San Juan 1:17 - Bible in Tzotzil de Chamula

¹⁷ Ti oy c'usi tsots albil sc'oplale vul ta jtojoltic ta sventa ti Moisese. Ja'uc ti c'uxubinele xchi'uc ti c'usi ja' melele, c'ot ta pasel ta sventa ti Jesucristoe.

Tzotzil Zinacantan

¹⁷ Ti Moisese iyal comel li smantaltac Rioxe pero ti ital ti Jesucristoe, jaꞌ ivinaj o ti scꞌanojotic tajmec ti Rioxe.

LEQUIL ACH' C'OP

¹⁷ Li smantaltac Rioxe, ja' li yac'botic ti Moisese, pero li c'uxubinele xchiuc li c'usi melele, ja' xa ic'ot ta pasel ta scuenta ti Jesucristoe.

Bible in Tzotzil de Chenalhó with Deuterocanon

¹⁷ Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

Tzotzil San Andres

¹⁷ Ta sventa li Moisese laj caꞌitic li smantaltac li Diose, pero muc bu xchꞌun cuꞌuntic. Ta sventa li Jesucristoe lec xa chijyilutic li Diose yuꞌun la schꞌaybutic o ta jꞌechꞌel li jmultique.

Tzotzil de Huixtán

¹⁷ Ho'ontutic ti judiountutique ti sventa ti antiguo jtatamoltutic Moisese laj ca'ibetutic ti smantal ti Diose. Ti sventa ti Jesucristoe laj quiltutic ti oy yutsil yo'nton ti Diose cu'untic jcotoltic. Ja' ti sventa ti Jesucristoe ti hech laj ca'itutic ti sc'op Diose ti ja' melele.

San Juan 1:17 Iomraidhean Croise

Génesis 22:18

Yu'un scotol ti muc'tiquil lumetic oy ta banomile, ta staic xc'uxubinelic ta sventa ti stuquique. Yu'un ti vo'ote laj ach'un ti c'usi laj calbote.”

Génesis 3:15

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

Salmos 85:10

Yu'un co'ol yabtelic ma' ti melele xchi'uc ti syail xc'uxulile; ti tuq'uilale, xchi'uc ti lamajem jol o'ntonale, co'ol yabtelic.

Salmos 98:3

Yu'un ti syail xc'uxul yo'ntone, ti jun sjol yo'nton ta stojol ti steclumal Israele, mu'yuc xch'ay o. Ta jujuti' bu xa oy ti banomile, laj xa yilic ta sba ta satic ti c'otem ta jtsalvanej ti Dios cu'untique.

Miqueas 7:20

Staojuc me yav ac'o ta q'uelel ti yutsil slequil avo'ntone, ti syail xc'uxul avo'nton ti laj aval ta vo'ne ta stojol ti jmolmuc'totcutic Abrahame xchi'uc ti Jacobe.

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

San Juan 18:37

Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

San Juan 5:45

Ma'uc tac'al xc'ot avu'unic ti vu'un ta jtic' amulic ta stojol ti Jtote. Ti buch'u ta stic' amulique ja' ti Moisese, ti buch'u apatoj avo'ntonic ta stojole.

San Juan 7:19

“¿Mi mu ja'uc Moisés laj yac'boxuc ti oy c'usi tsots albil sc'oplale? Manchuc mi avich'ojic un, mu'yuc buch'u junucal spas avu'unic ma' taje, yu'un ta xac'an xamilicun ava'iic.”

San Juan 8:32

Ta xlic avojtiquinic ti bu ja' melele, xchi'uc ta xaspojoxuc loq'uel ta mosovil ti melele.

San Juan 9:29

Yu'un jna'ojcutic ic'oponat yu'un Dios ti Moisese. Ja'uc ti vinic taje, mi ja'uc jna'cutic bu liquem talel.

Hechos 28:23

Laj xchapic xtoc sc'ac'alil c'usi ora ta stsob sbaic. Yepal no'ox c'otic bu xch'amunoj na ti Pabloe. Yich'oj sjunul c'ac'al laj yalbe ya'i sc'oplal ti ventainel yu'un ti Diose, xchi'uc ti c'otuc ta yo'ntonic sc'oplal ti Jesuse ta sventa ti mantal ti jbel tsots albil sc'oplal laj ts'iba comel ti Moisese xchi'uc ti c'u s'elan laj sts'ibabeic comel ti j'alc'opetique.

Hechos 7:38

Ja' ono'ox ti Moisés taje laj svol ti jchi'iltic ta xocol banomile, ti c'opanat talel yu'un ti ánjel ta jol vits Sinaie, ti buch'u ac'bat sbain ta yalel ti c'op sventa cuxlejale, ti laj yet'esbotic talel ec une.

Romanos 6:14

Laj to sc'oplal un ti oy yip ti mulil ta atojolique, yu'un ma'uc xa oyoxuc ta yoc ta sc'ob ti oy c'usi tsots albil sc'oplale. Yu'un oyoxuc xa ta slequilal yutsilal yo'nton ti Diose.

2 Corintios 1:20

Scotol c'usi yaloj ti Dios ta xiyac'botique, sventainoj c'ot ti Jesuse. Jech o xal un, ta sventa Cristo, “jechuc”, xijchi ta stojol Dios c'alal ta jc'opontique, jech ich'bil ta muc' ta xc'ot ti Diose.

Gálatas 3:17

Ti c'usi ta jc'an xcale, xi s'elane: Ti Diose stuc laj sva'an sba ta rextico ti laj spasic jun trate xchi'uc ti Abrahame. Ti ta chanibal ciento xchi'uc lajuneb xcha'vinic (430) jabil c'alal ja' o vul ta loq'uel ti oy c'usi tsots sc'oplal albil yu'un ti Moisese, mu ja'uc tal ta xch'aybe sc'oplal ti c'usi ba'yel yaloj ti Diose.

Deuteronomio 33:4

Ti jvoc'otic snitilulotic ti Jacobe, jun yutsil ti jrextotic laj jtatique, yu'un laj yac'botic ti Moisés ti jbel ti c'usi albil sc'oplale.

Deuteronomio 4:44

Ti li'e, ja' ti chanubtasel ti laj yich'ic albel ti israeletic yu'un ti Moisese.

Deuteronomio 5:1

Ti Moisese xi laj yal ti c'alal laj stsob talel scotol ti lum israeletique: “A'yio ava'iic, israeletic, ti jbel ti c'usitic albile, ti c'usitic nopbil ta xcalboxuc ava'iic li'e. Tojobanic ta snopel ta yabtelanel.

Hebreos 9:22

Ta sventa ti mantale, ta xal ti jutuc mu scotoluc ta xich' poquel ta ch'ich'. Mi mu'yuc ta xich' malel ti ch'ich'e, mu'yuc ta xich' tael ti ch'aybil ta xc'ot ti mulile.