌuc li joꞌone, lec ta jchabi li buchꞌutic ta schꞌunic ti joꞌon Yajcoltavanejicune. Ta xcacꞌ jba ta milel ta scojic.

Tzotzil de Huixtán

¹¹ Hech chaj c'u che'el ti lequil jq'uelcarnero lec chchabi ti scarneroe mu'yuc sc'opilal mi chti'at yu'un ti bolome, ja' no'ox hechun uc ho'oni lec ti jchabi ti much'utic chch'unic ti ho'on Jcoltavanejun yu'unique. Chcac' jba ti milel yu'unic.

San Juan 10:11 Iomraidhean Croise

2 Samuel 24:17

C'alal laj yil ti David ti ta slilin ta milel jteclum ti ánjele, xi laj yalbe ti Diose: —¡Vu'un ta jcoj le'e! ¡Vu'un ta jmul jcolo'! ¿Mi yu'un la oy c'usi chopol laj spasic ti uni chijetic le'e? ¡Ti tsitsel ta xavac'bee, cajano ta jba xchi'uc ti c'u yepal oy ta jnae!

Salmos 23:1

Ti Diose, co'ol s'elan jq'uel-chij c'otem ta jventa; mu'yuc c'usi jna' yu'un.

Salmos 80:1

Ti co'ol a'elan j'il-chijot ta sq'uelel ti Israele, ti co'ol s'elan chij ta xatojobtas ech'el ta be ti Josee, ti oy apasob mantal bu oy ti c'usi oy xiq'uique, a'yio ava'i li'e, lecuc xavil ta aba ta asat ti Efraine,

Isaías 40:11

Yu'un co'ol s'elan jech c'u cha'al junuc jq'uel-chij ta xvul ta loq'uel ta xchabiel ti xchije. Ta spet ech'el ti mimi'etique, ta snaban ech'el ta sti' yo'nton. Ta stuc'ulan lec ti me' chijetic ti naca to no'ox voc' yolique.

Isaías 53:6

Yu'un jcotoltic lijch'ayotic ta be jech c'u cha'al junuc chij. Laj jtamtic batel ta jujun ti jbetic ti c'u s'elan xal ti co'ntontique. Ja'uc ti Dios une laj scajanbe ta sba scotol ti jmul jcolo'tique.

Ezequiel 34:2

“Yojtot, xi vulvunan liquel ta jventa ta scontrainel ti jq'uel-chijetic yu'un ti Israele: ‘Xi ta xal ti Diose: Mu cha'bel uni jq'uel-chijetic yu'un Israel ti atuc no'ox atuc'ulanoj abaique, ti c'alal tsots sc'oplal abainojic ta sq'uelel ti chijetique.

Ezequiel 34:23

Ta jbain ti cha'vuluc ta loq'uel ti cajtunel Davide. Stuc no'ox ta xc'ot ta jq'uel-chij ti vu'un ta jva'ane, ta stuc'ulan ta sq'uelel un. Ta xc'ot ta jq'uel-chij yu'unic.

Ezequiel 37:24

Ta xc'ot ta ajvalil yu'unic ti cajtunel Davide xchi'uc ti banquilal jq'uel-chij yu'unic scotolique. Ta xiyaq'uic ta venta. Ta xc'ot ta pasel yu'unic ti oy jbel c'usi tsots albile, xchi'uc ti c'usi caloje.

Miqueas 5:4

Jech ti ajvalile ta xlic sva'an sba ta sq'uelel ta xchabiel ti steclumaltac ta sventa smuc'ul stsatsal ti Ajvalil Dios yu'une. Mu'yuc xa c'usi xal yo'nton ta xcuxiic, ja' ti muq'uibtasbil sc'oplal ta xc'ot ti Jcuch abtel Dios yu'unic ti bu xa jujuti' oy ti banomil ta sjunleje,

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Juan 10:2

Ja'uc ti buch'u ta x'och talel ta ti' ti corrale, ja' jq'uel-chij unbi, ta xchabi ti chije.

San Juan 15:13

Ti buch'u ta xac' sba ta milel ta sventa ti buch'u lec xil sba xchi'uque, mu albajuc ma' ti syail xc'uxul yo'nton une.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 13:20

Ti Diose laj xcha'cuxes ti Cajvaltic Jesucristo ti Buch'u c'otem ta Banquilal Jq'uel-chije, yu'un ja' ta sventa xch'ich'el chapaj sc'oplal ti ach' trate sventa sbatel osile.

1 Pedro 5:4

C'alal ta xvul ta loq'uel ti Banquilal jq'uel-chije, ti vo'oxuque jun yutsil ta xa'ac'bat amotonic ti mu xco'olaj jech c'u cha'al ti xotbil nichim ti sna' xtaquije.

1 Juan 3:16

Jna'tic lec c'u s'elan ma' ti c'uxul o'ntonale, yu'un ti Jesucristoe laj xa yac' sba ta milel cu'untic. Jechuc me co'ntontic ta scoltael ti jchi'iltique, manchuc mi ta xcac' jol jbaquiltic yu'un.

Apocalipsis 7:17

Yu'un ti jcot ta Uni Chij ti oy ta o'lol bu oy ti muc' ta chotlebale, ta xchabiatic yu'un jech c'u cha'al ti jq'uel-chije, ta x'iq'ueic batel ta sat vo' ti ta xac' cuxlejale, scotol ti ya'lel satique, ta scusbatic loq'uel yu'un ti Diose.