San Juan 1:1 - Bible in Tzotzil de Chamula

¹ C'alal lic meltsajuc talel scotol ti c'usitic oye, oy xa ono'ox ti Jesucristoe, ja' ti Buch'u ta xac' ta na'el stalel ti Diose. Ti stuque xchi'uc ono'ox sbaic xchi'uc ti Diose, yu'un ja' ono'ox Dios ti stuque.

Tzotzil Zinacantan

¹ Ti cꞌalal chꞌabal toꞌox li vinajel balamile, tey onox ti Muchꞌu ay yalbotic cꞌu xꞌelan yoꞌon ti Rioxe. Yuꞌun tey onox xchiꞌuc ti Rioxe. Ti Muchꞌu iꞌaye jaꞌ onox ti Rioxe.

LEQUIL ACH' C'OP

¹ Ta sliquebale, tey xa onox li c'ope; li c'ope tey onox xchiuc ti Rioxe. Yu'un ja' onox ti Rioxe.

Bible in Tzotzil de Chenalhó with Deuterocanon

¹ Ta sliquebal banamile, te ono'ox oy o li C'ope. Li C'ope te xchi'inoj sbaic xchi'uc li Diose. Ja' ono'ox Dios stuc.

Tzotzil San Andres

¹ Cꞌalal muꞌyuc toꞌox vinajel balumile, te onoꞌox oy li Jesucristoe, jaꞌ li buchꞌu a yalbutic li cꞌu sba yoꞌon li Jtotic Diose. Te onoꞌox schiꞌuc sbaic schiꞌuc li Jtotic Diose. Li Jesucristoe jaꞌ Dios stuc.

Tzotzil de Huixtán

¹ C'alal mu to oyuc ti vinajele ti balumile, stalel te ono'ox oy ti much'u tal yalbucutic c'u x'elan yo'nton ti Jtotic Diose. Te ono'ox oy xchi'uc ti Jtotic Diose. Ja' Dios ti tal yalbucutique.

San Juan 1:1 Iomraidhean Croise

Génesis 1:1

Ti c'usitic lic meltsajuc talel yu'un ti Dios ta sliquebale, vinajel xchi'uc ti banomile.

Salmos 45:6

Ti ventainel avu'une, Ch'ul Dios, sbatel osil, ti naca lequilal tuq'uilale.

Isaías 7:14

Avi tana li'e, xi s'elan ta xlic yac'boxuc avilic senyail stuc ti Diose: Xchi'inoj xa yol ti jun tsebe, ti ta xilbe sat ti yol ti Emanuel ta xac'be ti sbie.

Isaías 9:6

Yu'un c'ot xa ta pasel ti voc' xa jun querem ta jtojoltique. Laj xa yac'botic talel jun xnich'on ti Diose, c'ot ta pasel ti ac'bat yich' yabtel ta ventainvaneje. Xi s'elan sc'oplal ta x'albate: Ch'ayal ta xc'ot o'ntonal yu'un ti c'u s'elan ta snope, Dios ti mu tsalbaje, Totil sbatel osil, Banquilal jlamajesej-c'op.

San Mateo 1:23

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

San Lucas 24:53

Scotol c'ac'al ta xc'otic ta ch'ulna ta slequil-c'optael ti Diose. Jechuc.

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 1:2

Ti ta sliquebale, xchi'uc ono'ox sbaic xchi'uc ti Diose.

San Juan 16:28

Lilic talel ta stojol ti Jtote yo' lital li' ta banomile. Avi tana un, ta xquicta comel ti banomile, ta xisut batel ti bu oy ti Jtote.”

San Juan 17:5

Avi tana une, Tot, ac'bun quich' ti jlequilal ti oy ta atojol jech c'u cha'al quich'oj to ox c'alal mu'yuc to ox meltsajem ti banomile.

San Juan 20:28

Xi tsots laj yal ti Tomase: —¡Cajval, Ch'ul Dios!

San Juan 8:58

Xi laj stac' ti Jesuse: —Ta xcalboxuc ava'iic ta melel, c'alal mu'yuc to ox voq'uem ti Abrahame, oyun xa ono'ox.

