Josué 4:3 - Bible in Tzotzil de Chamula

³ Va'i un, albo ya'iic ti ac'o spetic loq'uel lajcha'bejuc ton ti ta o'lol yut uc'um ti bu va'alic ti paleetique. Ac'o yich'ic batel xtoc c'alal to ti bu ta xc'ot alaman abaic ti ac'ubaltic tanae.”

Bible in Tzotzil de Chenalhó with Deuterocanon

³ Albeic ac'o stamic tal jujubejuc ton ta o'lol uc'um; ja' lajcha'bej ta scotol. Ja' te ac'o bat stamic tal yo' bu va'ajtic li paleetique; te to ac'o bat yaq'uic ti bu chapas acarpanaic ta ac'ubaltic tanae”, xut.

Josué 4:3 Iomraidhean Croise

Génesis 28:22

Jech ti ton laj jva'ane, ja' ta xc'ot ta sna ti Diose. Ja' jech xtoc, Ch'ul Dios, ta xcac'bot o ta jujun lajlajuneb scotol ti c'usi ta xavac'bune.”

Salmos 103:2

Ta sjunul jch'ulel canima, ta xcalbe slequilal yutsilal Dios, ti mu jtosuc ta xch'ay ta co'nton ti c'usitic lec spasojbune.

Salmos 11:4

Le' une, oy ta slequil ch'ulna ti Diose. Ti Dios une chotol ta spasob mantal ta vinajel, chajal lec ta sba ta sat ti c'usi ta spas ti jnaclejetique.

San Lucas 19:40

Xi laj stac' ti Jesuse: —Ta xcalboxuc ava'iic, mi ta jpajtsanique, ja' ta xlic avanicuc ti tonetique.

Josué 24:27

Xi laj yalbe scotol ti jteclume: —Ti ton li'e, ja' sna'obil cu'untic. Ta xc'ot ta rextico ti ta svules ta joltic scotol ti c'usi laj yalbotic ti Diose. Ja' ta svinajes ac'oplalic ti mu jeche'uc no'ox ta xapac'ta abaic ta stojol ti Dios avu'unique.

Josué 3:13

C'alal ta sts'aj yoquic ta vo' ti paleetic ti xchechojic batel xcaxa Dios yu'un ti sbejel banomile, ta spas ta cha'ch'ac ti uc'ume. Ti yoc ta xanav talel ta ac'ole, ta xpaj, ti co'ol to s'elan macbil ta xc'ot yilele.”

Josué 4:4

Jech o xal ti Josuee laj yic' talel ti lajcha'vo' viniquetic ti laj st'uje.

Josué 4:8

Ti stuquic une jech laj spasic jech c'u cha'al albatic mantal yu'un ti Josuee. Laj spetic loq'uel lajcha'bej ton ti ta uc'ume, jujubej yu'unic ti jujuvoc' yu'un snitilultac ti Israele. Laj yich'ic batel. C'ot slatsic ti bu c'ot slaman sbaique jech c'u cha'al albil mantal yu'un Dios ti Josuee.

1 Samuel 7:12

Ts'acal to un, ti Samuele laj spet talel jbej ton ti laj spitan ta o'lol ti Mizpa xchi'uc ti Sene. Laj yac'be sbiin Eben-ézer, yu'un xi laj yale: “Ja' to li' laj quiltic ti laj stic' sba ta spojelotic ti Diose.”