San Juan 10:10 - Bible in Tzotzil de Chamula

¹⁰ Ti j'eleq'ue, ja' no'ox ta xtal ta soquesel, ta yelc'anel, ta smilel. Ja'uc ti vu'une lital ta yac'bel xcuxlejal ti ja' bats'i xcuxlejal ta j'ech'ele.

Tzotzil Zinacantan

¹⁰ ’Li jꞌelecꞌchije ch-elcꞌaj noꞌox, tsocvan, chmilvan. Yan li voꞌone chcacꞌ cuxlicuc ta sbatel osil. Jaꞌ noꞌox yech jun yoꞌonic ch-echꞌic liꞌ ta sba balamile.

LEQUIL ACH' C'OP

¹⁰ »Li j'elec'chije ja' no'ox chtal elc'ajuc, chmilvan xchi'uc tsocvan; yan li vo'one tal cac' cuxlejal ti mu xlaj ta sbatel osile.

Bible in Tzotzil de Chenalhó with Deuterocanon

¹⁰ Li j'elec' chije ja' no'ox yabtel ta x'elc'aj, ta xmilvan, ta soquesvan. Yan li vu'une ja' tal cac'be xcuxlejalic, jech mu'yuc c'usi yan tsc'anic o.

Tzotzil San Andres

¹⁰ ’Li jꞌelecꞌchije jaꞌ noꞌox yabtel ta xꞌelcꞌaj, ta xmilvan, ta socvan. Yan li joꞌone jaꞌ tal cacꞌbe scuxlejalic sventa sbatel osil, jech lec oyic o.

Tzotzil de Huixtán

¹⁰ ’Ti j'elec'carneroe ja' no'ox yabtel ch-elc'aj, chmilvan, chjinvan. Ja'uc ti ho'one tal cac'be xcuxlejalic sbatel osil. Hech jun no'ox yutsil chc'otic o.

San Juan 10:10 Iomraidhean Croise

Isaías 56:11

Jun to jchamel vi'nal ts'i'etic ti mu xnoj ti xch'ut ta j'ech'ele. Jech c'u cha'al jun jq'uel-chijetic ti mu ja'uc jutebuc xa'ibeic ti smelole. Ti jujune stamoj batel sbeic ta sa'el ti c'usi ta xtun yu'unique.”

Oseas 7:1

C'alal oy ta co'nton ti ta jeltabe ca'i yorailic ti Israel ti ja' jteclumale, c'alal ta jc'an ta jpoxta ca'i ti jteclumal Efraín xchi'uc ti Samariae, ja' o toj c'otel ta satilal ti smul scolo'ique. Yu'un scotolic me'inem xa ta xa'iic ta sjutel ti c'ope. Yu'un co'ol s'elan jun j'eleq'uetic ti naca svoq'uic no'ox ochel ti naetique. Ti buch'utic ta snupic ta bee, ta satilal, naca yelc'anbel ti c'usi oy yu'unique.

San Mateo 18:10

“Mu xajip xatenic junuc ti ololetic li'e. Ta xcalboxuc ava'iic, ti ánjeletic yu'unique oyic ono'ox ta stojol ti Jtot ti oy ta vinajele.

San Mateo 18:11

Ti vu'un co'ol j'elantique tal jcolta ti buch'utic ch'ayemique.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Mateo 21:13

Xi laj yale: —Ti ts'ibabil ta ch'ul c'ope xi ta xale: ‘Ti jch'ulnae, albil sc'oplal sventa c'opojebal ti'inebal.’ Ti vo'oxuc une laj xa ajoybinic ta snail xch'en j'eleq'uetic.

San Mateo 23:13

“¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti mu xavaq'uic ochuc ti buch'utic ta sc'anic ventainel yu'un ti Diose. Mi ja'uc xa'ochic, mi ja'uc xavac' ochicuc ti buch'utic ta sc'an ta x'och ya'iique.

