San Juan 1:14 - Bible in Tzotzil de Chamula

¹⁴ Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

Tzotzil Zinacantan

¹⁴ Ti Muchꞌu iꞌaye iꞌayan chac cꞌu chaꞌal voꞌotic. Lixchiꞌinoticotic ta naclej, voꞌoticotic li juriooticotique. Iquilticotic ti toj lec yoꞌone yuꞌun jaꞌ ti junjun Xchꞌamal ti Rioxe. Jaꞌ iyacꞌ quilticotic ti scꞌanojotic tajmec ti Rioxe.

LEQUIL ACH' C'OP

¹⁴ Li c'ope iyich' sbectal, i'ayan chac c'u cha'al vo'otic, li xchi'inotic ta naclej. Iquilbetic li slequilal syu'elal ac'bil yu'un ti Stote, ja' ti jujun xch'amale, ti toj lec sna' xc'anvane, ti ja' melele.

Bible in Tzotzil de Chenalhó with Deuterocanon

¹⁴ Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

Tzotzil San Andres

¹⁴ Li Jesucristoe toj lec yoꞌon yuꞌun jaꞌ Snichꞌon li Jtotic Diose. Cꞌajomal jun Snichꞌon. A pasuc ta crixchano jech chac cꞌu chaꞌal li joꞌotique. La schiꞌinuncutic ta naclej, joꞌoncutic li jꞌisraeluncutique. Iquilcutic ti toj lec yoꞌone yuꞌun lec la scꞌuxubinuncutic, schiꞌuc melel scotol li cꞌustic laj yalbuncutique.

Tzotzil de Huixtán

¹⁴ Ti much'u tal yalbucutic c'u x'elan yo'nton ti Jtotic Diose laj yich' sbec'tal. Tal xchi'inuntutic, ho'ontutic ti yelnich'onuntutic ti Israele. Ja' ti Jesucristoe. Laj jq'ueltutic ti jelaven sp'ijile. Ja' jelaven sp'ijil yu'un ja' Snich'on ti Jtotic Diose. Jun no'ox Snich'on oy ti Jtotic Diose. Nojem ti yo'nton ti yutsil yo'ntone. Nojem ti yo'nton ti toj chc'opoje.

San Juan 1:14 Iomraidhean Croise

Salmos 2:7

Ta jcaj'al ti xi s'elan snopoj ti Diose: ti xi laj yalbune: “Tana li'e, lanab cu'un ta ch'util, lac'ot ta jnich'on.

Salmos 45:2

Ta scotol ti viniquetique, atuc no'ox ti ac'otebal c'upil aba ta j'ech'ele. C'otel ta o'ntonal yutsil ti c'usitic ta xloc' ta ave ta ati'e. Jech o xal j'ech'el laj sva'an sba ti Dios ta atojolale.

Salmos 85:9

Ti Diose melel nopol oy yo' ta stic' sba ta spojel ti buch'utic ta xi'taique, li' vulem ta jlumal cosilaltic ti yutsilal slequilal une.

Isaías 40:5

Va'i un, ta xlic yac' ta ilel yutsilal slequilal ti Diose, scotol ta xilic. Yu'un ja' laj yal stuc ti Diose.”

Isaías 53:2

Yu'un ti Diose oy ox ta yo'nton ch'i c'opojuc ti yajtunel jech c'u cha'al ti jch'iel te'e, ti sts'unuc yalel yibel ta taquin banomile. Mu'yuc, mi ja'uc xtixetel yutsilal. Xitic no'ox ta q'uelel ti sat yelove.

Isaías 7:14

Avi tana li'e, xi s'elan ta xlic yac'boxuc avilic senyail stuc ti Diose: Xchi'inoj xa yol ti jun tsebe, ti ta xilbe sat ti yol ti Emanuel ta xac'be ti sbie.

Ezequiel 37:27

Ta xinaqui ta stojolic. Ta xic'ot ta Dios yu'unic. Ta xc'otic ta calab jnich'nab ec un.

San Mateo 1:16

Xnich'on ti Jacobe, José, smalal ti Mariae, sme' ti Jesús ti ja' Cristoe.

San Lucas 2:11

Avi tana li'e, voc' xa jun Jcoltavanej avu'unic ta steclumal David, ja' ti Ajvalil Cristoe.

San Lucas 2:7

Ti bu taje, voc' ti sba yole. Laj svol ta uni poc', laj xpuch'an ta yav sve'eb vacax, ja' ti mu'yuc xocol laj staic ta ch'amunel ti nae.

