Jonás 4:9 - Bible in Tzotzil de Chamula

⁹ Xi tac'bat yu'un ti Diose: “¿Mi yu'un bal to ta xava'i ti ta xa'ilin xchi'uc ti taquij xa ti jpets uni te'e?” Xi laj stac' ti Jonase: “Ja' to me xlaet ya'yel unbi. Ta sc'ac'al xa no'ox co'nton xicham o xchi'uc.”

Bible in Tzotzil de Chenalhó with Deuterocanon

⁹ Ja' yu'un li Diose jech laj yalbe li Jonase: —¿Me toj tsots cha'ilin ta scoj li jpets vomole? —xut. Itac'ov li Jonase: —¡Jech, tsots chi'ilin! Ac'o chamcun o ta sc'ac'al co'nton —xi.

Jonás 4:9 Iomraidhean Croise

1 Reyes 21:4

Vul o'nton xa, xtaqui capet xa ta xa'i sut ech'el ta sna ti Acab ta scoj ti va'i s'elan tac'bat yu'un ti Nabot ti mu x'ac'bat ti rextoil ti ac'bat comel yu'un ti stot sme'e. C'ot un, lic spuch'an sba ti joybijem xa sat sq'ueloj ech'el ta yibel nae, ti mi ja'uc sc'an xve'e.

Job 18:4

Ti xajajet xa yu'un ti sc'ac'al avo'ntone, ¿mi avac'touc ta xjoybij ta sbajtical banomil ti osile, mi ta sjel yavil ti ch'en vitsetique?

Job 36:18

Bijan ti mu xavac' aba ta lo'laele, ti xpich' avo'nton yu'un stsaquel ti epal taq'uine.

Job 5:2

Ti buch'u sq'ueloj xa sba ta xlaj yu'un ti vul o'ntone, ta sbolibel xa stuc ta xac' sba ta lum ach'el xchi'uc.

Jonás 4:1

Mu lecuc laj ya'i ti Jonás ti c'u s'elan laj spas ti Diose. Ep soc yo'nton xchi'uc.

Jonás 4:10

Va'i un, xi albat yu'un ti Diose: “Ma'uc laj ats'un ti jpets uni te'e. Mi ja'uc laj ats'ites. Ta jun no'ox ac'ubal, voc' talel. Ta yan xa ac'ubal, c'ot ta taquijel. Manchuc mi jech un, mu xnel, mu x'ech' ta xava'i yu'un ti jech taquije.

Jonás 4:8

C'alal xchijlajan xa vulel ti c'ac'ale, jech ti Diose laj yac' taluc jun ic' ti q'uixin ta j'ech'ele, ti lic talel ta stuq'uil ti sloq'ueb c'ac'ale. Ti jech va'al lec ti c'ac'al ta xc'ot ta sjol ti Jonase, laj ya'i ti ta xa xyal ta lume, sc'an xa chamuc. “Ja' xu' ta j'ech'el ti chamcune. Jeche' xa no'ox ta j'ech'el ti li' to cuxulune”, xut sba.

San Mateo 26:38

—Ta xicham o yu'un ti at o'nton ta xca'ie. Comanic to li'e, mu xavayic. Jmojuc viq'uiluc jsatic —xi ti Jesús ta stojolique.

2 Corintios 7:10

Ti at o'ntonal liquem talel ta stojol ti Diose, ja' ta xac' ta na'el ti yich'uc ictael comel ti xchopolal o'ntonale yo' ta xich' talel ti pojel colele, yo' jech mu'yuc c'usi xal ti o'ntonale. Ja'uc ti at o'ntonal sventa banomile, naca lajel tubel sq'ueloj batel.

Apocalipsis 9:6

Ti ja' o jech yorail taje, utsuc xa sa'ic yo' ac'o chamicuc ti jnaclejetique, mi ja'uc staic yo' ta xchamic. Manchuc yo'ntonicuc xa ya'iic chamicuc, laj to c'op, yu'un sq'uejoj sba loq'uel ta stojolic ti lajel tubele.

Jueces 16:16

Ti jech ono'ox xvulvun ta j'ech'el ti Dalilae, ti ja' ya'yej o ta sjaq'uilanel jujuliquele, ta'lo ya'i ti Sansone, ti sc'anuc xa chamuc ya'ie.