Romanos 9:5

Taje, ja'ic snitilultac ti jmolmuc'totic ta vo'nee. Ti ta sts'unubalique, ayan talel ti Cristo ti laj yich' sbec'tale, ti ja' Dios yu'un scotol ti c'usi oye. Ich'biluc ta muc' sbatel osil. Jechuc.

Efesios 3:9

Ti Buch'u laj smeltsan scotol ti c'usitic oye, laj yac'bun cabtel ta svinajesel ta stojol scotol ti jnaclejetic ta banomil ti c'usi mu to ox xvinaj yu'un ti Dios ta vo'nee.

Filipenses 2:6

yu'un xi s'elane: Ac'o mi ja' stalel Dios ono'ox ti stuque, mu'yuc snopoj ti sujoj sba yo' xco'olaj xchi'uc Dios ono'ox ti stuque.

Colosenses 1:15

Ti mu xvinaj ta q'uelel ti Diose, tal yac' sba iluc ta sventa ti Xnich'one. Yu'un ti Xnich'one, oy xa ono'ox c'alal lic meltsajuc talel scotol ti c'usitic oye.

Colosenses 1:17

C'alal mu'yuc to ox scotol ti c'usitic oye, oy xa ono'ox ti Cristoe. Ja' ta sventa stuc, lec ta xanav ta xbein scotol ti c'usitic oye.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

SUN TITO 2:13

ti jech to li' yacalotic ta smalael ti muc' ta c'ac'al sc'ac'alil ti spatobil co'ntontic ti xi s'elan ta xc'ot ta pasele: ti jun yutsil xojobin no'ox ta xcha'sut talel ti Jcoltavanej Dios cu'untique, xchi'uc ti Cajvaltic Jesucristoe.

Hebreos 13:8

Yu'un ti Jesucristoe staoj yav yo'nton ti c'u s'elan ti voljee, avi tana li'e, ti sbatel osile.

Hebreos 7:3

Ti Melquisedec taje, mu na'baj buch'u ti stote ti sme'e, buch'utic ti smuc'tot syayae. Mi ja'uc x'ale sc'oplal ti bu voc' talele, ti bu chame. Co'ol s'elan ja' Xnich'on Dios, yu'un c'otem ta pale sbatel osil.

2 Pedro 1:1

Vu'un Simón Pedro, yajtunelun, yajcholc'opun ti Jesucristoe, ti tacbilun yu'une. Ta jts'ibaboxuc ti jvun li'e ta sventa ti vo'oxuc ti laj xa ataic ti jun yutsil c'otem ta avo'ntonic ta xch'unel ti Cajvaltic jech c'u cha'al ti vu'uncutique, yu'un ti Dios cu'untique, xchi'uc ti Jcoltavanej Cajvaltic Jesucristoe, oy slequil yutsil yo'ntonic.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

1 Juan 5:7

Yu'un oy oxib rextico ma' ti ta xalbeic sc'oplal ti oy ta vinajele: ti Dios Totile, ti Ch'ul Nich'onile, ti Ch'ul Espíritue. Ti oxibic taje, jmoj ti sc'opique.

Apocalipsis 1:11

ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Apocalipsis 1:2

Jech ti Juan eque, jamal laj yal scotol ti c'usi laj yile, yu'un ja' rextico yu'un ti sc'op Dios ti laj svinajes ti Jesucristoe.

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 19:13

Cheq'uel ta ch'ich' ti sc'u' slapoje, ti xi ma' ti sbie: ja' Sc'op ti Diose.

Apocalipsis 2:8

Xi xats'ibabe batel ta stojol ti buch'u sbainoj ti jch'unolajeletic oyic ta Esmirnae: “Xi ta xal ti Buch'u sbainoj ti sliqueb spajebe, ti Buch'u cham cha'cuxie:

Apocalipsis 21:6

Ts'acal to un, xi laj yalbune: “C'ot xa ta pasel. Vu'unun ti sliqueb spajebe, yu'un vu'un laj jliques, vu'un ta jlajes. Ti buch'u ta xa'i taqui ti'ile, ta xcac'be yuch' ti sat vo' ti ta xac' cuxlejale, mi jutebuc tojbil ta j'ech'el.

Apocalipsis 22:13

Vu'un ti sliqueb spajebe, yu'un vu'un laj jliques, vu'un ta jlajes.”

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele: