Jonás 3:4 - Bible in Tzotzil de Chamula

⁴ Och batel ta jteclum ti Jonase, ti jun c'ac'al xanav ti xi lic ta yalilanele: “Ti li' ta cha'vinic c'ac'ale, ta xlilij ti jteclum Nínive li'e.”

Bible in Tzotzil de Chenalhó with Deuterocanon

⁴ Jech te i'och batel ta lum li Jonase; ja' jun c'ac'al ixanov batel. Te x'avet batel, jech laj yal: “Le' ta cha'vinic (40) c'ac'ale ta xlaj scotol li lum li'i”, xi.

Jonás 3:4 Iomraidhean Croise

2 Reyes 20:1

Ti jech ta yorail ta vo'ne taje, yal ta chamel ti Ezequiase, ti naca tey xa come. Ti j'alc'op Isaías xnich'on ti Amose xi laj yalbe ya'i ti c'alal bat sq'uele: —Ti Diose xi ta xale: ‘Chapanbo xa ya'i comel slajeb slo'il yatel avo'nton ta bijubtasel ti c'u yepal oy ta anae, yu'un ta xacham. Mu xa cha'bel x'ech' avu'un.’

2 Reyes 20:6

Ta to jts'acbot ech'el vo'lajuneb jabil (15) acuxlej. Ta jtic' jba ta apojel xchi'uc ta spojel ti jteclum Jerusalene, ti mu ja'uc xcac'ot ta yoc ta sc'ob ti ajvalil yu'un Asiriae. Vu'un ta jva'an jba ta spojel ti jteclum li'e, ta sventa ti mu tuch'baj ta co'nton ti Davide, ti mu ja'uc tuch'baj xca'i jba eque.’ ”

Isaías 30:18

Ja'uc le' une, ti Diose ta smala, yu'un oy xc'uxul yo'nton ta atojolic. Yo'ntonuc xa ya'i ta xac'boxuc avilic ti syail xc'uxul yo'nton ti Ajvalile, ja' jun Dios ti sna' stic' sba ta pojvaneje. ¡Mu xa no'ox c'usi sna'ic scotolic ta j'ech'el ti buch'utic smalaoj spojelic ta stojol ti Diose!

Jeremías 42:10

‘Mi jbel avo'nton ta xanaquiic ava'iic ta banomil li'e, ta jva'an jba ti oy no'ox c'usi x'ayan avu'unique. Mu'yuc ta jtub ac'oplalic. Ta xcac' ch'ian c'opojanic. Mu jloq'uesoxuc batel. Ta xlic ca'i ta co'nton ti abol abaic yu'un ti j'ilbajinvanej vocol ta xvul ta atojolique.

Jonás 3:10

Laj yil ti Dios ti jech laj spasique, ti laj yictaic comel ti c'usi chopol ta spasique, ti laj sutes sbaic ti jech yanijem ti sjol yo'ntonique. Mu'yuc xc'ot ta pasel yu'un ti scaj'aloj xa ox ti ta xac'be ti svocolique.

San Mateo 12:41

C'alal ta sta sc'ac'alil ti chapanele, mu'yuc smulic ta x'ilatic yu'un Dios ti jnaclejetic ta Ninivee. Yan ti vo'oxuc li' ta banomile, ep amulic ta xa'ilatic yu'un ti Diose. Yu'un c'alal ay yich'ic albel sc'op Dios yu'un Jonás ti niniveetique, ta ora no'ox laj scomtsan ti c'usitic chopol ta spasique. Ti Jonase mu tsotsuc yabtel yich'oj. Ja'uc ti vu'une x'ech' tsots cabtel quich'oj ti li' oyun ta atojolique.

San Lucas 11:30

Ti c'u s'elan laj sna'ic ti jyanlumetic nacalic ta Ninivee, ti tacbil talel ta stojol ti Jonase, ja' jech ta x'ac'bat sna'ic ti jnaclejetic avi tana li'e, ti tacbil lital ti vu'un co'ol j'elantique.

San Lucas 11:32

Ta sva'an sbaic ta chapanvanej ec ti buch'utic nacajtic to ox ta Nínive c'alal ta xich'ic chapanel ti jnaclejetic avi li'e. Yu'un ti stuquique, sutic talel ta stojol Dios c'alal laj ya'iic sc'op ti Jonase. Ti Buch'u li' oy ta atojolique, ja' x'ech' to sc'oplal, ja' mu sta sc'oplal ti Jonase.

Deuteronomio 18:22

Mi mu xc'ot ta pasel ti c'u s'elan laj yal ti j'alc'ope, ja' svinajeb ti mu'yuc c'oponat yu'un ti Diose. Yu'un ti j'alc'op ti c'opoje, c'ajomal no'ox tijbil yo'nton yu'un stoyobbail ti jech c'opoje. Mi ja'uc xaxi'ic yu'un.