San Juan 1:41 - Bible in Tzotzil de Chamula

⁴¹ Ti Andrese bat sa' ta anil ti xchi'il ta voq'uel ti Simón sbie, ti xi laj yalbee: —Laj xa jtacutic Buch'u ti Mesiase (Cristo, xi smelol ti Mesiase).

Tzotzil Zinacantan

⁴¹ Ora ba yalbe ti ijtaticotic xa li muchꞌu stꞌujoj Riox ti chispasotic ta mantale.

LEQUIL ACH' C'OP

⁴¹ Li Andrese, ja' ba'yi ba yalbe li sbanquile, ja' li Simone, ja' yech iyalbe chac li'i: —Ijtaticotic xa li much'u tacbiltal yu'un ti Rioxe, (ja' ti Cristoe) —xut.

Bible in Tzotzil de Chenalhó with Deuterocanon

⁴¹ Ja' ba'yuc la sta ta c'opanel li sbanquile, ja' li Simone. Jech laj yalbe: —Laj xa jtacutic li Cristoe —xut.

Tzotzil San Andres

⁴¹ Li Andrese ba scꞌopon ta ora li sbanquile, jaꞌ li Simone. Xi cꞌot yalbe: ―Ijtacutic xa li buchꞌu tꞌujbil yuꞌun Dios ti chisventainutique ―xut.

Tzotzil de Huixtán

⁴¹ Ti ora ba sta ti sbanquile, ja' ti Simone. C'ot yalbe: ―Jtaojtutic xa ti Mesíase ―xchi. (Ja' Mesías co'ol sjam xchi'uc Cristo, ja' ti ac'bil yabtel yu'un ti Diose ti chijcol yu'une.)

San Juan 1:41 Iomraidhean Croise

2 Reyes 7:9

Ja'uc le' une, xi lic yalanbe sbaique: —Mu lecuc ma' ti c'usi ta jpastique. Ti jechuque, ti c'ac'al avi tana li'e, ja' yorail ta yalel ti c'usi lec c'ot ta pasele. Le'e, li' no'ox ts'ijilotique. Ti mi ja' to ta jmalatic ti oc'ome, ta xijtabat jmul jcolo'tic. Ta lec no'ox ba caltic a'yej ta sna ti ajvalile.

Salmos 2:2

Ti banquilal ajvaliletique xchi'uc ti its'inal ajvaliletic ti sbainojic ta sventainel ti jnaclejetique, jun xa sjolic lic scontrainic ti Diose, xchi'uc ti t'ujbil ajvalil yu'une.

Salmos 45:7

Oy ono'ox ta avo'nton ti c'usi leque, acontrainoj ti c'usi chopole. Jech o xal laj st'ujot ti Diose, ti Dios avu'une, yepal no'ox laj yac'bot ti smuyubajel avo'ntone, ja' mu sta ac'bat ti achi'iltaque.

Salmos 89:20

Laj jta ta sa'el ti cajtunel Davide. Laj xa cocanbe jtunel aceite ta sjol ti laj snup yabtel ta ajvalil cu'une.

Isaías 11:2

Mu xch'ac sba ti xcuxlejal Dios ta stojole. Ta x'ac'bat sbijil, snopbenal, spajesel sba, yipal yu'un, ta yojtiquinel ti c'usi leque, ta xi'tael ti Diose.

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

San Mateo 1:23

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

San Lucas 2:17

C'alal laj yilique, lic xchapeic ya'i c'u s'elan albatic yu'un ánjel sc'oplal ti nene' olole.

San Lucas 2:38

Ja' o c'ot ti Anae, laj yalbe coliyal ti Diose, xchi'uc ta xalbe sc'oplal ti nene' Jesús ta stojol scotol ti buch'utic ta smalaic spojel scolelic ti oy ta Jerusalene.

San Juan 1:45

Xi laj yal ti Felipe c'alal bat sa' ti Natanaele: —Laj xa quilcutic ma' ti Buch'u ts'ibabil sc'oplal ta jpoc svunal ti oy c'usi tsots sc'oplal albil yu'un ti Moisese, xchi'uc ti ts'ibabil yu'un ti j'alc'opetique, ja' ti Jesuse, xnich'on ti José ti nacal ta jteclum Nazarete.

San Juan 4:25

Xi laj stac' ti antse: —Ca'binoj sc'oplal ta xtal ti Mesiase, ti xcaltique, ja' ti Cristoe. C'alal mi tale, xtal svinajesbuncutic scotol ti c'usi mu jna'cutique.

Hechos 10:38

Xana'ic lec xtoc, ti Diose laj yac'be yich' smuc'ul stsatsal xchi'uc Ch'ul Espíritu ti Jesús ti liquem talel ta Nazarete yo' xu' yu'un ta spasel ti c'usi leque, ta scolesanel ti buch'utic ta x'ilbajinatic yu'un ti pucuje. Jech laj spas, yu'un chi'inbil coltabil yu'un ti Diose.

Hechos 4:27

“Yu'un ti Herodese xchi'uc ti Poncio Pilatoe j'ech'el laj stsob sbaic li' ta Jerusalene xchi'uc ti jyanlumetique, xchi'uc ti jchi'ilcutique ta scontrainel ti Ach'ul Nich'on Jesuse, ti laj ava'an ta Jcoltavaneje.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.