Jonás 2:9 - Bible in Tzotzil de Chamula

⁹ Ti vu'une, c'ajomal xa no'ox jun yutsil ta xloc' ta que ti colaval, xacute, ti ja' jun lequil milbil matanal ta xcac'bote; ta xc'ot ta pasel cu'un xtoc ti oy c'usi laj calbote. C'ajomal no'ox vo'ot, Dios, ti xana' xapojvane.”

Bible in Tzotzil de Chenalhó with Deuterocanon

⁹ Yan li vu'une xi'avet no'ox chlic quich'ot ta muc', chlic cac'bot amoton. Li c'usi caloj ta atojole ta jpas. Yu'un vo'ot no'ox atuc xu' avu'un chacoltaun”, xi la sc'opan Dios li Jonase.

Jonás 2:9 Iomraidhean Croise

Génesis 35:3

Batic ta ora ta Betel. Yu'un ti bu taje, ta jmeltsan jun altar ti ja' yich'obil ta muc' ti Dios laj scoltaun ti c'alal oyun ta vocole. Yu'un ja' laj xchi'inun ti bu yalel muyelune.

2 Samuel 15:7

Ta xchanibal xa ox jabil un, ti Absalone xi laj yalbe ti ajvalile: —Avocoluc, Jcuch abtel, ac'bun ave ati' ti batcun ta Hebrone yo' jech ta xc'ot ta pasel cu'un ti oy c'usi calojbe jtrate ti ta xcac'be ti Diose.

Job 22:27

Mi oy c'usi ta xac'anbee, ta xac'bot, jech ta xc'ot ta pasel avu'un ec un ti c'usi avaloj ta xavac'bee.

Salmos 107:22

Ac'beic milbil matanal ta sventa ti coliyale, muyubajanic ta slo'iltael sc'oplal ti yabtel laj spase.

Salmos 27:1

Ti Dios une, sac jaman no'ox ta jtojol, jpojvanej cu'un, ¿mi oy la buch'u ta xac'bun xi'el? Ti Diose ta stic' sba ta jpojel un, ¿buch'u la ta xixi' yu'un un?

Salmos 3:8

Vo'ot no'ox ti jpojvanejote, Cajval Dios, va'ano aba un cha'e ta stojol ti ateclumale.

Salmos 50:14

Ti matanal ta xavaq'ue, sventa colaval, xavut ti Diose, ti c'otuc ta pasel avu'un ta stojol ti Buch'u oy ta toyole, ti avaloj ta xavac' ta stojole.

Salmos 50:23

Ti buch'u ta xac' matanal ta sventa col'albate, ta xich'un ta muc' unbi. Ta jtic' jba ta spojel ti buch'u staoj yav stamoj batel ti bu ta xquic' batele.”

Salmos 68:20

Ti Dios cu'untique, ja' jun Dios ta stic' sba ta pojvanej, ti xu' yu'un ta xpojvan loq'uel ta lajebale.

Salmos 95:2

Ochcutic batel ta stojol ta yalbel coliyal; jq'uejintatic q'uejimoletic sventa yich'el ta muc'.

Isaías 45:17

Ja'uc ti Israele pojbil coltabil c'otic yu'un ti Diose, ti j'ech'el pojbil c'otique. Mi ja'uc jutebuc peq'uel ti sc'oplalique, ti ta xac' sbaic ta lo'il maxile.

Jeremías 33:11

ti q'uejimol sventa q'uine, ti q'uejimol sventa lecomajele. Ta xich' a'yiel ti xi ta xalique: ‘Col lij'albat yu'un ti Ajvalil ti scotol xu' yu'une. Oy slequil ma' ti Dios une. Sbatel osil oy ma' ti syail xc'uxul yo'nton une.’ Ta xich'ic talel matanal ta ch'ulna sventa ti col albate. Melel un, ta jelbe yorailic ti muc' ta lum li'e yo' ta xcha'ta jech c'u cha'al ta sliquebale. Ti vu'un Ajvalilune, mu stselbuj ma' ti jc'op une.”

Oseas 14:2

Xiuc c'otel ti ave ati'ic ta c'opojel c'alal ta xasutic batel ta stojol ti Diose: “Ch'aybuncutic scotol ti jmul jcolo'cutique. Tsacbun, ich'buncutic ta yutsil avo'nton ti xilequil-c'opojcutic xa talel ta atojole.

San Juan 4:22

Ti vo'oxuque mu xana'ic ti buch'u ta xavich'ic ta muq'ue. Ja'uc ti vu'uncutique, jna'cutic ti Buch'u ta xquich'cutic ta muq'ue, yu'un ti coltaele ta xlic talel ta stojol ti israeletique.

Hechos 4:12

Mu'yuc xa yan bu ta tael ma' ti coltaele, yu'un mu'yuc laj sva'an yan Jcoltavanej ti Dios li' ta banomile. Ja' no'ox ta sventa Jesús ta jtatic ti coltaele.

Romanos 12:1

Ja' yu'un un, Jchi'iltac, ta sventa syail xc'uxul yo'nton ti Dios ta jtojoltique, ta jc'anboxuc vocol, cuxul ac'o abaic ta tunel jech c'u cha'al ti matanal ti c'otem ta sventa ti Diose, ti jun yutsil slequil ta xich' aq'uel ta stojole. Taje, ja' jech ta ich'el ta muc' ti Diose.

Deuteronomio 23:18

Ti ta Axibalna yu'un ti Ajvalil Dios avu'unique, ma'uc me ti lec xava'iic ta xch'ambel ti c'usitic ta xloc' ta eal ta xich' aq'uel ti mi staojic talel ta sbolomalinel sbaic xchi'uc ti taq'uine. Yu'un ti va'i s'elan taje, toj chopol ta xil ti Diose.

Hebreos 13:15

Jech o xal tsots sc'oplal calbetic slequilal Dios ta sventa ti Jesucristoe. Ti jech ta xcalbetic slequilal ti Diose, ja' jech matanal sc'an ta xcac'betic ti Diose. Oyuc ta que ta jti'tic ta yalbel yutsilal slequilal ti Diose.

Apocalipsis 7:10

Xi tsots ta x'avan scotolique: “Ti pojel colel laj jtatique, ja' ta sventa ti Dios cu'untique, ja' ti Buch'u chotol ta muc' ta chotlebale, xchi'uc ti jcot ta Uni Chije.”

1 Samuel 12:21

Mu xa naban abaic ta stojol ti jeche' diosetique, ti mu ja'uc xu' ta scoltaoxuque, ti ta spojoxuque, ti mu'yuc c'usi xu' yu'unique.