San Juan 1:49 - Bible in Tzotzil de Chamula

⁴⁹ Xi laj yal ti Natanaele: —Jchanubtasvanej, vo'ot xnich'onot ti Dios un cha'e, Ajvalil yu'un ti Israele.

Tzotzil Zinacantan

⁴⁹ ―Jchanubtasvanej, voꞌot Xchꞌamalot ti Rioxe. Voꞌot chapasoticotic ta mantal, voꞌoticotic li jꞌisraeloticotique ―xi ti Natanaele.

LEQUIL ACH' C'OP

⁴⁹ Ti Natanaele ja' yech iyalbe ti Jesuse: —Jchanubtasvanej, ¡Vo'ot xch'amalot ti Rioxe, vo'ot Reyot yu'un li Israele! —Xut.

Bible in Tzotzil de Chenalhó with Deuterocanon

⁴⁹ Li Natanaele jech laj yalbe li Jesuse: —Jchanubtasvanej, vo'ot Xnich'onot li Diose. Vo'ot ti cha'och ta ajvalilal li' ta stojol israeletique —xut.

Tzotzil San Andres

⁴⁹ Itacꞌav li Natanaele: ―Jchanubtasvanej, joꞌot Snichꞌonot li Diose. Joꞌot chaꞌoch ta ajvalilal cuꞌuncutic, joꞌoncutic li jꞌisraeluncutique ―xi.

Tzotzil de Huixtán

⁴⁹ Hech i'albat yu'un ti Natanaele: ―Maestro, ho'ot Snich'onot ti Diose. Ho'ot cha'och ti ajvalil cu'untutic, ho'ontutic ti yelnich'onuntutic ti Israele ―xchi.

San Juan 1:49 Iomraidhean Croise

Salmos 110:1

Ti Diose xi laj yalbe ti Cajvale: “Chotlan ava'i ta xocon jbats'i c'ob un, ja' to ti mi nijil chimil c'ot cu'un ta avoc ta ac'ob ti avajcontrataque.”

Salmos 2:6

“Laj xa jt'uj ma' ti ajvalil buch'u ta sventain cu'un ti Sione, ja' ti ch'ul vitse.”

Isaías 9:7

Ta xchoti ta spasel mantal ti bu choti ti Davide; buyuc no'ox ta xpuc batel sc'oplal ti yich'oj tsots yabtel ta ajvalilale, mu'yuc xlaj sc'oplal ti lamajem ti c'op yu'une. J'ech'el ta xc'ot ta pasel ti tsots yabtel yich'oje; ti yictac yabtel ti bu stsacoj sba lec xchi'uque, ja' ti tuc' ta xchapanvane, ti ta stic' sba ta xchapel ti bu tsots sc'oplal avi tana le'e, jech o sbatel osil. Taje, ta xc'ot ta pasel ta sventa ti mu no'ox albajuc ayanem syail xc'uxul yo'nton ti Dios ti scotol xu' yu'une.

Daniel 9:25

Tsots sc'oplal sc'an xana' xava'ibe smelol ti xi x'ale li'e: Yu'un ti c'alal ta xloc' ti mantal ti ta xlic lecubuque, ti ta xlic yich' cha'meltsanel ti jteclum Jerusalene, ja' ta x'ech' vucub (7) xemuna c'alal mu to bu ta xvul ta loq'uel ti banquilal Buch'u t'ujbile. Ti smocaltaque xchi'uc ti scayealtac ti jteclum Jerusalén ti lec meltsanbile, naca no'ox lajcheb xchanvinic (72) xemuna ti mu'yuc c'usi chopol ta xc'ot ta stojole, ja' yorail xtoc ti mu no'ox albajuc ti vocole.

Oseas 3:5

Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.

Miqueas 5:2

Ti Diose xi ta xale: “Ja'uc ti vo'ote, jteclum Belén Efrata, ti xi avuni muc'ul ti oyot ta yosilal ti Judae, ta x'ayan talel ta atojol ti Ajvalil yu'un ti Israele, ti ta xvul ta loq'uel ta stojol sts'unobal ti vo'ne totil me'ile.”

