San Juan 1:18 - Bible in Tzotzil de Chamula

¹⁸ Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

Tzotzil Zinacantan

¹⁸ Mi jun muc muchꞌu yiloj ti Rioxe. Ti Rioxe yo junuc o ti Xchꞌamale, scꞌanoj tajmec. Ti Riox Chꞌamalile jaꞌ iyacꞌ iluc cꞌu xꞌelan ti Stote.

LEQUIL ACH' C'OP

¹⁸ Mi jun muc' much'u yiloj ti Rioxe, ja' no'ox li junjun xch'amale, ti ja' Rioxe, ti jun xchi'uc ti Stote, ja' ti much'u iyac' xa cojtiquintique.

Bible in Tzotzil de Chenalhó with Deuterocanon

¹⁸ Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

Tzotzil San Andres

¹⁸ Mu junuc buchꞌu yiloj li Diose. Li Diose cꞌajomal jun Snichꞌon, pero coꞌol yoꞌonic. Li Dios Nichꞌonile jaꞌ laj yacꞌ ta ilel ti cꞌu sba li Stote.

Tzotzil de Huixtán

¹⁸ Mi junuc mu'yuc much'u sq'uelojbe sat ti Diose. Ti Snich'on ti Diose, jun no'ox snich'on oy, ja' ti lum c'uxubimbil yu'un ti Jtotic Diose, ja' laj xa yac'bucutic cojtiquintic c'u x'elan ti Diose.

San Juan 1:18 Iomraidhean Croise

Génesis 16:13

Va'i un, xi laj snop ti Agare: “Ti Diose laj yilun laj sq'uelun, li' to cuxulun xtoque.” Ti Buch'u ilo'ilaj xchi'uque, laj yac'be sbiin “Ja' xa ti Dios yiloj sq'ueloj scotole”, xi.

Génesis 18:33

C'alal laj yo'nton ti Dios ta sc'oponel ti Abraham ti bu oye, bat. Jech ti Abrahame sut batel ta yaxibalna.

Éxodo 23:21

Mu xach'ac aba ta stojol. Ch'uno ti bu ta xic'ot batele. Mu xatoy aba ta stojol, yu'un ti ánjel taje yich'oj yabtel cu'un, mi ja'uc xataic ti ch'an no'ox xayutic yu'un ti amulique.

Éxodo 24:10

Ti bu taje, xi s'elan laj yilic ti Dios yu'un ti Israele: Ti ta yoc ti bu oye, ta xac' xojobal jech c'u cha'al ti yax'elan baxtone, ti ja' xa ti yaxts'ijan vinajel stuc yilele.

Proverbios 8:30

j'ech'el jun co'nton nabalun ta sts'el. Staoj ma' ti xmuyubaj yo'nton cu'une, ti xibitet no'ox ta tajimol ta stojole,

Isaías 40:11

Yu'un co'ol s'elan jech c'u cha'al junuc jq'uel-chij ta xvul ta loq'uel ta xchabiel ti xchije. Ta spet ech'el ti mimi'etique, ta snaban ech'el ta sti' yo'nton. Ta stuc'ulan lec ti me' chijetic ti naca to no'ox voc' yolique.

Lamentaciones 2:12

Xi ta xalbe sme'ic ti ololetique: “Ch'abal xa jve'eltic xchi'uc ti c'usi ta xcuch'tique.” Chamem xa ta xyalic ta lum ta bebetic yu'un ti jteclume. Sjic' ch'a yo'nton ta xloc' ti xch'ulel jopbil yu'un ti sme'ique.

Números 12:8

Yu'un ti stuque, quilojbe jba jsatcutic ti c'alal ta jc'opone. Jamal que jti'cutic. Ta xil ti jba jsate, ¿c'u cha'al ya'yel un cha'e ti chopol ta xac'opojic ta stojole?”

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Lucas 10:22

“Scotol ti c'usitic oye, laj yac'bun ta coc ta jc'ob ti Jtote. Mu'yuc buch'u sna' buch'u ti Nich'onile, ja' no'ox sna' stuc ti Totile. Mu'yuc buch'u sna' ti Totile, ja' no'ox sna' stuc ti Nich'onile, ti c'otem ta sventa buch'u sc'an ta xac'be sna' ti Totile.”

