San Juan 1:51 - Bible in Tzotzil de Chamula

⁵¹ Xi laj yal xtoc ti Jesuse: —Ta xcalboxuc ava'iic ta melel, ta xavilic liquel ta xlic jamuc ti vinajele, ti xmuy xyal ti yaj'ánjeltac Dios ta jts'el ti vu'un co'ol j'elantique.

Tzotzil Zinacantan

⁵¹ ―Ta melel chacalbeic, voꞌon ti coꞌol crixchanootique, chavilic ti voꞌon chaquiqꞌuic echꞌel ta vinajele ti chba achiꞌinic ti Rioxe ―xiyutoticotic.

LEQUIL ACH' C'OP

⁵¹ Ti Jesuse ja' yech iyal noxtoc chac li'i: —Ta melel chacalbeic, ti ta to xavilic ta xjam li vinajele, chavilic ti chyal chmuyic li yaj-anjeltac Riox ta jtojol vo'on ti Xch'amal crixchano li c'ote. —X'utatic yu'un ti Jesuse.

Bible in Tzotzil de Chenalhó with Deuterocanon

⁵¹ Li Jesuse jech laj yal noxtoc: —Ta melel, jamal chacalboxuc ava'yic. Li' tana xchi'uc le' to batele, chavilic jamal li vinajele; chavilic te xyal xmuyic ta jtojol li yaj'almantaltac Diose, vu'un ti Xnich'on cristiano lic'ote —xi li Jesuse.

Tzotzil San Andres

⁵¹ Li Jesuse jech laj yalbuncutic jcotolcutic: ―Melel li cꞌusi chacalbeique, joꞌon li coꞌol crixchanoutique chavilic ti ta jventa joꞌon ti chabatic ta stojol li Diose ―xijyutcutic.

Tzotzil de Huixtán

⁵¹ Ti Jesuse hech lic yalbuntutic jcotoltutic: ―Melel ti c'usi chacalboxuque, chavilic chjam ti vinajele. Chavilic xch'ul'abat ti Diose chmuic chyalic ti jtojol, ho'on ti co'ol crixchanoucutique ―xiyutuntutic ti Jesuse.

San Juan 1:51 Iomraidhean Croise

Génesis 28:12

Ti bu taje, lic vaichinajuc. Laj yil jun tec'obal ti quiquil ta banomil ti c'otem to c'alal vinajele, ti xyal xmuy yaj'ánjeltac ti Dios laj yile.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

San Mateo 25:31

Ti Jesuse xi laj yale: —C'alal xtal ochcun ta Ajvalil ti vu'un co'ol j'elantique, xojobin no'ox ti cutsilal jlequil ti joyolic ta jxocontac ti caj'ánjeltac ta xichoti ta lequil chotlebal ti bu jun yutsile.

San Mateo 26:24

Ti vu'un co'ol j'elantique, jech ono'ox ta xc'ot ta jtojol jech c'u cha'al ts'ibabil ta ch'ul c'ope. Ti buch'u ta spay c'op ti ta x'ac'van ta c'abale, mu cha'bel un, ja' lec ti manchucuc voc' talele.

San Mateo 3:16

C'alal laj yich' vo' ti Jesuse, loc' batel, ta jech yepal jam ti vinajele. Ti Jesuse laj yil ti Ch'ul Espíritu yu'un ti Diose ti co'ol s'elan jcot paloma ti ta xyal talel ta stojole.

San Mateo 4:11

Ti pucuje laj xch'ac sba batel ta stojol, tal ánjeletic ti laj scolta ti Jesuse.

San Mateo 8:20

Ti Jesuse xi laj stac'bee: —Ti vete oy snail ch'en. Ti mutetique oy stasic. Ti vu'un co'ol j'elantique, mi ja'uc jutebuc oy bu ta jcux ti co'ntone.

San Mateo 9:6

Lec oy cha'e, ti vu'un co'ol j'elantique ta xcac' avilic ti quich'oj tsots cabtel li' ta banomil ta xch'ayel ti mulile. Va'i un, xi laj yalbe ti jmoch'e: —Tamo aba, va'lan, ich'o batel ti avuni puch'lebe, batan ta ana.

Marcos 1:10

C'alal loc' talel ta vo' ti Jesuse, laj yil ijam ti vinajele, yal talel ta stojol ti Ch'ul Espiritue co'ol s'elan jcot paloma.

Marcos 14:62

Ti Jesuse xi laj yale: —Melel, vu'unun. Ti vu'un co'ol j'elantique ta xavilic ta xichoti ta sbats'i c'ob Dios ti scotol xu' yu'une, xchi'uc ta xavilic ta xicha'sut talel ta ba toc ti ta vinajele.

