Jonás 3:5 - Bible in Tzotzil de Chamula

⁵ Jech ti jnaclejetic ta jteclume, mi cajal sc'oplalic, mi peq'uel sc'oplalic, laj xch'unic ti c'u s'elan laj yal ti Diose. Laj spucbeic sc'oplal ti ac'o yicta ti yotique, ti ac'o slapic ti lajemal c'u'ile, ti vinajuc ti c'ux ta sta ti svocolique.

Bible in Tzotzil de Chenalhó with Deuterocanon

⁵ Li cristianoetic ta lum Ninivee la xch'unic c'usi laj yal li Diose, jech lic yictaic ixim ta sjunul slumalic, xchi'uc la slapic c'u'il sventa at-o'nton ti c'ux ta lapele. C'alal ta biq'uit ta muc' la slapic.

Jonás 3:5 Iomraidhean Croise

2 Reyes 19:1

C'alal laj ya'i ti ajvalil Ezequías ti va'i s'elan taje, laj xch'i' ta jatel ti sc'u'e. Jatantic xa ti c'u'il laj slapic ech'el svinajeb ti mu x'ech' xjelav ta xa'i ti svocole. Bat ta xch'ulna ti Diose.

2 Crónicas 20:3

Ti Josafate stsic'luj c'ot yo'nton yu'un ti xi'ele, ti c'ot ta nopel yu'un ta snaban sba ta stojol ti Diose, xchi'uc laj svinajesbe sc'oplal ti scotoluc jteclum yu'un Judá yictaicuc ti yotique.

Esdras 8:21

Ts'acal to un, laj cal mantal ta sts'el uc'um Ahavae, ti oy sc'oplal ictaej vaj yo' jech ta jna'cutic bu mu lecuc libatcutic ta stojol ti Dios cu'uncutique. Laj jc'anbecutic ti ac'o xischabiuncutic yo' jech mu'yuc c'usi jnuptancutic ti c'u quepalcutic ta jujuchope, xchi'uc ti c'usitic x'ayan cu'uncutique.

Ester 4:1

C'alal laj ya'i Mardoqueo scotol ti va'i s'elan c'ot ta pasele, lic xch'i' ta jatel sc'u', senyail mu x'ech' ta xa'i ti vocole. Lajemic xa c'u'il lic slap. Lic svij tan ta sjol. Lic sjoyobta ta xaniel ti jteclum ti x'oc' x'avan yu'un ti vocole.

Éxodo 33:6

Va'i un, ta Horeb no'ox, lic yicta sbaic ta slapel ti c'usitic jun yutsiquil oy yu'unic ti israeletique.

Jeremías 31:34

Yo' ta xlic yojtiquinicune, ma'uc xa ma' ti talel batel ta stojobtas sbaic ta jujun tal xchi'uc ti buch'u lec xil sbaique, xchi'uc ti yuts' yalal sbaique. Mu'yuc ta alel mi oy sbijilic mi mu'yuc sbijilic, scotolic ta xlic yojtiquinicun. J'ech'el ta jch'aybe ta co'nton ti xchopolalique. Mi ja'uc xa ta jvules ta jol ti smul scolo'ique. Ti vu'un Diosune, mu lo'iluc no'ox ta xcal.”

Jeremías 36:9

Ta sbalunebal (9) yual ti ja' xa yo'obal (5) jabil yochel ta ajvalilal ta Judá ti Joacim xnich'on ti Josiase, lic yictaic yotic ta stojol Dios ti jnaclejetic ta Jerusalene, xchi'uc jlom ti liquemic talel ta yan jteclumetic ti oy ta yosilal ti Judae.

