Josué 10:3 - Bible in Tzotzil de Chamula

³ Ti jech taj une, ti Adonisedeque laj stac batel mantal ta stojol ti Hoham ajvalil yu'un ti Hebrone, ti Piram ajvalil yu'un ti Jarmute, ti Jafía ajvalil yu'un ti Laquise, xchi'uc ti Debir ajvalil yu'un ti Eglone, ti xi laj yalbe ya'iique:

Bible in Tzotzil de Chenalhó with Deuterocanon

³ Ja' yu'un li Adonisedeque, ja' li ajvalil ta Jerusalene, la stac batel mantal ta stojol li Hoham, ja' li ajvalil ta Hebrone, xchi'uc Piream, ja' li ajvalil ta Jarmute, xchi'uc Jafía, ja' li ajvalil ta Laquise, xchi'uc ta stojol Debir, ja' li ajvalil ta Eglone. Jech laj yalbe batel:

Josué 10:3 Iomraidhean Croise

Génesis 23:2

Cham ta Quiriat-arba ti ja' no'ox jteclum Hebrón oy ta Canaán banomile. Ti Abrahame ta xoq'uita ti jech cham ti Sarae. Mu x'ech' ta xa'i ti me'inale.

Génesis 37:14

Xi laj stac' ti Israele: —Lec oy un cha'e, batan, ba q'uelo c'u s'elan ti achi'iltac ta voq'uele, xchi'uc c'u s'elan ti chijetique. Sutan no'ox me talel un yo' jech ta xca'i c'u s'elanic. Ti Israele laj stac batel ta stenlejtic Hebrón ti Josee. C'alal c'ot ta Siquem ti Josee,

2 Samuel 2:11

Ti David une, vucub jabil xchi'uc vaquib u sjalil, och ta ajvalilal ta Judae, ti bu chotol ta spas mantal ti ta Hebrón ti muc' ta jteclum yu'une.

2 Reyes 18:14

Va'i un, ti Ezequías ajvalil yu'un ti Judae, xi laj stac batel mantal ta stojol ti ajvalil yu'un ti Asiria ti oy ta Laquise: “Laj xa jsa' ep jmul. Mu xa'och talel ti li' ta jteclumale. Ta jtojbot ti patan ti c'u yepal ta xac'anbune.” Jech o xal ti ajvalil yu'un ti Asiriae, ta jech yepal laj yac'be stoj patan ti Ezequías ajvalil yu'un ti Judae, balunmil xchi'uc baluneb ciento (9,900) ta kilo ti platae, ja' baluneb ciento xchi'uc lajuneb yo'vinic (990) ta kilo ti oroe.

2 Reyes 18:17

Ta ts'acal to un, ti ajvalil yu'un Asiriae laj stac ech'el jun yajbanquilal j'opisial, xchi'uc jun vinic ti jun yo'nton yu'une, xchi'uc yan yaj'opisial ti jba'be ech'el yu'un ti epal soldadoetique. Loq'uic ech'el ta Laquis ti batic ta Jerusalén yo' jech ta stsaquic ta leto. C'alal c'otic ta Jerusalene, c'ot svol sbaic ta sts'el sts'anleb vo' ti bu macbil yalel talel yoc ta ac'ole, ta sbelel ti osil ti bu sbiinoj Chuc'ob C'u'il yu'unique.

Jeremías 34:7

Ta yorail taje, ti yajsoldadotac ti ajvalil yu'un Babiloniae, ochem yipal yu'unic ta stsaquel ta leto ti Jerusalene, ti Laquise, xchi'uc ti Azeca ti c'ajomal xa no'ox jech yepal pojobbail jteclumetic oy ta Judae.

Miqueas 1:13

Ti vo'oxuc jnaclejetic yu'un ti jteclum Laquise, ti co'ol atoyobbailic jech c'u cha'al ti Israele, ti ja' ta acojic ti laj sa' smulic ti jteclum Sione, xojbeic scarreta ti aca'ique.

Números 13:22

Ochic batel ta Néguev, c'otic c'alal to Hebrón. Taje, tey nacalic snitilultac ti Anaque, ja'ic ti Ahimane, ti Sesaie, xchi'uc ti Talmaie. Ti Hebrón taje, syucubal xa jabil yich'oj sva'anel ti c'alal laj yich' va'anel ti Zoán ti oy ta Egiptoe.

Josué 10:1

Ti Adonisédec ti ja' ajvalil yu'un ti jteclum Jerusalene laj ya'ibe sc'oplal ti Josué ti laj xa yu'nin ti jteclum Haie, ti sts'ijlajan laj yicta comele, ti laj smilbe xtoc ti ajvalil yu'une jech c'u cha'al laj spas ta Jericó xchi'uc ti ajvalil yu'une. Laj ya'ibe xtoc sc'oplal ti jnaclejetic ta Gabaón ti laj xa spas trate xchi'uc ti israeletic ti oyic xa ta stojolique.

Josué 10:23

Jech laj spasic ti israeletique. Laj sloq'uesic talel ta nail ch'en ti vo'ob ajvaliletique, ja' ti ajvalil yu'un ti Jerusalene, ti ajvalil yu'un ti Hebrone, ti ajvalil yu'un ti Jarmute, ti ajvalil yu'un ti Laquise, xchi'uc ti ajvalil yu'un ti Eglone.

Josué 10:34

C'alal tsuts xa comel yu'unic ta j'ech'el ti jteclum Laquise, jech ti Josuee xchi'uc ti israeletique batic c'alal to jteclum Eglón, ti lamal c'otic ta stojole, ti ta stsaquic ta leto xtoque.

Josué 10:5

Ti vo'ob ajvaliletic yu'un ti amorreoetic xcaltic une, ja' ti ajvalil yu'un ti Jerusalene, ti Hebrone, ti Jarmute, ti Laquise, xchi'uc ti Eglone, laj stsob sbaic. Xvoletic batel xchi'uc svinic yo' ta xc'ot slaman sbaic ta sts'el jteclum Gabaón yo' jech ta stsaquic ta leto.

Josué 14:15

Ti sbi ta vo'ne ti Hebrone, ja' to ox Quiriat-arba. Yu'un ti Arbae, buyuc no'ox puquem sc'oplal ti ja' jun vinic ti jelavem xu' yu'une, ti ja' jun snitilul ti inate' vinic, Anaque. Ts'acal to un, paj ti leto ta banomil ti bu taje.

Josué 15:63

Ja'uc ti snitilultac ti Judae, mu'yuc xu' yu'unic ta stenel loq'uel ti jebuseoetic ti nacalic ta yosilal ti Jerusalene. Avi tana le' une, ti jebuseoetique staoj yav jmoj nacalic xchi'uc ti snitilultac ti Judá ta Jerusalene.