Jonás 1:9 - Bible in Tzotzil de Chamula

⁹ Xi tac'batic yu'un ti Jonase: “Hebreoun, ja' jnijanoj jchimanoj jba ta stojol ti Ajvalile, ja' ti Dios ti oy ta vinajele, ti smeltsanoj ti nabe xchi'uc ti banomile.”

Bible in Tzotzil de Chenalhó with Deuterocanon

⁹ Itac'ov li Jonase: —Vu'un hebreo vinicun; ja' quich'oj ta muc' li Muc'ul Diose, ja' li Dios ti la spas vinajele, ja' li boch'o la spas li nabe xchi'uc li banamile —xi.

Jonás 1:9 Iomraidhean Croise

Génesis 1:10

Ti bu taquin come, ti Diose laj yac'be sbiin “banomil”. Yan ti bu laj stsob batel ti vo'e, laj yac'be sbiin “muc' ta nab”. C'alal laj yil Dios ti lec bat scotole,

Génesis 14:13

Ja' no'ox un, oy jun vinic ti col batele, ja' bat yalbe ya'i scotol ti Abram ti jun hebreo vinic nacal ta muc'tic tulantic ti oy ta yosil ti Mamre ti ja' amorreoe. Yu'un ti Mamre, ja' xchi'il ta voq'uel ti Escole, ti Anere. Jech ti stuquic taje, jmoj sjolic xchi'uc ti Abrame.

Génesis 24:7

Ti Ajvalil Dios yu'un ti vinajele, laj sloq'uesun talel ta sna ti jtote, ta yosilal ti cuts' calale. Laj yac' ye sti' ta xiyac'bun jventain xchi'uc jnitilultac ti banomil li'e. Ja' jech xtoc ta stacbot talel yaj'ánjel yo' xu' avu'un ta yiq'uel talel jun tseb ta sventa yajnil ti jnich'one.

Génesis 39:14

xi laj yalbe ti smosovtac laj yavta talel oy ta nae: —A'yio ava'iic, la'ic. Ti jmalale laj yic' talel jun hebreo vinique, ja' no'ox ta xijyilbajinotic. Och batel ti bu oyune. Ta ox xistsacun. Ti vu'une tsots li'avan.

2 Reyes 17:25

Ti jech mu snijan xchiman sbaic ta yich'el ta muc' Dios ti c'alal c'otic ti jnaclejetic taje, jech o xal ti Diose laj stac batel jti'oval leonetic ta stojolic ti lajic ta ti'el jun chibuque.

2 Reyes 17:28

Va'i un, oy jun yu'unic ti paleetic ti laj sloq'uesic talel ti nacal to ox ta Samariae, bat nacluc ta Betel. Lic chanubtasvanuc ti c'u s'elan smelol ta ich'el ta muc' ti Diose.

Esdras 1:2

“Xi xcholet ta xal ti Ciro ajvalil yu'un ti Persiae: Ti Ajvalil Dios yu'un ti vinajele, ti laj yac'bun ta coc ta jc'ob scotol ti ajvaliletic ti oy ta banomile, laj yac'bun jbain ta sva'anel jun ch'ulna ta Jerusalén ti oy ta yosilal ti Judae.

Esdras 5:11

“Ti stuquic une, c'ajomal laj stac'buncutic ti ja' la ta xich'ic ta muc' ti Dios yu'un ti vinajel banomile, ti ja' la ta xcha'meltsanic ti ch'ulna ti lec meltsajem to ox com yu'un jun muc'ul ajvalil ti ech' ta Israel ta vo'nee.

Nehemías 1:4

C'alal laj ca'i ti va'i yelanil c'ot ta pasele, lichoti yoq'uitael jba. Oy jayibuc c'ac'al mu x'ech' ti at-o'ntone, lic jcomtsan cot, lic c'opojcun ti'incun ta stojol ti Dios ti oy ta vinajele.

