Jonás 2:4 - Bible in Tzotzil de Chamula

⁴ Laj ca'i ti tenbil liloc' ta atojole; laj xa ox jnop ti mu xa cha'bel xquil ti ach'ulnae.

Bible in Tzotzil de Chenalhó with Deuterocanon

⁴ Ja' yu'un la jnop ti jipbil tenbilun xa loq'uel avu'une, ti mu xa xquil o yan velta li ch'ulna avu'une.

Jonás 2:4 Iomraidhean Croise

1 Reyes 8:42

ti ta xtal sc'anbot ti vocol li' ta ch'ulnae, (yu'un ta xvinaj, ta xpuc sc'oplal ti avutsilale, ti amuc'ul atsatsale, ti ch'ayal ta xc'ot o'ntonal yu'un ti c'usi ta xapase),

1 Reyes 8:48

ti sjunul xa yo'ntone, ti sjunul xch'ich'el ta sut talel ta atojol ti c'alal oy ta slumal ti scontraic ti bu chucbil batique, ti ta staot ta c'oponele, ti mu xtuch' ta yo'nton yu'un ti jteclum ti laj avac'be ti smolmuc'totic ta vo'nee, ti slumalic ti vo'ot laj at'uje, ti ch'ulna ti laj jva'anbote,

1 Reyes 9:7

ja' jech ti vu'un eque, ta jten loq'uel ti israeletic li' ta banomil ti bu laj cac'beique. Ta jten loq'uel ta co'nton ti ch'ulna ti laj quich' ta ventae, ti j'ech'el labanbilic ta xc'otic ti Israel yu'un ti yan muc'tiquil lumetique.

2 Crónicas 6:38

Mi ta sjunul xa yo'ntonic, ta sjunul xch'ich'elic, ta sut talel ta atojol ti jteclum ti bu ic'bil batic ta chuquele, ti xastaot xa ta c'oponel ti q'uelel batel satic ta stuq'uil ti banomil ti bu laj avac'be ti smolmuc'totic ta vo'nee, ta jteclum ti bu laj at'uje, ta ch'ulna ti bu laj jmeltsane,

Salmos 31:22

Ti mu xa stac' a'yeluc ta xca'ie, laj jnop ti laj ajipun loq'uel ta atojol une; le' une, c'alal laj jc'an ti coltaele, laj ava'i ti xi'avete.

Salmos 42:8

Ti ta c'ac'altique, ta xvul ta jtojol syail xc'uxul yo'nton ti Diose; ja' jech ta ac'ubaltic xtoque, mi jliqueluc ta jquechan jba ta sq'uejintael ta sc'oponel sti'inel ti Dios sventainoj ti jcuxleje.

Salmos 5:7

Ja'uc ti vu'une xu' xi'och ta ach'ulna ta sventa ti mu albajuc ti syail xc'uxul avo'ntone; ta sjunul co'nton ta xaquich' ta muc' ti jq'ueloj batel ti ach'ulnae.

Salmos 88:6

Ta snatil xa ch'en laj ajipun yalel, ti spajeb snatil oy ti ic'al osile.

Salmos 88:7

Lamal c'ot ta jba avu'un ti sc'ac'al avo'ntone, xich'ayluj yalel avu'un ti c'u s'elan ta xbalvan ta j'ech'el ti sc'ac'al avo'ntone.

Isaías 38:17

Q'uelo avil un, ti jech mu xnel mu x'ech' ti jvocole, avi tana une, mu'yuc xa c'usi jna'. Laj to amac ta be ti q'uelel xa ox ta jtojol ti tsutsesvanej muquinale, yu'un laj to ach'aybun ti jmul jcolo'e.

Isaías 49:14

“Ti lum Sione xi laj yalilane: ‘Laj stenun laj sjipun comel ma' ti Ajvalile. Laj xch'ayun ta yo'nton ma' ti Dios cu'une.’

Jeremías 15:1

Ti Diose xi laj yalbune: “Manchuc mi ta xtal sva'an sbaic ta jtojol ti Moisese, ti Samuele, mi ja'uc ta xc'uxubaj co'nton yu'un ti jteclum li'e. Albo ya'i, loq'uicuc batel ta jtojol, baticuc.

Jeremías 7:15

Ta jtenoxuc loq'uel ta jtojol jech c'u cha'al laj jtenic loq'uel ta vo'ne ti avinquileltac snitilul ti Efraine.’

Lamentaciones 3:54

Limut'ij junul ta vo' ti xichi laj jnope: “Mu xa cha'bel un, li' xa lic'ot ta tsutsele.”

Ezequiel 37:11

Va'i un, xi laj yalbun ti Diose: “Ti jteclum Israele, co'ol s'elan jech c'u cha'al ti taquin baquetic le'e, yu'un xi ta xalolanique: ‘Ta xitaquilaj ta j'ech'el. Laj sc'oplal ma' ti oy patob o'ntonale, mu xa cha'bel un.’

Daniel 6:10

C'alal laj ya'i ti Daniel ti laj xa yich' pasel pirma ti c'u s'elan loc' ta nopel yu'unic ti mantale, jech ti Daniele bat ta sna. C'ot sjam ti sventanatac ti bu ta xvaye, ti xi sq'ueloj batel ta stuq'uil Jerusalén ta yelov ti sloq'ueb c'ac'ale. Lic squejan sba ta slequil c'oponel ta sti'inel ti Diose. Ja' oxib (3) velta ta xc'opoj ta xti'in ta c'ac'al jech c'u cha'al nopem ono'ox xa'i ta xc'opoje.

Jonás 2:7

C'alal laj ca'i ti ta xa xituch' batele, lavul to ta co'nton, Cajval; ti jc'opojel jti'inele c'ot c'alal to ta ach'ulna.