Jonás 1:8 - Bible in Tzotzil de Chamula

⁸ Va'i un, xi lic yalbeique: “Albun ca'icutic c'usi smelol ti jech tal ti c'usi chopol ta jtojoltique. ¿C'u cha'al ti li' oyote? ¿Bu liquemot talel? ¿Bu jteclumal talemot? ¿C'usi sbi ti ats'unubale?”

Bible in Tzotzil de Chenalhó with Deuterocanon

⁸ Ja' yu'un jech lic sjac'beic: —Alo ca'icutic c'u yu'un ti jech oy li jvocoltic li'i. ¿C'usi avabtel? ¿Bu liquemot tal? ¿Bu avosilal, bu lumal liquemot tal? —xutic.

Jonás 1:8 Iomraidhean Croise

Génesis 47:3

Va'i un, xchi'iltac ta voq'uel ti Josee, xi jac'batic yu'un ti faraone: —¿C'usi abtelal xana'ic yabtelanel? Xi laj staq'uique: —Ti avajtuneluncutique, Jcuch abtel, ja' cabtelcutic ti ts'un chije co'ol jech c'u cha'al ti jmolmuc'totcutic laj ech'icuque.

Santiago 5:16

Jech o xal un, jamal albo abaic ti amulic ta jujun tale. C'oponbo abaic Dios ta jujun tal yo' jech ta xacolic. Sc'opojel sti'inel ti lequil tuq'uil vinique, oy yip stsatsal ti sc'opojele.

Josué 7:19

Va'i un, ti Josuee xi laj yalbe ti Acane: —Nich'on, lequil c'optabiluc, ich'biluc ta muc' c'otuc avu'un ti Ajvalil Dios yu'un ti israeletique, ti chapetan albun ca'i ta jamal ti c'usi laj apase. ¡Mu co'ntonuc no'ox xmacmun avu'un!

1 Samuel 14:43

Jech o xal un, xi albat ti Jonatán yu'un ti Saule: —Jamal xaval ti c'usi laj apase. Xi jamal laj yal ti Jonatane: —Melel, laj jlo' juteb ajapom ti laj jxul talel ta sni' jnamte' ti quich'oje. Li' xa oyun ti chapalun xa ta xichame.

1 Samuel 30:13

Va'i un, xi jac'bat yu'un ti Davide: —¿Buch'u ti avajvale? ¿Bu liquemot talel? Xi laj stac' ti egipcioe: —Egipcioun, smosovun jun amalecita. Oy xa ta yoxibal c'ac'al, laj stenun comel ti cajvale, yu'un li'ipaj.