Sofonías 3:15

Ti Diose laj xa sten loq'uel ti chapal xa ox ac'oplal ta xavich' yu'une, laj xa sjip loq'uel ti avajcontrataque. Ti Dios Ajvalil yu'un ti Israele, oy ta atojol, ti mu xa c'usi jtosucal chopol ta xaxi' yu'une.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

San Mateo 14:33

Va'i un, ti buch'u oyic ta barcoe lic squejan sbaic ta stojol ti Jesuse, ti xi laj yalbeique: —Ta melel vo'ot Xnich'onot ti Diose.

San Mateo 2:2

Xi lic sjac'beique: —¿Bu oy ti ajvalil yu'un ti judíoetic ti voq'uem xae? yu'un laj quilcutic sc'analil, tal quich'cutic ta muc'.

San Mateo 21:5

Albeic ya'i ti buch'u nacalic ta jteclum Sione: “Q'uel avilic, ti Ajvalil avu'unique li' ta xtal ta atojolique. Mu'yuc stoyobbail. Cajal talel ta burro, yol jun me' burro jcuch-icatsil.”

San Mateo 23:7

Ta sc'anic ti nupbilic ich'bilic ta muc' yu'un ti jnaclejetique xchi'uc ta calleetic ti albatuc jchanubtasvanejetique.

San Mateo 23:8

“Ti vo'oxuque ma'ucuc oy ta avo'ntonic ti ta xa'albatic jchanubtasvaneje, yu'un co'ol no'ox achi'il abaic. Yu'un jun no'ox ti jchanubtasvanej avu'unique, ja' ti Cristoe.

San Mateo 27:11

Ti Jesuse ic'bil batel ta stojol ti ajvalile, ti xi laj sjac'bee: —¿Mi vo'ot ti ajvalil yu'un ti israeletique? Xi laj stac' ti Jesuse: —Vu'un, jech c'u cha'al ta xavale.

San Mateo 27:42

—Laj scoltaan ti yane, ti stuque mu'yuc c'usi xut scolta sba. Mi ja' ajvalil yu'un ti israeletique, yaluc talel ta curus yo' ta jch'untic ti c'u s'elan laj yale.

San Mateo 4:3

Ti pucuje nopaj batel ta stojol ti Jesuse yo' ta slajeltsa ti xi laj yalbee: —Mi melel Xnich'onot ti Diose, paso ta mantal ti tonetic li'e ti joybijuc ta pan avu'une.

Marcos 15:32

Mi melel ja' ti Cristoe, Ajvalil yu'un ti Israele, mi ta xquiltic ta syales sba ta curuse, ta jch'untic unbi. Ja' jech ta xna'levanic ec ti cha'vo' jipilic ta curus xchi'uque.

San Lucas 1:35

Xi tac'av ti anjele: —Ta xtal ta atojol ti Ch'ul Espiritue. Ta svoliot ta smuc'ul stsatsal ti Dios oy ta vinajele. Jech o xal ti ch'ul olol ta xvoc' ta atojole, ta x'albat sc'oplal ja' Xnich'on ti Diose.

San Lucas 19:38

Xi ta xalique: —Jun yutsil ti Ajvalil tacbil talel ta sventa ti Diose. Lamaj xa ti c'op ta vinajele. Oy xa muyubajel lequilal ta toyol.

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 1:34

Laj xa quil un, rexticoun ta j'ech'el ti ja' Xnich'on ti Diose.

San Juan 1:38

Ti Jesuse joybij laj sq'uel ti spate, laj yil ti ta sts'acliat batele. Xi laj sjaq'ue: —¿C'usi ta xasa'ic? —Jchanubtasvanej, ¿bu nacalot? —xi laj sjaq'uic ti cha'vo'ique.

San Juan 1:50

Xi laj yal ti Jesuse: —¿Mi ach'unoj c'ot ti laj calbot ava'i ti laj quilot ta yolon icuxe? ¡Yepal ta xavil liquel ti oy c'usitic muc' ti ta xc'ot ta pasele!

San Juan 18:37

Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

San Juan 4:31

C'alal jech ta xc'ot ta pasel taje, xi c'anbat vocol yu'un ti yajchanc'optaque: —Jchanubtasvanej, ve'an jutebuc.