Nehemías 2:4

—¿C'usi xu' ta jpas ta atojol un? —xi laj sjac' ti ajvalile. Va'i un, laj jc'uban jba ta stojol Dios ti oy ta vinajele.

Nehemías 9:6

Ti Esdrase xi laj yale: “Atuc no'ox ti Diosote, mu'yuc xa yan. Vo'ot laj ameltsan ti vinajele, xchi'uc ti c'usitic oy x'ech' to bu oy ti vinajele, xchi'uc scotol ti c'analetic yu'une. Laj ameltsan ti banomile, xchi'uc scotol ti c'usi oy yu'une, ti muc'tiquil nabetique, xchi'uc scotol ti c'usitic oy yu'une. Avac'ojbe xcuxlej scotol ti c'usitic oye. Jech o xal ti c'analetic ti oy ta vinajele, ta xich'ot ta muc'.

Job 1:9

Le' une, xi laj stac' ti jtic'-mulile: —Mu ta jeche'uc no'ox ti spajeb yutsil yo'nton ta xac' sba ta tunel ta atojole.

Salmos 136:26

Colaval, utic ti Dios ti oy ta vinajele, yu'un sbatel osil oy syail xc'uxul yo'nton.

Éxodo 1:15

Ja' jech xtoc ti ajvalil yu'un Egiptoe xi laj yalbe ya'i ti Sifrae xchi'uc ti Fuae, ja' ti jvet'ometic yu'unic ti hebreo antsetique:

Éxodo 2:13

Ta yoc'omal loc' batel yan velta. Laj yil ti ta smaj sba stuquic chib hebreoe. Ja' yu'un un, xi laj sjac'be ti buch'u ta xmajvane: —¿C'u cha'al avinquilel no'ox ta xamaj abaic?

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

Oseas 3:5

Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.

Hechos 14:15

—Jchi'lactic, ¿c'u cha'al jech ta xapasic le'e? Vinicuncutic no'ox jech c'u cha'al ti vo'oxuque. Ti jech litalcutic li'e, ja' tal calcutic ava'iic ti lequil ach' c'ope yo' ta xavictaic ta spasel ti vi s'elan le'e, ti ma'uc toj tsots sc'oplale. Sutanic xa talel ta stojol ti cuxul Dios ti Buch'u laj spas ti vinajele, ti banomile, ti muc' ta nabe, xchi'uc scotol ti c'usitic oye.

Hechos 27:23

Ta ac'ubaltic samele, laj yac' sba iluc jun ánjel tacbil talel yu'un Dios ti Buch'u ta xquich' ta muq'ue,

Filipenses 3:5

c'alal quich'oj xvaxaquibal (8) c'ac'al jvoq'uele, li'ac'bat quich' circuncisión. Yu'un sts'unubalun Israel, snitilulun ti Benjamine, vu'un hebreoun yu'un ja' hebreoetic ti jtot jme'e. Bats'i fariseo xca'i jba ta sventa ti c'u s'elan liquem yu'unic ti israeletic ta xal ti mantal yu'unique.

Apocalipsis 11:13

Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Apocalipsis 15:4

¿Buch'u la ti mu ta xi'taote, Cajval, Ch'ul Dios? ¿Buch'u la ti mu ta xalbot ti alequilale? Yu'un vo'ot no'ox Ch'ul Diosot. Scotol ti muc'tiquil lum oy ta sjoylej banomile, ta xtal snijan xchiman sbaic ta atojol, yu'un laj xa yilic ta sba ta satic ti oy slequil yutsil ti c'usi ta xapase.”

Apocalipsis 16:11

Manchuc mi jech un, mu'yuc laj yicta sbaic ta spasolanel ti c'usitic chopole. Yu'un c'ajomal no'ox yac'ojbeic yipal ta yalel c'usitic chopol ta xloc' ta yeic ta stojol ti Dios ti oy ta vinajele, ta scoj ti mu x'ech' svocolic yu'un yipal xc'uxul ti chin ti oy ta stojolique.