Jonás 2:2 - Bible in Tzotzil de Chamula

² Xi lic yale: “C'alal mu xa cha'bel x'ech' laj ca'ie, xi'avet no'ox liquel ta ac'oponel, Dios, laj ava'ibun ti jc'opojel jti'inele. C'alal oyun ti bu spajeb snatil ti lajebale, laj jtaot ta c'oponel, laj ava'ibun.

Bible in Tzotzil de Chenalhó with Deuterocanon

² jech laj yal: “Muc'ul Dios, oyun ta at-o'nton; a'ibun jc'op ti li' chajc'opanote. Li' chi'avan tal ta atojol ta yut li lajele; a'ibun li jc'ope.

Jonás 2:2 Iomraidhean Croise

2 Crónicas 33:12

Ja'uc le' une, c'alal yacal xa ta xich' ti svocole, xvocolet liquel ta stojol ti Ajvalil Dios yu'une. Biq'uit xa laj yac' sba ta stojol Dios yu'un ti smolmuc'totaque.

Salmos 116:3

Ts'otolun xa ta xch'ojon ti lajebale, tsacbilun xa yu'un ta xi'elal ti muquinale, c'ot ta jtojol mu ts'icbaj ma' ti xi'elal ti spajeb xa ti yipale.

Salmos 120:1

C'alal yacal ta xquich' ilbajinele, ta jta ta avtael ti Diose, ti stuque ta xistac'bun ti jc'ope.

Salmos 16:10

Yu'un mu aq'uelojuc ta xavictaun comel ta muquinal, mu aq'uelojuc ta xavicta comel ta ch'en ti buch'u lec xavil abaic xchi'uque.

Salmos 22:24

Ti stuque mu sbaj, mu sq'uelojuc ti oy ta vocol ti buch'u biq'uit yac'oj sbae, mi ja'uc ta snac' sba ta stojolic. Ta xa'i ti c'alal ta xc'anbat ti coltaele.

Salmos 34:6

Lic avanuc ti abol sba vinic li'e, a'yibat sc'op yu'un ti Dios une, pojbil c'ot yu'un ti lamal ta sba ti svocole.

Salmos 4:1

Ch'ul Dios, c'otemot ta jpojvanejot cu'un un, tac'bun ti jc'op ti ta jtaot ta c'oponele. Ti oyun ta vocole, laj avac'bun ti siquet co'ntone, c'uxubajuc avo'nton ta jtojol un, a'yibun ti jc'opojel jti'inele.

Salmos 61:2

Ta jujuti' ti bu xa oy ti banomile, xivocolet ta atojol, yu'un juteb xa tsacal ti co'nton ta xca'ie. Va'anun ta jun toyol vits ti bu pojbil ta xic'ot avu'une,

Salmos 65:2

yu'un ts'etel achiquin ta xava'i ti c'opojel ti'inele. Scotol banomil ta xtal ta atojol un.

Salmos 86:13

Yepal no'ox ti syail xc'uxul avo'nton ta jtojole. Laj apojun yo' mu xipalch'uj ech'el ta muquinal.

Isaías 14:9

“Ta olon ti bu oy volol ti animaetique, xvochvun no'ox ta j'ech'el yo' jech ta xtal snupot ta be. Snac'obalic ti animaetique ta xlic vuluc ti xch'ulelique. Scotol ti banquilaletic ti laj ech'icuc ta banomile, ta xloq'uic talel ta snupelot ta be. Scotol ti ajvaliletic ti laj ech'icuc ta ajvalilal yu'un ti lumetique, ta xlic sva'anan sbaic ti chotolic ta smuc' ta chotlebique.

Lamentaciones 3:55

Ti vu'un une, Dios, xichi lic'opoj liti'in ta atojol ti tiq'uilun ta natil joq'ue:

Ezequiel 26:20

Mut'ijan yalel ava'i bu oy ti animaetic ech'ic ta naclej ta vo'nee. Ta snatil to banomil ta jtenot yalel un, jteclum ti j'ech'el lilijeme. Ta xachi'in ta naclej ti buch'utic chamemic xae. Laj c'op un ma' ti ta xavich' cha'va'anel ta banomil bu nacal ti jnaclejetique.

Ezequiel 31:14

Mu xa jpetsuc te' jech staylej ta xbat jech c'u cha'al ti jtec' taje. Manchuc mi ch'iem ta ti' vo', mu xa ono'ox cha'bel sta ti tijil ta xc'ot ta vinajel ti sni'e, manchuc mi maltabil lec. Yu'un yich'oj talel ta xbat stsob sbaic ta ch'en xchi'uc scotol ti buch'u oyic ta muquinal mi valc'uj ti lum ach'el yu'une.

San Mateo 12:40

Ti Jonase, oxib c'ac'al, oxib ac'ubal, tiq'uil ta xch'ut ti muc' ta choye. Ja' jechun ec ti vu'un co'ol j'elantique, oxib c'ac'al, oxib ac'obal, tiq'uil ta xicom ta ch'en.

San Lucas 11:10

Yu'un ti buch'u ta sc'ane, ta xich'. Ti buch'u ta sa'e, ta sta. Ti buch'u ta sc'ojilan ti ti' nae, ta xjambat.

San Lucas 22:44

C'alal mu no'ox albajuc ta xa'i ti vocole, x'ech' to tsots lic c'opoj ti'inuc. Ti xchiq'ue, co'ol s'elan ch'ich' sts'ujlajan ta xbaj ta banomil.

Hechos 2:27

yu'un mu xavac' ave ati' ta xicom ta muquinal. Mi ja'uc ta xavac' ave ati' ti aq'ueloj ta xc'a' sbec'tal stacopal ti ch'ul jtunel avu'une.

Hebreos 5:7

Ti c'u sjalil ay cuxiuc li' ta sba banomil ti Cristoe, tsots xvocolet c'opoj ti'in, ep laj smal ya'lel sat ta sc'anbel vocol ti Dios ti Buch'u oy stsatsal ta xpoje c'alal mi xchame. A'yibat sc'opojel ta sventa ti laj spas ti c'usi oy ta yo'nton ti Diose.

1 Samuel 1:16

Mi ja'uc xc'ot ta ajol ti ja' jun chopol antsune. C'ajomal no'ox ta xic'opoj ta xiti'in ta stojol Dios ti c'u xa sjalil li' oyune, ti xyal xmuy ti co'nton yu'un ti vul o'ntonale.

1 Samuel 30:6

Ti Davide mu xnel ta xa'i ti svocole, yu'un sc'anuc xa ya'i pujbatuc ton yu'un ti svinictac ti c'u yepal xchi'uque. Scotolic ech'em chopol ta xa'iic ti jech c'ot ta stojol ti xnich'nabique. Manchuc mi jech un, lic pas ta muc' yo'nton ta stojol ti Dios yu'une.