Jonás 4:2 - Bible in Tzotzil de Chamula

² Xi lic c'opojuc ti'inuc ta stojol ti Diose: “Q'uelo avil, Cajval, yu'un ja' no'ox jech laj cal ti jech ono'ox ta xc'ot ta pasel c'alal tey to ox oyun ta jlumale. Jech o xal ta jc'an ox ta xijatav batel ta anil ti ta jteclum Tarsise. Yu'un jna' lec ti ja' jun Diosot ti oy sts'iquemal xcuchemal avu'une, ti mu xana' xa'ilin ta anile. Ac'o mi xacaj'al xtoc ti ta xatsitsvane, ts'acal to un, ta xasutes aba ta sventa ti mu no'ox albajuc ti syail xc'uxul avo'ntone.

Bible in Tzotzil de Chenalhó with Deuterocanon

² Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

Jonás 4:2 Iomraidhean Croise

1 Reyes 19:4

Ti stuque bat ta sbajtical banomil ta tsacal to un, ti sjunul c'ac'al xanav ja' to ti c'uxi lubtsaj ti laj xchotan sba ta yolon pets limil te' ti retama sbie. Ti juteb xa ta yo'nton chamuc ya'ie, xi laj yale: “¡Li' xa no'ox c'alale, Dios, tuch'bun xa ti jcuxlejale! ¡Mu'cun xa lec ta xc'ot ta jtojol jech c'u cha'al ech' ti jtot jme'taque!”

Salmos 103:8

Ti Diose mu xtuch'van ta o'ntonal, mu'yuc x'ictavan, mu'yuc spajeb ti syail xc'uxul yo'ntone, oy sts'iquemal yu'un.

Salmos 145:8

Ti Diose, c'un yo'nton, sna' xc'uxubaj, spajebal xa ti syail xc'uxul yo'nton ti oy ts'iquemal xcuchemal yu'une.

Salmos 78:38

C'uxubinbilic yu'un ti Dios une, ch'aybil c'ot smulic ti mu'yuc xch'ulel xa'i sbaique, mu'yuc ta xtubbat ti sc'oplalique. Yepal ti mu'yuc laj yac' ta venta ti scapemal sjole, mi ja'uc suje yu'un ti scapemale.

Salmos 86:15

Le' une, Cajval, Diosot ti mu xatuch'van ta o'ntonale, ti c'ux ta xa'a'yivane, oy sts'iquemal xcuchemal avu'un, melel ono'ox oy syail xc'uxul avo'nton.

Salmos 86:5

Ti vo'ot une, Cajval, oy yutsil slequil avo'nton, ta xach'ay ti mulil colo'ile; yepal no'ox syail xc'uxul avo'nton ta stojol ti buch'u xvocolet ta atojole.

Salmos 90:13

Sutan talel ta jtojolcutic, Cajval, ¿c'u to sjalil ta xajaliltas aba un? C'uxubajan yu'un ti avajtuneltac li'e.

Éxodo 32:14

Jech ti Diose laj xch'ay ta yo'nton ti jech snopoj xa ox ti ta xch'aybe sts'unubal ti yalab xnich'nabe.

Jeremías 18:8

Mi ta xicta sbaic ta spasel chopol ti muc' ta lum taje, xu' to ta xch'ay ta be ti tsitsel chapal xa cu'une.

Jeremías 20:7

Laj alo'laun, Dios, jq'ueloj jba lilaj ta lo'lael ec un. Jelavem cuchem avu'un, tsalbil lic'ot ec. Scotol ora, tse'intabilun, labanbilun yu'un scotolic.

Jeremías 26:13

Ictaic ti c'u s'elan atalelique, xchi'uc ti c'usi me'inem xava'iic ta spasele. Ch'unic c'usi ta sc'an ti Ajvalil Dios avu'unique yo' jech xu' to ta stselbuj ti cuxul ilbajinel ti q'uelel talel laj caj'albe sc'oplale.

Jeremías 42:10

‘Mi jbel avo'nton ta xanaquiic ava'iic ta banomil li'e, ta jva'an jba ti oy no'ox c'usi x'ayan avu'unique. Mu'yuc ta jtub ac'oplalic. Ta xcac' ch'ian c'opojanic. Mu jloq'uesoxuc batel. Ta xlic ca'i ta co'nton ti abol abaic yu'un ti j'ilbajinvanej vocol ta xvul ta atojolique.

Amós 7:3

Va'i un, ti Diose laj sutes sba ti c'u s'elan snopoje, ti xi laj yale: “Bu la xata ti ta xc'ot ta pasel une.”

Amós 7:6

Va'i un, ti Diose laj sutes sba ti c'u s'elan snopoje, yu'un xi laj yale: “Bu la xata ti ta xc'ot ta pasel xtoque.”

Jonás 1:3

Le' une, ma'uc laj xch'un ti Jonase. C'ajomal no'ox lic jatavuc ech'el ta stojol ti Diose. Bat ta ti' nab Jope ti bu xloc' x'och ti barcoe. Laj sta jcot barco ti ta xa xloc' batel yo' ta xbat ta jteclum Tarsise. Lic stoj sbe, ta xbat ti bu c'alal taje.

Jonás 3:10

Laj yil ti Dios ti jech laj spasique, ti laj yictaic comel ti c'usi chopol ta spasique, ti laj sutes sbaic ti jech yanijem ti sjol yo'ntonique. Mu'yuc xc'ot ta pasel yu'un ti scaj'aloj xa ox ti ta xac'be ti svocolique.

Jonás 3:9

Mu jna'tic mi ja' to jech ta sjel ti c'u s'elan snopoj ti Diose, mi ja' to jech ta xlamaj ti sc'ac'al yo'ntone yo' jech mu xc'ot ta pasel ti ta xijchame.”

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

San Lucas 10:29

Ja'uc ti jchanubtasvanej yu'un ti oy c'usi tsots albil sc'oplale, ta spoj sba ya'i ti xi laj yalbe ti Jesuse: —¿Buch'u van xcal ti jchi'il taje?

Deuteronomio 4:31

ja'uc ti stuc une, ti jech mu albajuc ti yutsil slequil yo'ntone, mi ja'uc xastenoxuc comel. Mi ja'uc ti ta xastsutsesoxuc ta j'ech'ele. Mi ja'uc ta xch'ay ta yo'nton ti strate laj spas xchi'uc ti amolmuc'totic ti laj ech'icuc ta vo'nee, ti laj sva'an sba ta yalel ti ta xc'ot ta pasel yu'une.