Marcos 11:17

Ti Jesuse xi lic chanubtasvanuque: —Xi ta xal ti ts'ibabil ta ch'ul c'ope: ‘Ti jch'ulnae, albil sc'oplal sventa jtaobil ta c'oponel ta ti'inel yu'un ti jnaclejetic oyic ta sjoylej banomile.’ Ja'uc ti vo'oxuc une, lajoybinic ta snail ch'en j'eleq'uetic.

San Lucas 19:10

Ti vu'un co'ol j'elantique ja' tal jsa', ja' tal jcolta ti buch'utic ch'ayemique.

San Juan 10:1

Va'i un, xi laj yal ti Jesuse: —Ta xcalboxuc ava'iic ta j'ech'el, ti buch'u mu x'och talel ta sti' ti scorral bu lapal ti chije, ti ta x'och talel bu ma'uc ti sti'e, ja' jun j'elec' j'ilbajinvanej.

San Juan 10:11

“Vu'unun ma' ti lequil j'il-chije. Ti lequil j'ilchije ta xac' sba ta milel ta sventa ti xchijtaque.

San Juan 12:47

Ja'uc ti buch'u ta xa'i ti jc'ope, ti mi mu tsots sc'oplal ta xa'ie, ma'uc jbainoj ta jchapanel, yu'un tal coltavancun. Ma'uc lital ta chapanvanej.

San Juan 12:6

Ti jech laj yal ti Judas taje, ma'uc oy ta yo'nton ti buch'u abol sbaique, yu'un j'elec' xa'i sba, xchi'uc oy ta yoc ta sc'ob ti yavil taq'uine, yu'un ta stam loq'uel ti taq'uin ti buch'u ta xaq'uique.

San Juan 3:17

Ti Diose mu yu'unuc laj stac talel ti Xnich'on yo' tal yac'be stoj smul ti jnaclejetique, ja' no'ox tal scolta.

San Juan 5:40

ja'uc ti vo'oxuc une, mu xac'an xatalic ta jtojol yo' ta xata ti acuxlejalique.

San Juan 6:33

Yu'un ti pan ta xac' ti Diose, ja' ti Buch'u yal talel ta vinajele, yu'un ja' tal yac'be xcuxlejal ti jnaclejetic ta banomile.

San Juan 6:51

Vu'unun ti cuxul pan liquem talel ta vinajele. Ti buch'u ta sve' ti pan taje, ta xcuxi o sbatel osil. Ti pan ti vu'un ta xcaq'ue, ja' ti jbec'tal jtacopale. Ta xcac' ta c'abal yo' jech ta sta xcuxlejal scotol ti jnaclejetic ta banomile.”

Romanos 2:21

Lec un cha'e, ti jech ta xachanubtas ti yane, ¿c'u cha'al mu xachanubtas aba atuc? Ti ta xaval ti mu stac' ti elc'ajele, ¿c'u cha'al ti vo'ot cajal ta xa'elc'aj un cha'e?

1 Timoteo 1:15

Scotolicuc, c'otuc ta yo'ntonic ta xch'unel, yu'un ja' melel: Yu'un ti Cristo Jesuse tal ta banomil yo' tal spoj scolta ti jsa'muliletique, Ta scotol taje, vu'un ti banquilal jsa'mulilun to oxe, ja' mu sta ti yane.

Hebreos 6:17

Lec un cha'e, ja' jech ti Diose jbel sc'oplal sc'an svinajes ti jech bejel com o ti c'u s'elan laj sva'an sba ta rextico ta yalel ti oy c'usi ta xac'be yich'ic ti buch'utic ta xich'ic ti rextoil ti laj sva'an sba ta yalele.

Hebreos 7:25

Jech o xal sbatel osil xu' spoj scolta ti buch'utic ta xnopajic batel ta stojol ti Diose, yu'un j'ech'el cuxul sbatel osil yo' ta sc'anbe vocol ti Dios ta stojolique.

2 Pedro 1:11

Xpechte-pechte no'ox ti ti'na ta xajambatic yo' ta xa'ochic batel bu ta xventainvan sbatel osil ti Cajvaltic Jesucristo Jcoltavanej cu'untique.