Jonás 1:7 - Bible in Tzotzil de Chamula

⁷ Ja'uc ti j'abteletic yu'un ti barcoe xi ta xalilanbe sbaic ta jujun tale: “La' jt'untic ta orail buch'u ta scoj ti vi yelan chopol vul ta jtojoltique. Ja' yu'un un, lic sq'uelic ti oraile. Vinaj ti ja' ta scoj ti Jonase.

Bible in Tzotzil de Chenalhó with Deuterocanon

⁷ Jech lic yalbe sbaic li j'abteletic ta barcoe: —La' jpastic canal tajimol sventa ta jna'tic boch'o ta smul cu'untic ti vi x'elan jvocoltique —xut sbaic. C'alal la spasic li canal tajimole, ja' ic'ot ta stojol li Jonase.

Jonás 1:7 Iomraidhean Croise

Ester 3:7

Ta sba u yu'un ti jabile, ti u sbiinoj Nisane, ti ja' xlajchebal (12) xa jabil stic'lej ta ajvalil ti Asueroe, lic sq'uelic yorail, ta stojol Amán, ta sventa yo' jech ta sna'ic c'usi c'ac'alil, c'usi ual ta xc'ot ta pasel yu'unic ti c'usi nopbile. Vinaj ti ta xc'ot ta yoxlajunebal (13) c'ac'al yu'un xlajchebal (12) ue, ta yual ti sbiinoj Adare.

Job 10:2

Ch'ul Dios, mu ta jeche'uc no'ox ta xatic' ti jmule. Jamal albun ca'i bu mu x'ech' ta xava'i ti c'usi laj jpase.

Salmos 22:18

Ochemic ta xch'acbel sbaic ma' ti jc'u' une, ta yorail ta sq'uelic ti buch'u ta xc'ot ta yu'unique.

Proverbios 16:33

Ac'o mi naca ta yorail sna' sq'uelel ti viniquetique, le' une, Dios sna' stuc mi jech ta xac' c'otuc ta pasel.

Números 32:23

Yan ti mi mu jechuc ta xapasic une, na'ic lec ti ta xata amulic ta stojol ti Diose, ti oy bu jun c'ac'al ta xavich'ic tsitsel ta scoj ti amulique.

San Mateo 27:35

C'alal laj xa sjipanic ta curus ti Jesuse, ti soldadoetique lic sq'uelic buch'u oy yorail yu'unic yo' ta xvinaj buch'u junucal ta xich'beic sc'u' ti Jesuse. Taje, ja' o c'ot ta pasel ti xi laj sts'iba comel ti j'alc'ope: “Laj xch'acbe sbaic ti jc'u' ti buch'u junucal c'ot ta yorail yu'unique.”

Hechos 13:19

Ti Diose laj slilin vucub (7) muc'tiquil lumetic ti oy ta yosilal ti Canaán banomile yo' ta x'ac'bat xrextoinic ti jmolmuc'totique.

1 Corintios 4:5

Ja' yu'un un cha'e, ma'uc ti xacajchapanbe xa sc'oplal ti yane. Mala avilic ora ti ja' ta xchapan stuc ti Cajvaltic ti c'alal ta xvul ta loq'uele. Ta svinajes ta saquil osil ti c'usi mucule. Ti Cajvaltique ta xac' ta ojtiquinel c'u s'elan oy ta yut yo'ntonic ti jujune. Ta xac' ta q'uelel c'u s'elan ta x'ileic yu'un Dios ta jujun tal.

Josué 7:10

Xi tac'bat yu'un ti Diose: —¿C'usi ta xapas ti li' patalot ta lumtique? Lican.