Jonás 4:8 - Bible in Tzotzil de Chamula

⁸ C'alal xchijlajan xa vulel ti c'ac'ale, jech ti Diose laj yac' taluc jun ic' ti q'uixin ta j'ech'ele, ti lic talel ta stuq'uil ti sloq'ueb c'ac'ale. Ti jech va'al lec ti c'ac'al ta xc'ot ta sjol ti Jonase, laj ya'i ti ta xa xyal ta lume, sc'an xa chamuc. “Ja' xu' ta j'ech'el ti chamcune. Jeche' xa no'ox ta j'ech'el ti li' to cuxulune”, xut sba.

Bible in Tzotzil de Chenalhó with Deuterocanon

⁸ C'alal iloc' c'ac'ale, la stac tal tsots q'uixin ic' li Diose. Jech bats'i c'ux c'ac'al laj ya'ay li Jonase. Ic'ac' ta jyalel li sjole, jech ta xa x'alub laj ya'ay. Jech la snop ti ja' lec ac'o chamuc oe, jech laj yal: —Ja' lec ac'o xa chamcun; mu xa xnel chca'ay ti li' to cuxulune —xi.

Jonás 4:8 Iomraidhean Croise

Génesis 41:6

Ts'acal to laj yil loc' talel vucub sjol trigo ta spat ti yane, ti unin taquijem no'ox ta scoj ti maje yu'un jumetel ic' lic talel ta sloq'ueb c'ac'ale.

1 Reyes 19:4

Ti stuque bat ta sbajtical banomil ta tsacal to un, ti sjunul c'ac'al xanav ja' to ti c'uxi lubtsaj ti laj xchotan sba ta yolon pets limil te' ti retama sbie. Ti juteb xa ta yo'nton chamuc ya'ie, xi laj yale: “¡Li' xa no'ox c'alale, Dios, tuch'bun xa ti jcuxlejale! ¡Mu'cun xa lec ta xc'ot ta jtojol jech c'u cha'al ech' ti jtot jme'taque!”

1 Reyes 21:4

Vul o'nton xa, xtaqui capet xa ta xa'i sut ech'el ta sna ti Acab ta scoj ti va'i s'elan tac'bat yu'un ti Nabot ti mu x'ac'bat ti rextoil ti ac'bat comel yu'un ti stot sme'e. C'ot un, lic spuch'an sba ti joybijem xa sat sq'ueloj ech'el ta yibel nae, ti mi ja'uc sc'an xve'e.

Job 2:10

Ti Jobe xi tac'ave: —Ants, ts'ijlan jutucuc ca'itic ti va'i s'elan abolil ta yalilanele. Mi xye'et jc'obtic ta stsaquel ti c'usi lec ta xac' talel ti Diose, ¿c'u cha'al mu jch'amtic ti c'usi chopol ta xvul ta jtojoltic yu'une? Manchuc mi jech un, va'i un, ti Jobe mi juteb oy c'usi chopol loc' ta ye yo' ta sta smul.

Job 7:15

Xloc' venta ti tauc xamich'bun ti jnuq'ue, ti chamcun ta j'ech'el ti li' to cuxulune.

Salmos 121:6

Mu'yuc c'usi ta spasbot xq'uixnal ti c'ac'al xtixet ta atojole, mi ja'uc oy c'usi ta xapas yu'un ti u xtixet ta ac'ubale.

Salmos 39:9

“Co'ol s'elan uma' laj jpas jba, mu'yuc c'usi loc' ta que ta jti', yu'un yacalot ta spasel ti c'usi lec ta xavile.

Eclesiastés 7:9

Mu ava'binojuc no'ox aba yu'un ti sti'emal jolile, yu'un ti sti'emale c'otem ta sventa ti buch'u pimuneb xa'i sbae.

Cantares 1:6

Mu xat'ojan asatic yu'un ma' ti yamalun une, mi ja'uc ti ic'yamanun yu'un ti c'ac'ale. Laj yiltaicun ma' ti jchi'iltac ta voq'uele, li'och ta jchabiej uva yu'unic, mu'yuc xa laj jtuc'ulan ta sq'uelel ti cuni uva jtuque.

