San Juan 10:1 - Bible in Tzotzil de Chamula

¹ Va'i un, xi laj yal ti Jesuse: —Ta xcalboxuc ava'iic ta j'ech'el, ti buch'u mu x'och talel ta sti' ti scorral bu lapal ti chije, ti ta x'och talel bu ma'uc ti sti'e, ja' jun j'elec' j'ilbajinvanej.

Tzotzil Zinacantan

¹ ’Ta melel chacalbeic, ti muchꞌutic mu ta tiꞌ corraluc ch-ochique, mi chpꞌitic ochel ta xocone, jaꞌ jꞌelecꞌchijetic.

LEQUIL ACH' C'OP

¹ Ti Jesuse ja' yech iyal chac li'i: «Ta melel chacalbeic, «ti much'u ma'uc ta sti' scorral chij ch-oche, mi chp'it ochel ta xocon corrale, ja' jun j'elec' chij, ja' jun jmacbe ti ch-elc'ajique.

Bible in Tzotzil de Chenalhó with Deuterocanon

¹ Li Jesuse jech laj yal noxtoc: —Jamal chacalboxuc ava'yic, li boch'o muc ta sti' scoraluc chij ta x'oche, me ta xbit no'ox ochel ta pat corale, ja' j'elec' chijetic, ja' j'uts'intavanejetic.

Tzotzil San Andres

¹ Li Jesuse jech laj yal nojtoc: ―Melel li cꞌusi chacalbeique, li buchꞌutic mu ta tiꞌ corral ta xꞌochique, mi ta xpꞌitic ochel ta ba corrale, jaꞌ jꞌelecꞌchijetic.

Tzotzil de Huixtán

¹ Ti Jesuse hech laj yalbe ti jchi'iltaque: ―Melel ti c'usi chacalbeique, a'yic me. Ti much'utic ti j'elec'carneroetique mu x'och ti ti'corral, ja' chp'it ochel ti xocon ti ti'corrale.

San Juan 10:1 Iomraidhean Croise

Jeremías 14:15

Ti vu'un Diosune xichi ta xcalbe sc'oplal ma' ti j'alc'opetic ti xc'opojic xa ta jventa yilele, c'alal mu jutebuc tacbilic cu'un, c'alal ta xalic ti mu'yuc ta xtal letoe, ti mu'yuc ta xtal vi'nal ta muc' ta lum li'e: Ti uni j'alc'opetic taje, leto, vi'nal xa'iic.

Jeremías 23:21

Xi ta xal ti Diose: “Mi jutebuc jtacojic ech'el ti j'alc'opetic taje, mi ja'uc oy bu laj jc'oponic. Le' une, yoquilal xa yu'unic ti xbitetic ta c'opojel ta jventa.

Jeremías 23:32

Ti j'alc'opetic taje, contra ta xquil ti naca jutbil ta yesomal sjolic ti utsuc xa xaq'uic ta na'el ti oy c'usi laj xvaichinic yalojique, ti ta xc'ot ta ch'ayel yu'un ti jteclumal ta scoj ti me'inem ta ye sti'ic ti jutbil c'ope. Mu'yuc tacbilic batel cu'un. Mi ja'uc loq'uem ta que ti c'usi ta xalique. Mu'yuc c'usi lec ta staic yu'un ti jteclumale. Ti vu'un Diosune, mu lo'iluc no'ox ta xcal.

Joel 2:9

Ta spojic batel ti c'usi oy yu'un ti jteclume. Xbitetic no'ox ta anil ti ta ba moque, ti stsoylajetic no'ox muyel ta naetic jech c'u cha'al junuc j'eleq'uetic ti ta xbitic ochel ta ventanae.

San Mateo 7:15

“Bijanic yu'un ti jlo'lavanejetic ti ta xalic ta xc'opojic ta sventa ti Diose, ti co'ol chij ti stalelic yilele. Ti yut yo'ntonique, jti'oval-oq'uil ta j'ech'el.

San Juan 10:7

Xi laj xcha'al ti Jesuse: —J'ech'el ta xcalboxuc ava'iic, xi oy ti jc'oplale: Vu'unun ma' ti ti' corral bu ta x'och batel ti chijetique.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

Romanos 10:15

¿C'u ono'ox la xi ta xba yalbeic sc'oplal c'alal mi mu'yuc buch'u ta xtacunic batele? Yu'un xi ta xal ti ch'ul c'ope: “Yan no'ox yutsil scotol ti buch'utic ta xc'otic ta yalel ti lequil a'yej j'ac'-jun-jol o'ntonale.”

Romanos 16:18

Yu'un ti buch'utic jech stalelic taje, ma'uc yajtuneltac ti Cajvaltic Jesucristoe. C'ajomal no'ox yac'ojbeic yipal ta spasel ti c'usi ta sc'an ti yo'ntonique, xchi'uc jun xa yutsil ye sti'ic ta spas sbaic yo' ta slo'laic ti buch'utic co'ol s'elan ololetic ta xilique.

SUN TITO 1:11

Taje, sc'an pajesel yo' ta xmac ti ye'ique, yu'un sbejel ta na ta syanijesbe sjol yo'ntonic ti c'alal mi ja'uc jutebuc oy stuq'uil ti c'u s'elan ta xchanubtasvanique, yu'un naca pas canal taq'uin ta sc'anic.

Hebreos 5:4

Yu'un mu'yuc buch'u junucal ta smantal no'ox stuc ta x'och ta banquilal pale, ic'bil t'ujbil yu'un ti Diose yo' ich'bil ta muc' ta xc'ot xchi'uc ti yabtele jech c'u cha'al ti Aarone.

1 Pedro 1:10

Ti yutsil slequil yo'nton ti Dios ti laj avich'ic albel ava'iic ti sc'oplale, vo'ne laj sq'uelic talel, laj st'unic talel ti j'alc'opetique.

2 Pedro 2:1

Ti ta jteclum Israel ta vo'nee, ayan loq'uel ta stojolic jlo'lavanej j'alc'opetic. Jech ta x'ayan loq'uel jlo'lavanej jchanubtasvanejetic ta atojolic ec. Yu'un ta mucul ta xchanubtasvanic ti c'u s'elan nopbil yu'unique yo' ta soquesvanic, ti ta svalopatinic comel ti Cajvaltic ti Jpojvanej Jcoltavanej yu'unique. Ti jech taje, q'uelel xa ono'ox talel ti vocol ta stojolic ti jech ta spasique.

2 Pedro 2:3

Ti jech tsacbil lo'labil yo'nton yu'un ti taq'uine, ta xilboxuc avocolic ta yilbajineloxuc ta slo'laeloxuc ti c'usi ta xchanubtasvanique. Manchuc mi jech un, jbel sc'oplal ta stojic. Laj to c'op ma' ti ta xcolique, yu'un vo'ne xa chapal sc'oplalic.

1 Juan 4:1

Jchi'iltac, mu xach'unbeic scotol ti ta xalic ti ja' liquem talel ta stojol ti Diose. A'yibeic yo'nton ba'yel yo' jech ta xvinaj mi ja' Ch'ul Espíritu yu'un Dios ti oy ta stojolique, mi ma'uc. Yu'un ti banomil avi tana li'e, nojem ta epal jutc'opetic.