Jonás 2:8 - Bible in Tzotzil de Chamula

⁸ Ti buch'utic ta sts'acliic ta yich'el ta muc' ti loc'obbailetique, ja' ta xc'ot ta pasel ti mu xa junuc ti sjol yo'ntonic ta atojolale.

Bible in Tzotzil de Chenalhó with Deuterocanon

⁸ Li boch'otic ja' chich'ic ta muc' c'usitic cuybil ta diosetic ti mu'yuc stue mu xa junuc yo'ntonic ta atojol.

Jonás 2:8 Iomraidhean Croise

2 Reyes 17:15

Laj sbajbeic ti oy c'usitic jbel tsots albil yu'une, xchi'uc ti strate ti laj spas ta stojol ti smolmuc'totique, xchi'uc ti mantaletic ti ac'batic comele. Ma'uc no'ox taje, bat yo'ntonic ta yich'el ta muc' ti jeche' loc'obbail diosetique. Laj spec'tsanbe sba sc'oplal xchi'uquic ti laj xchanic ta spasel ec jech c'u cha'al laj spasic ti lumetic ti joyol ta spat ta xoconic ti c'alal albilic ono'ox yu'un Dios ti mu xu' jech ta spasique.

Salmos 142:4

Jq'uel xa batel ta stuq'uil jbats'i c'ob, mi junuc oy buch'u ta stic' sba ta scoltaelun. Mu'yuc junuc ta sva'an sba ta spojelun. Mu'yuc junuc ti svul xa yo'nton cu'une.

Salmos 31:6

Ta xquilta ti buch'u nijil chimilic yich'ojic ta muc' ti uni loc'obbail no'oxe. Jpatoj co'nton ta stojol ma' ti Dios une.

Salmos 69:14

Mu aq'uelojuc ta jt'ub jba ta ach'el xchi'uc ta snabil ti vo'e. Pojun ta yoc ta sc'ob ti buch'u xti'et sjolic ta jtojole.

Jeremías 10:8

Scotolic pimuneb xa'i sbaic, mi jutebuc oy sbijilic. Mi jutebuc xu' ta xchanubtasatic yu'un ti bas-bas te'e.

Jeremías 16:19

Cajval, vo'ot ti jmuc'ul jtsatsalote, ti jpojobbailote, ti jnac'obbailot ta yorail ti xi'bal sba ta xc'ot ta pasele. Ta xtalic ta atojol muc'tiquil lumetic le' to ta jot xchiquin banomile, ti xi ta xalique: “Ti diosetic ti yich'ojic comel ti jtot jme'cutic ta vo'nee, mu'yuc c'usi xu' yu'unic, ch'abal smucul stsatsal.

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Miqueas 1:2

Acotolic jteclumetic, ts'etano achiquinic ta ya'yiel li'e; acotolic jnaclejetic ta banomil, a'yio ava'iic li'e ti xi s'elan ta xc'ot ta pasele: Ti Diose ja' ta sva'an sba ta rextico yo' ta scontrainoxuc, yu'un ta xch'ulna to ta sva'an sba talel.

1 Samuel 12:21

Mu xa naban abaic ta stojol ti jeche' diosetique, ti mu ja'uc xu' ta scoltaoxuque, ti ta spojoxuque, ti mu'yuc c'usi xu' yu'unique.