Jeremías 42:1

Scotol ti banquilal jtsobvanejetic yu'un ti soldadoe, ti Johanán xnich'on ti Careae, ti Azarías xnich'on ti Osaiase, xchi'uc scotol ti jteclume, mi ich'bilic ta muc', mi mu'yuc ich'bilic ta muc', talic un,

Jeremías 42:8

Jech ec un, laj stac ta iq'uel ti Johanán xnich'on ti Careae, xchi'uc ti banquilal jtsobvanej yu'un ti soldadoetic ti xchi'inojane, xchi'uc scotol ti jteclum ti cajal peq'uel ich'bilic ta muq'ue,

Daniel 9:3

Va'i un, lic vocoletcun ta c'opojel ti'inel ta stojol Dios ti ja' Ajvalile. Laj jcomtsan cot. Laj jlap lajemal c'u'iletic. Lic chotetcun ti bu busul ti tanil c'oq'ue.

Joel 1:14

Tsobo ti jteclume, albeic ya'iic ti oy ictaej vaje. Ac'o stsob sbaic talel ti moletique xchi'uc scotol ti jteclum ta xch'ulna ti Ajvalil ti ja' Dios yu'unique. Ac'o c'opojicuc ti'inicuc ta stojol ti Diose.

Jonás 3:7

Laj taj une, jech ti ajvalile xchi'uc ti yajtuneltaque laj yac'be sna' ti jteclum ti xi s'elan loc' ta alel yu'un jun mantale: “Mu me junuc ti oy buch'u c'usi ta stun ta slajese. Ja' jech xtoc mu me junuc ta xbat yac'be sve'el, ta xac'be yuch' vo' ti xvacaxe, mi ja'uc ti xchije.

San Mateo 12:41

C'alal ta sta sc'ac'alil ti chapanele, mu'yuc smulic ta x'ilatic yu'un Dios ti jnaclejetic ta Ninivee. Yan ti vo'oxuc li' ta banomile, ep amulic ta xa'ilatic yu'un ti Diose. Yu'un c'alal ay yich'ic albel sc'op Dios yu'un Jonás ti niniveetique, ta ora no'ox laj scomtsan ti c'usitic chopol ta spasique. Ti Jonase mu tsotsuc yabtel yich'oj. Ja'uc ti vu'une x'ech' tsots cabtel quich'oj ti li' oyun ta atojolique.

San Lucas 11:32

Ta sva'an sbaic ta chapanvanej ec ti buch'utic nacajtic to ox ta Nínive c'alal ta xich'ic chapanel ti jnaclejetic avi li'e. Yu'un ti stuquique, sutic talel ta stojol Dios c'alal laj ya'iic sc'op ti Jonase. Ti Buch'u li' oy ta atojolique, ja' x'ech' to sc'oplal, ja' mu sta sc'oplal ti Jonase.

Hechos 27:25

Tsotsanic un, jchi'iltac, yu'un jpatoj co'nton ta stojol Dios ti jech ono'ox ta xc'ot ta spasel jech c'u cha'al laj yalbun ti ánjele.

Hechos 8:10

Yu'un ta biq'uit ta muc' ts'etel xa xchiquinic ta ya'yiel ti xi ta xalbeic ti sc'oplale: “Le'e, ja' ti buch'u yich'ojbe smuc'ul stsatsal ti Diose.”

Hebreos 11:1

Ti oy c'usi c'otem ta co'ntontic ta xch'unele, jna'ojtic lec ti ta xquich'tic ti c'usi jmalaojtique, ac'o mi mu xquiltic, yu'un tey ono'ox oy.

Hebreos 11:7

Ti jech c'otem ta yo'nton ta xch'unel ti Noee, caj'albat yu'un Dios ti oy c'usi ta xc'ot ta pasel ti mu'yuc to yiloje. C'alal jech albate, tac'al c'ot ta yo'nton, lic smeltsan ti barcoe yo' jech ta spoj sbaic xchi'uc ti yalab xnich'nabe. Ti jech c'otem ta yo'nton ta xch'unel ti Noee, laj svinajesbe ti oy smul ti xchi'iltaque, xchi'uc laj sta ti lec x'ile ta sventa ti jech c'otem ta yo'nton ta xch'unele.

Apocalipsis 11:3

Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”