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 12:41

Jech laj yal ti Isaías taje, yu'un laj yilbe slequilal yutsilal ti Jesuse, xchi'uc ta yalbel ti sc'oplale.

San Juan 13:23

Oy jun ta scotolic ti mu tuch'baj ta o'ntonal yu'un ti Jesuse, ti nabal ta sts'el c'alal ta xve'ique.

San Juan 14:9

Xi laj stac' ti Jesuse: —Felipe, jal xa li' oyun ta atojolique, ¿mi mu to xavojtiquinicun? Ti buch'u laj xa yilicune, laj xa yilic ti Jtote. ¿C'u cha'al un, ta xac'an ta xcac'bot avojtiquin ti Jtote?

San Juan 17:26

Laj xa cac'be sna'ic Buch'uot. Staoj yav jech ta jpasolan ta yac'bel sna'ic yo' jech oy ta stojolic ti syail xc'uxul avo'nton ti laj avac'bune yo' jech oyun ta stojolic.”

San Juan 17:6

“Ti buch'utic laj at'uj loq'uel li' ta banomil ti laj avac'bune, laj xa cac'be sna'ic Buch'uot ta melel. Ti buch'utic laj avac'bune, ja' ono'ox avu'un, xchi'uc c'ot xa ta yo'ntonic ti ac'ope.

San Juan 3:11

Ta xcalbot ava'i ta melel, ja' ta xcalbecutic sc'oplal ti c'usi jna'cutique, ti c'usi quilojcutique. Ja'uc ti vo'oxuque, mu xac'an xach'unic ti c'usi ta xcalcutique.

San Juan 6:46

“Mu yu'unuc oy buch'u yiloj ti Jtote. Ja' no'ox yiloj ti Buch'u liquem talel ta stojol ti Diose.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

Deuteronomio 4:12

Va'i ti Dios une laj sc'oponoxuc talel ta o'lol sleb ti c'oq'ue. Laj ava'ibeic ti sc'opojele. Ti jech laj ava'ibeic ti sc'opojele, mu'yuc xavilic ti oy buch'u va'ale.

Colosenses 1:15

Ti mu xvinaj ta q'uelel ti Diose, tal yac' sba iluc ta sventa ti Xnich'one. Yu'un ti Xnich'one, oy xa ono'ox c'alal lic meltsajuc talel scotol ti c'usitic oye.

1 Timoteo 1:17

Sbateluc osil ich'biluc ta muc', albiluc slequilal yutsilal ti Ajvalile, ti jelavem sbijile, ti mu xvinaj ta q'uelele, ti laj to c'op sna' xcham xlaje, ti c'ajomal Dios stuque. Jechuc.

1 Timoteo 6:16

Yu'un stalel o ti jech stalel o cuxule, ti xojobin no'ox ti bu oye, ti mu'yuc buch'u xu' ta xnopaj ech'el ti bu oye. Mi ja'uc jun vinic yiloj ti Diose, mi ja'uc xu' sq'uel xtoc. Yu'un sbatel osil c'otem ta sventa ti ich'biluc ta muc' xchi'uc ti smuc'ul stsatsale. Jechuc.

Josué 5:13

Ta nopol Jericó, oy jun c'ac'al ti Josuee laj yil jun vinic ti stsacoj jun yespadae. Nopaj batel ti Josuee, ti xi laj sjac'bee: —¿Mi jchi'ilotcutic, mi ja' junuc cajcontraotcutic?

1 Juan 4:12

Mi junuc oy buch'u yiloj ma' ti Diose. Mi c'ux ta xca'i jbatic ta jujun tale, oy ti Dios ta jtojoltique, ta xvinaj ta jtojoltic ma' ti syail xc'uxul yo'ntone.

1 Juan 4:20

Mi oy buch'u ta xal: “Ti vu'une c'ux ta xca'i ti Diose”, mi xti'et sjol ta stojol yan xchi'iltaque, ja' jun jutc'op. Yu'un mi mu'yuc c'ux ta xa'i ti xchi'il ti ta xil ta sate, mi ja' xa la c'ux ta xa'i ti Dios ti mu xil ta sate.

1 Juan 4:9

Yu'un ti Diose laj yac' ta ilel ti syail xc'uxul yo'nton ta jtojoltique, ti laj stac talel li' ta banomil ti c'ajomal yo jun ti Xnich'one, yo' jech ta jtatic jcuxlejaltic ta sventa.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.