Isaías 49:10

“Mi ja'uc ta xa'iic vi'nal taqui ti'il. Mi ja'uc xchic'chun ta xa'iic ti c'ac'ale. Mi ja'uc xq'uixnal ti banomile. C'ux ta xca'iic, ta jtojobtasic batel. Ta xquic' batel ti bu oy ti sat vo'etique.

Ezequiel 19:12

Laj sjipic loq'uel ta scapemalic, yal yu'unic ta lum un. Taquij yu'un ic' ti lic talel ta sloq'ueb c'ac'ale, yal ta lum ti sat une. Ti sc'obtac stsacoj yip xchi'uque, taquij, laj sjipic ochel ta c'oc'.

Oseas 13:15

Ac'o mi yepal no'ox c'usi x'ayan yu'un ti Israel jech c'u cha'al ts'o'ol ta nich ti momole, ta xmajat yu'un ic' ti ta xlic talel ta sloq'ueb c'ac'ale, ti xjumet no'ox ti ta xlic talel ta sbajtical banomile. Ja' yu'un un, ta xlic taquijuc, ta xlic uluc ti tuquem vo'etique. Yu'un ti sc'ulejal ti toyolic stojol ti c'usitic c'upilic sba ti oy yu'une, ta xbec'bat batel ta elc'anel yu'un ti yajcontrae.

Levítico 10:3

Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Jonás 1:17

Ac'o mi jech ti va'i s'elan taj une, jech ti Diose chapal xa yu'un jcot muc' ta choy yo' jech ta xbiq'ue ochel ti Jonase. Jech ti Jonase, oxib c'ac'al, oxib ac'ubal, oy ta yut xch'ut ti choye.

Jonás 1:4

C'u stu un, ti Diose laj yac' taluc tsots ic' ti xjumet no'ox liquel xchi'uc ya'lel ta o'lol ti nabe, ti tsots ta j'ech'el ti co'ol xa s'elan yilel ta xlic lilijuc ti barcoe.

Jonás 4:3

Jech o xal un, Cajval, avocoluc, tuch'bun ti jch'iel jc'opojele, ja' to jech xlaet ta xca'i ti ta xicham xilaje. Toj altic ti li' to cuxulune.”

Jonás 4:9

Xi tac'bat yu'un ti Diose: “¿Mi yu'un bal to ta xava'i ti ta xa'ilin xchi'uc ti taquij xa ti jpets uni te'e?” Xi laj stac' ti Jonase: “Ja' to me xlaet ya'yel unbi. Ta sc'ac'al xa no'ox co'nton xicham o xchi'uc.”

San Mateo 20:12

ti xi laj yalique: ‘Q'uelo avil, ti buch'u ts'acal ochic ta abtele, ti c'ajomal no'ox jun ora abtejique, co'ol laj atoj jech c'u cha'al ti vu'uncutique, c'alal ti vu'uncutic cuch'em cu'uncutic ti abtele, ti jts'icojcutic xquixnal ti c'ac'ale.’

Apocalipsis 3:19

Scotol ti buch'u c'ux ta xca'ie, ta jtuq'uibtas, ta jvul. Jbeluc sc'oplal junuc avo'nton ta jtojol. Sutan talel ta stojol ti Diose.

Apocalipsis 7:16

Mu xa xa'i svocolic yu'un ti vi'nale, ti taqui ti'ile, mu'yuc xa ta xchiq'ueic yu'un xc'uxul ti sat c'ac'ale, mi ja'uc ti tsots xchic'chun ta xa'iic ti xq'uixnale.

1 Samuel 3:18

Ja'uc ti Samuele xchapet lic yal scotol ti c'usi sc'oplale. Mu ja'uc jutebuc yo'nton no'ox sna', ti xi tsots avan liquel ti Elie: —¡Yu'un ja' Dios ti stuque! ¡Ac'o c'otuc ta pasel yu'un ti c'usi lec ta xa'ie!