Jonás 3:10 - Bible in Tzotzil de Chamula

¹⁰ Laj yil ti Dios ti jech laj spasique, ti laj yictaic comel ti c'usi chopol ta spasique, ti laj sutes sbaic ti jech yanijem ti sjol yo'ntonique. Mu'yuc xc'ot ta pasel yu'un ti scaj'aloj xa ox ti ta xac'be ti svocolique.

Bible in Tzotzil de Chenalhó with Deuterocanon

¹⁰ C'alal laj yil Dios li c'usi la spasique, ti la sutes yo'ntonic ta sventa li c'usitic chopol tspasique, jech lic lecubuc yo'nton ta stojolic, muc spasbe o li c'usi snopoj xa'ox tspasbee.

Jonás 3:10 Iomraidhean Croise

1 Crónicas 21:15

Ti Diose laj stac talel jun ánjel ta stsutsesel ti jnaclejetic ta Jerusalene. Ja'uc le' une, c'alal xyaquet xa ta stsutses ta j'ech'ele, ti Diose c'uxubaj yo'nton. Toj abol sba laj yil ti jech ta xac'be ti svocole, ti xi laj yalbe ti laj spajes ti ánjel yacal ta xmilvane: “¡Xu' xa, pajeso aba!” Ta yorail taje, ta xa xc'ot ti ánjel ta sts'el smajob trigo ti jebuseo vinic ti Ornán sbie.

Éxodo 32:14

Jech ti Diose laj xch'ay ta yo'nton ti jech snopoj xa ox ti ta xch'aybe sts'unubal ti yalab xnich'nabe.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

Isaías 30:18

Ja'uc le' une, ti Diose ta smala, yu'un oy xc'uxul yo'nton ta atojolic. Yo'ntonuc xa ya'i ta xac'boxuc avilic ti syail xc'uxul yo'nton ti Ajvalile, ja' jun Dios ti sna' stic' sba ta pojvaneje. ¡Mu xa no'ox c'usi sna'ic scotolic ta j'ech'el ti buch'utic smalaoj spojelic ta stojol ti Diose!

Jeremías 18:7

Mi lic xi jol ta xch'ubaele, ta jliquel no'ox lomem lilijem cu'un ti muc' ta lume, mi ja' ti ajvalile.

Jeremías 18:8

Mi ta xicta sbaic ta spasel chopol ti muc' ta lum taje, xu' to ta xch'ay ta be ti tsitsel chapal xa cu'une.

Jeremías 36:3

C'alal mi laj ya'iic scotol Judá ti va'i s'elan jnopoj ta jtac talel ta stojolic ti cuxul j'ilbajinvanej vocole, yic'al nan xictaic ti c'usi chopol yac'oj sjolic ta spasele. Jech xu' to ta jch'aybe ti xchopolalique, ti smul scolo'ique.”

Jeremías 42:10

‘Mi jbel avo'nton ta xanaquiic ava'iic ta banomil li'e, ta jva'an jba ti oy no'ox c'usi x'ayan avu'unique. Mu'yuc ta jtub ac'oplalic. Ta xcac' ch'ian c'opojanic. Mu jloq'uesoxuc batel. Ta xlic ca'i ta co'nton ti abol abaic yu'un ti j'ilbajinvanej vocol ta xvul ta atojolique.

Joel 2:13

Sutanic talel ta stojol ti Ajvalil Dios avu'unique. Ja' majo ti avo'ntonique, ma'uc xach'i'ic ta jatel ti c'u'ile. Yu'un ti Diose mu albajuc ti syail xc'uxul yo'ntone. Oy sts'iquemal xcuchemal yu'un ta sventa ti xc'uxul yo'ntone. Oy sca'alil xpuxulil ta yaq'uel ti tsitsele.

Amós 7:3

Va'i un, ti Diose laj sutes sba ti c'u s'elan snopoje, ti xi laj yale: “Bu la xata ti ta xc'ot ta pasel une.”

Amós 7:6

Va'i un, ti Diose laj sutes sba ti c'u s'elan snopoje, yu'un xi laj yale: “Bu la xata ti ta xc'ot ta pasel xtoque.”

Jonás 4:11

Le' ec une, x'ech' to sc'oplal ta xca'i ta xc'uxubaj co'nton yu'un ti muc' ta jteclum Nínivee, ti x'ech' to ta vacvinic ta mil (120,000) ololetic ti mu to xa'ibeic smelol ti osil banomile, xchi'uc ti epal chon bolometique.”

Jonás 4:2

Xi lic c'opojuc ti'inuc ta stojol ti Diose: “Q'uelo avil, Cajval, yu'un ja' no'ox jech laj cal ti jech ono'ox ta xc'ot ta pasel c'alal tey to ox oyun ta jlumale. Jech o xal ta jc'an ox ta xijatav batel ta anil ti ta jteclum Tarsise. Yu'un jna' lec ti ja' jun Diosot ti oy sts'iquemal xcuchemal avu'une, ti mu xana' xa'ilin ta anile. Ac'o mi xacaj'al xtoc ti ta xatsitsvane, ts'acal to un, ta xasutes aba ta sventa ti mu no'ox albajuc ti syail xc'uxul avo'ntone.

San Lucas 11:32

Ta sva'an sbaic ta chapanvanej ec ti buch'utic nacajtic to ox ta Nínive c'alal ta xich'ic chapanel ti jnaclejetic avi li'e. Yu'un ti stuquique, sutic talel ta stojol Dios c'alal laj ya'iic sc'op ti Jonase. Ti Buch'u li' oy ta atojolique, ja' x'ech' to sc'oplal, ja' mu sta sc'oplal ti Jonase.

San Lucas 15:20

Jech un, laj stam batel sbe. Sut batel ta sna ti stote. “C'alal nom to sc'an ta xc'ote, ile yu'un ti stote, c'uxubaj yo'nton ta stojol. Bat nupatuc ta be ta anil. Meye sbuts'e yu'un.