San Lucas 9:32

Manchuc mi ta xvay ya'iic ti Pedroe xchi'uc ti xchi'iltaque, vic' to ti satique, ti laj yilic yutsilal slequilal ti Jesuse xchi'uc ti cha'vo' viniquetic xchi'inojane.

San Juan 1:1

C'alal lic meltsajuc talel scotol ti c'usitic oye, oy xa ono'ox ti Jesucristoe, ja' ti Buch'u ta xac' ta na'el stalel ti Diose. Ti stuque xchi'uc ono'ox sbaic xchi'uc ti Diose, yu'un ja' ono'ox Dios ti stuque.

San Juan 11:40

Xi laj yal ti Jesuse: —Mi ta xc'ot ta avo'ntone, ta xavilbe yutsilal slequilal Dios, ¿mi mu xacutot?

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

San Juan 14:9

Xi laj stac' ti Jesuse: —Felipe, jal xa li' oyun ta atojolique, ¿mi mu to xavojtiquinicun? Ti buch'u laj xa yilicune, laj xa yilic ti Jtote. ¿C'u cha'al un, ta xac'an ta xcac'bot avojtiquin ti Jtote?

San Juan 17:22

Laj xa cac'be yich'ic ti jlequilal ti laj avac'bune yo' jech jun sjol yo'ntonic jech chac c'u cha'al ti vo'otique.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

San Juan 18:37

Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

San Juan 2:11

Ja' sliquebal to ti va'i s'elan laj spas ti Jesús ta jteclum Caná ti oy ta Galileae, ti laj yac' iluc senyail ti oy c'usi ch'ayal c'ot o'ntonal yu'un ta sventa ti slequil yutsilale, ti ich'bil ta muc' ic'ot yu'un ti yajchanc'optaque.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

San Juan 3:18

“Ti buch'u ta xc'ot ta yo'nton ti ja' Jpojvanej yu'un ti Xnich'on Diose, mu x'ac'bat stoj ti smule. Ja'uc ti buch'u mu xc'ot ta yo'nton ti ja Jpojvanej yu'une, chapal xa sc'oplal ta stoj ti smule, ta scoj ti mu xc'ot ta yo'nton ti yo junomal Xnich'on ti Diose.

San Juan 6:51

Vu'unun ti cuxul pan liquem talel ta vinajele. Ti buch'u ta sve' ti pan taje, ta xcuxi o sbatel osil. Ti pan ti vu'un ta xcaq'ue, ja' ti jbec'tal jtacopale. Ta xcac' ta c'abal yo' jech ta sta xcuxlejal scotol ti jnaclejetic ta banomile.”

San Juan 8:32

Ta xlic avojtiquinic ti bu ja' melele, xchi'uc ta xaspojoxuc loq'uel ta mosovil ti melele.

Hechos 13:33

Ti vo'otic snitilulotic ti jmolmuc'totique, c'ot ta pasel yu'un ta jtojoltic. Yu'un laj xa xcha'cuxes ti Jesuse jech c'u cha'al ti xi s'elan ts'ibabil ta xchibal Salmoe: ‘Vo'ot ti Jnich'onote, yu'un ti c'ac'al avi tana li'e, laj xa cac'bot acuxlejal.’

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

Romanos 9:5

Taje, ja'ic snitilultac ti jmolmuc'totic ta vo'nee. Ti ta sts'unubalique, ayan talel ti Cristo ti laj yich' sbec'tale, ti ja' Dios yu'un scotol ti c'usi oye. Ich'biluc ta muc' sbatel osil. Jechuc.

1 Corintios 15:47

Ti sba vinique pasbil ta lum ta banomil no'ox. Yan ti xchibal vinique liquem tal ta vinajel.

2 Corintios 12:9

Ja'uc ti Cajvaltique xi laj yalbune: “Ja' jelavem tsots sc'oplal ta xtun avu'un ti syail xc'uxul co'ntone, yu'un ta xvinaj ti jmuc'ul jtsatsal ta stojol ti buch'u mu'yuc yipal yu'une.” Jech o xal un, ximuyubaj xa ti mu'yuc yipal cu'une yo' jech ta xvinaj smuc'ul stsatsal ti Cristo ta jtojole.