San Lucas 2:13

Ta jech yepal vul ta loq'uel yan anjeletic ta vinajel ta stojol ti jun anjele ta yalbel slequilal Dios ti xi ta xalique:

San Lucas 2:9

Ta jech yepal un, laj yac' sba iluc ta stojolic jun yaj'ánjel ti Cajvaltique, ti joyobtabil c'otic ta yutsilal xojobal ti Cajvaltique. Ep xi'ic ta j'ech'el.

San Lucas 22:43

Va'i un, ja' o vinaj ta stojolal Jesús jun ánjel, lic talel ta vinajel, ta yac'bel yip stsatsal.

San Lucas 22:69

Li' ta xlic batel tana li'e, ti vu'un co'ol j'elantique, ja' sliquebal ta xba chotlucun ta xocon sbats'i c'ob ti Dios ti scotol xu' yu'une.

San Lucas 24:4

Mu stac' a'yeluc ta xa'iic c'usi xu' ta spasic yu'un taje. Ta jech yepal un, laj yilic oy buch'u cha'vo' va'al ta sts'elic ti xlablun no'ox xojobal ti sc'u'ique.

San Lucas 3:21

C'alal ti Juan ta xac'be yich' vo' ti jnaclejetique, oy bu c'ot ta pasel ti laj yich' vo' ec ti Jesuse. C'alal yacal ta xc'opoj xti'ine, jam ti vinajele.

San Juan 1:50

Xi laj yal ti Jesuse: —¿Mi ach'unoj c'ot ti laj calbot ava'i ti laj quilot ta yolon icuxe? ¡Yepal ta xavil liquel ti oy c'usitic muc' ti ta xc'ot ta pasele!

San Juan 10:1

Va'i un, xi laj yal ti Jesuse: —Ta xcalboxuc ava'iic ta j'ech'el, ti buch'u mu x'och talel ta sti' ti scorral bu lapal ti chije, ti ta x'och talel bu ma'uc ti sti'e, ja' jun j'elec' j'ilbajinvanej.

San Juan 10:7

Xi laj xcha'al ti Jesuse: —J'ech'el ta xcalboxuc ava'iic, xi oy ti jc'oplale: Vu'unun ma' ti ti' corral bu ta x'och batel ti chijetique.

San Juan 13:16

Ta xcalboxuc ava'iic ta melel, ti mosovile ma'uc cajal ta xac' sba ta stojol ti yajvale. Ti buch'u tacbile, ma'uc cajal ta xac' sba ta stojol ti jtacvanej yu'une.

San Juan 13:38

Xi laj stac' ti Jesuse: —¿Mi melel ti chapalot xa ta xavac' aba ta milel ta jventae? Ta xcalbot ava'i ta melel, laj xa ox aval oxcoj ti mu xavojtiquinun c'alal mu'yuc to ta x'oc' ti cotse.

San Juan 14:12

J'ech'el ta xcalboxuc ava'iic, ti buch'u ta xc'ot ta yo'nton ta xch'unelune, ja' jech ta spas ec jech c'u cha'al ta jpase. Xu' ti x'ech' to xjelav ta spas, yu'un ta xibat bu oy ti Jtote.

San Juan 16:20

Jbel sc'oplal ta xcalboxuc ava'iic, ta xlic oc'anic, ta xavat avo'ntonic, ja'uc ti jnaclejetic ta banomile xmuyubajic xa liquel. Ti jech oyoxuc ta vul o'ntone, ta xlic joybijuc ta muyubajel.

San Juan 16:23

“Ti jech c'ac'al taje, mu'yuc xa c'usi ta xajac'beicun. J'ech'el ta xcalboxuc ava'iic, scotol c'usi ta xac'anbeic ti Jtot ta jventae, ta xayac'boxuc.

San Juan 21:18

Ta xcalbot ava'i, ti ta aqueremale, laj alap atuc ti ac'u'e, labat ti bu ta xac'ane. Mi layijube, ta xalich' ti ac'obe, yan o ti buch'u ta xac' alap ti ac'u'e. Ta xic'ot batel ti bu mu xmuyubaj avo'nton yu'une.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

San Juan 3:5

Xi tac'bat yu'un ti Jesuse: —Ta xcalbot ava'i ta melel, mu'yuc buch'u ta x'och batel bu ta xventainvan ti Diose mi mu'yuc voq'uem ta sventa ti vo'e xchi'uc ta sventa ti Ch'ul Espiritue.

San Juan 5:19

Xi laj yal ti Jesuse: —J'ech'el ta xcalboxuc ava'iic, ti vu'un Xnich'onun ti Diose, mu'yuc c'usi stac' jpas ta jtuc no'ox. Ja' no'ox ta jpas ti c'u s'elan ta xquil ta spas ti Jtote. Scotol ti c'usi ta spas ti Jtote, ja' jech ta jpas ti vu'un Xnich'onune.

