Jonás 3:8 - Bible in Tzotzil de Chamula

⁸ Mu stac' ti jech ta xich' pasele. C'ajomal no'ox, lapic acotolic ti lajemal c'u'iletique. Oc'an avananic ta stojol ti Diose. Ictaic comel ta jujun ti jech yanijem ti ajol avo'ntonique, ti c'usitic mu'yuc smelol ti yacal to ta xapasic avi tana li'e.

Bible in Tzotzil de Chenalhó with Deuterocanon

⁸ Ja' xa no'ox ac'o jlaptic c'u'il sventa at-o'nton ti c'ux ta lapele; c'alal ta jts'unub covoltic tsots xa'oq'uic ta stojol li Diose. Comtsanic li chopol be atamojic jujunoxuque xchi'uc scotol li tsatsal uts'intael chapasique.

Jonás 3:8 Iomraidhean Croise

Job 16:17

Ta jeche' no'ox un, mu'yuc c'usi jpasojbe mi junuc, oy stuq'uil smelol lic'opoj liti'in.

Job 36:10

Ta xc'oponatic yo' ta stojobtasatic. Ta x'albatic ti yictaicuc ti mu stac' alel ti c'usi ta spasique.

Isaías 58:6

“Yu'un ma'uc xa ono'ox ma' taj une. Ti ic'taej vaj ti ximuyubaj yu'une, ja' jech c'u cha'al li'e: ti yich'uc lilinel avu'un scarinailtac ti jti'o'nton j'ac'-vocole, jituno ti jpech'vanej j'ac'-vocol ch'ojon une, ti c'otuc ta pojel colel avu'un ti oyic ta ilbajinele, ti tubuc sc'oplal avu'un scotol ti j'ac'vanej ta lajel tubele.

Isaías 59:6

Ti najel om xloc'taj yu'unic taje, mu yu'unuc sventauc c'u'il. Mi ja'uc oy buch'u ti bal xa xa'i ta sc'u'iltas o sba yu'unic ti sjolobique. Ja' xojolic o ti xi s'elan chamebal xal scotol ti ochem yipal yu'unique: Mu ch'anuc xi sc'obic ta yaq'uel ti vocole.

Jeremías 18:11

“Albo ya'i un cha'e ti yajval lum Judae, xchi'uc ti jnaclejetic yu'un ti jteclum Jerusalene, ti xi ta xcal ti vu'un Diosune: ‘Yacalun ta xchapanel ti c'usi ta xava'iic cu'une. Yacalun ta snopel ti ta xajtsitsoxuque. Comtsanic xa ti bu chopol atamojic batele. Tuq'uibuc ta q'uelel ti atalelique, ti c'usitic ta xapasique.’

Jeremías 25:5

Yu'un ti stuquique xi laj yalboxuque: ‘Ictaic xa ta spasel ti c'usi mu'yuc smelole, ti c'usitic chopole, ja' to jech xu' xanaquiic ta banomil ti bu laj avich'ic ac'bele, ti ac'bil ono'ox comel yu'un Dios ti atot ame'ic ta vo'nee.

Jeremías 26:3

Xu' nan ta xlic yich'beicot ta muc' yo' jech ta xicta sbaic ta spasel ti c'usi chopole, ti xu' to stselbuj ti nopbil xa cu'un ta jtsitsic ta scoj ti c'usi chopol ta spasique.

Jeremías 36:3

C'alal mi laj ya'iic scotol Judá ti va'i s'elan jnopoj ta jtac talel ta stojolic ti cuxul j'ilbajinvanej vocole, yic'al nan xictaic ti c'usi chopol yac'oj sjolic ta spasele. Jech xu' to ta jch'aybe ti xchopolalique, ti smul scolo'ique.”

Ezequiel 33:11

Ta jva'an jba ta yalel ti vu'un Diosune, mi jutebuc oy ta co'nton ta xcham ti buch'u mu'yuc xch'ulel xa'i sbae. Ja' ta jc'an ti yictauc sba ta spasel ti bu chopol stamoj batele yo' jech ta xcuxi. Jteclum Israel, ictao ti bu chopol atamoj batele. ¿Mi yu'un aq'ueloj aba ta xacham?’

Daniel 4:27

Manchuc mi jech taj une, Jcuch abtel, c'otuc ta avo'nton ti xi s'elan ta xcalbot ti bijubtasele: Ja' nopo ta spasel ti c'usi tuq'ue. Mu xasa' amul. Quechano aba ta spasel ti c'usitic chopole. Ja' o'ntolino ta scoltael ti me'un mu'natetique. Yu'un ti mi jech ta xapase, Jcuch abtel, yic'al to nan xu' ta xata ti jun avo'nton ta xacuxie, ti mu'yuc c'usi xana' ta x'ech' avu'un ti c'ac'ale.’ ”

Joel 1:14

Tsobo ti jteclume, albeic ya'iic ti oy ictaej vaje. Ac'o stsob sbaic talel ti moletique xchi'uc scotol ti jteclum ta xch'ulna ti Ajvalil ti ja' Dios yu'unique. Ac'o c'opojicuc ti'inicuc ta stojol ti Diose.

Jonás 1:14

Va'i un, xi c'opoj ti'inic liquel ta stojol ti Diose: “Dios, mu teyuc no'ox aq'ueloj ta xichamcutic ta scoj ti vinic li'e. Yan ti mi mu'yuc ti smule, mu xacajan ta jbacutic ti jech ta xchame. Ti vo'ote, Dios, ja' ta xapas ti c'usi lec ta xava'ie.”

Jonás 1:6

Va'i un, ti banquilal j'abtel yu'un ti barcoe, bat bu oy ti Jonase, ti xi laj yalbee: “¿C'usi ta xapas ti jun avo'nton batem ach'ulel ta vayel li'e? Lican, c'opojan, ti'inan ta stojol ti adiose. Xu' nan ta xlic svul yo'nton ta jtojoltic ti ta xlic stic' sba ta jpojeltique.”

San Mateo 3:8

Lecuc ti c'usi ta xapasique yo' ta xvinaj ta j'ech'el ti lasutic talel ta stojol ti Diose.

Hechos 26:20

Ba'yel lic cal ti ca'yej ta stojol ti jnaclejetic ti oyic ta Damascoe, ta stojol xtoc ti jnaclejetic ti oyic ta Jerusalene, ta scotol ti Judea banomile, xchi'uc ta stojol ti jyanlumetique, ta yalbel ya'i ti ac'o yictaic ti chopol yo'ntonique ti suticuc talel ta stojol ti Diose, ta spasel ti c'usi leque, yo' ta xvinaj jelbil ti yo'ntonique.

Hechos 3:19

Jech o xal un, jchi'iltac, sutanic talel ta stojol ti Diose yo' jech ch'aybil ta xc'ot ti amulique,

Apocalipsis 11:3

Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”