Gálatas 4:4

Ja'uc ti c'alal laj sta ti yoraile, ti Diose laj stac talel ti Xnich'one, voc' talel ta stojol jun ants, bats'i israel vul, ventainbil c'ot ta xch'unel ti oy c'usi tsots sc'oplal albil yu'un ti Moisese,

Efesios 3:8

Ta scotol ti buch'u c'otemic ta yu'untac ti Diose, ja' slajeb xa peq'uel ti jc'oplale. Ja'uc ti Diose laj yac'bun cabtel ta yalel ti lequil ach' c'op ta stojol ti jyanlumetique yo' jech ta xcalbe ya'iic sc'oplal ti Cristo ti mu no'ox albajuc yutsilal ti sc'ulejale.

Colosenses 1:19

Scotol stalel yutsil ti Diose, loc' ayan ta yo'nton stuc ti yich'ojuc c'ot ti Cristoe,

Colosenses 2:3

Yu'un ja' no'ox ta sventa Cristo ti ta jtatic ta yojtiquinel sbijil snopbenal ti Diose.

Colosenses 2:9

Yu'un scotol stalel ti Diose oy ta stojol ti Cristoe.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

Hebreos 1:3

Yu'un xojobin no'ox yutsilal slequilal ti Dios ta stojole, yu'un ja' stalel stuc Dios oy ta stojol. Ja' jech xtoc ta sventa smuc'ul stsatsal ti sc'ope, sbainoj scotol ti c'usitic oy x'ayane. C'alal laj stub ti jmultique, bat chotluc ta stuq'uil xocon sbats'i c'ob ti Diose.

Hebreos 1:5

Yu'un ti Diose mi ja'uc oy bu xi laj yalbe junuc ti ánjeletique: “Vo'ot Jnich'onot, cac'ojbot acuxlejal avi tana li'e.” Mi ja'uc oy bu xi laj yalbe junuc ti ánjeletique: “Vu'un lic'ot ta Totil avu'un, lac'ot ta Jnich'on ec.”

Hebreos 10:5

Jech o xal ti c'alal ta xtal ta banomil ti Cristoe, xi laj yalbe ti Diose: “Mu xac'an ti matanale, mi ja'uc ti chon bolometic ti ta xich' chiq'uele, yu'un laj avac'bun quich' jbec'tal jtacopal.

Hebreos 2:11

Yu'un ti buch'utic mesbil tusbilique, xchi'uc ti Jmesvanej Jtusvanej yu'unique, jun ti Totil yu'unique. Jech o xal Xnich'on ti Diose mu xq'uexav ti c'alal ta sbisotic ta xchi'il ta voq'uele.

Hebreos 5:5

Ja' jech c'ot ta stojol ti Cristoe. Mu yu'unuc laj spas sba ta mantal stuc ti jech och ta Banquilal Palee, iq'ue t'uje yu'un ti Diose, ti ac'bat yich' ti yabtele jech c'u cha'al ti xi albat yu'un ti Stote: “Vo'ot Jnich'onot, yu'un laj cac'bot acuxlejal avi tana li'e.”

1 Juan 4:14

Vu'uncutic quilojcutic, xchi'uc jamal ta xcalcutic sc'oplal ti Jtotic Diose, ti laj stac talel ti Xnich'one yo' jech tal spoj scolta ti jnaclejetic ta banomile.

1 Juan 4:9

Yu'un ti Diose laj yac' ta ilel ti syail xc'uxul yo'nton ta jtojoltique, ti laj stac talel li' ta banomil ti c'ajomal yo jun ti Xnich'one, yo' jech ta jtatic jcuxlejaltic ta sventa.

2 Juan 1:7

Yepal no'ox jlo'lavanejetic ta xanavic ta banomil ti mu xalic ti tal yich' sbec'tal ti Cristo jech c'u cha'al junuc vinique. Ti buch'u jech yo'ntonic taje, ja' jlo'lavanej, yajcontra ti Cristoe.

Apocalipsis 19:13

Cheq'uel ta ch'ich' ti sc'u' slapoje, ti xi ma' ti sbie: ja' Sc'op ti Diose.

Apocalipsis 21:3

Laj ca'i oy buch'u tsots x'avet ta xlic talel ta vinajel ti xi ta xale: “Q'uelo avil li'e, ja' xa ti bu ti Dios ta xchi'in ti jnaclejetique. Ti stuque ta xchi'in ta naclej ti jnaclejetic ti ja' steclumale. Ti stuquique c'otic xa ta yalab xnich'nab ti Diose, xchi'uc ja' xa c'ot ta Dios yu'unic.