San Juan 5:27

Laj yac'bun tsots cabtel ta chapanvanej yu'un vu'un ti co'ol j'elantique.

San Juan 6:26

Xi laj yal ti Jesuse: —Ta xcalboxuc ava'iic ta melel, ta xasa'icun yu'un noj lec ach'utic c'alal lave'ique, mu yu'unuc ja' laj ava'iic smelol ti c'usi ch'ayal ta xc'ot o'ntonal yu'un laj cac' iluque.

San Juan 6:32

Xi laj stac' ti Jesuse: —Ta xcalboxuc ava'iic, ma'uc ti Moisés laj yac' ti pan ti liquem talel ta vinajele. Ti bats'i pan ti liquem talel ta vinajele, ja' laj yac' talel ti Jtote.

San Juan 6:47

Bats'i ta xcalboxuc ava'iic, ti buch'u ta xc'ot ta yo'nton ta xch'unelune, oy xcuxlejal sbatel osil.

San Juan 6:53

Xi laj yal ti Jesuse: —Ta xcalboxuc ava'iic ta melel, mi mu xave'ic ti jbec'tal ti vu'un co'ol j'elantique, mi mu xavuch'ic ti jch'ich'ele, mu xata acuxlejalic.

San Juan 8:34

Xi laj stac' ti Jesuse: —Ta melel ta xcalboxuc ava'iic, scotol ti buch'u ta sa' smulique, ja' mosovinbilic yu'un ti mulile.

San Juan 8:51

Ta xcalboxuc ava'iic ta melel, ti buch'u ta xich' ta muc' ti c'usi ta xcale, mi ja'uc ta xcham.

San Juan 8:58

Xi laj stac' ti Jesuse: —Ta xcalboxuc ava'iic ta melel, c'alal mu'yuc to ox voq'uem ti Abrahame, oyun xa ono'ox.

Hechos 10:11

Laj yil ti jam ti vinajele. Jun to muc' ta manta s'elan xlich'et yalel talel ta banomil, ti chucajtic xchanjotal ti sba sni'taque.

Hechos 7:56

Xi laj yal ti Estebane: —A'yio ava'iic, jamal ta xquil sti' ti vinajele, xchi'uc ti Jesús ti co'ol j'elantique, va'al ta sts'el sbats'i c'ob ti Diose.

2 Tesalonicenses 1:7

Ti yacaloxuc ta vocol avi tana li'e, oy bu ta xc'ot sc'ac'alil ta xac' acux avo'ntonic xchi'uc ti vu'uncutique. Taje, ja' to mi sta sc'ac'alil ta xcha'sut talel ti Cajvaltique, xchi'uc ti yaj'ánjeltac ti jelavem xu' yu'unic ti ta xvinaj ta vinajel ti volibil ta leb c'oc' ta xyal talele.

2 Tesalonicenses 1:9

Ti tsitsel ta xich'ic taje, sbatel osil ts'ij xi sc'oplal ta j'ech'el, ta xtenatic loq'uel ta stojol ti Cajvaltique, mi ja'uc ta xilbeic ti smuc'ul stsatsale xchi'uc ti slequilal yutsilale.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

Hebreos 1:14

Yu'un scotol ti ánjeletique, naca ch'ulelal ti ochemic ta yajtuneltac ti Diose, ti tacbilic batel ta scoltael ti buch'utic albil sc'oplalic ta staic ti scolelique.

Judas 1:14

Vinajesbatic ono'ox sc'oplalic ta vo'ne yu'un ti Enoque, ti ja' xa yucubal totil me'il sliquel tal yu'un ti Adane, ti xi laj scaj'albe sc'oplal ti jnaclejetic taje: “Laj quil ti Cajvaltique, ti tal xchi'uc ep ta mil ti yu'untaque.

Apocalipsis 19:11

Laj taj une, jamal ti vinajel laj quile, vinaj jcot saquil ca'. Ti buch'u scajlebinoje, ta x'albat sc'oplal J'ech'el Oy Stuq'uil Yo'nton, yu'un ta stuq'uil slequil yo'nton ta xventainvan xchi'uc ta stuq'uil yutsil yo'nton ta xletovaj.

Apocalipsis 4:1

Laj taj une, laj jtoy sat, laj quil jamal jun ti'na ta vinajele, ti co'ol s'elan yech'omal snuc' corneta ti laj sc'oponun talel ta ba'yel ti xi laj yalbune: “Muyan talel li'e, yu'un ta xcac'bot avil ti c'usi ts'acal to ta xc'ot ta pasele.”