Jonás 1:6 - Bible in Tzotzil de Chamula

⁶ Va'i un, ti banquilal j'abtel yu'un ti barcoe, bat bu oy ti Jonase, ti xi laj yalbee: “¿C'usi ta xapas ti jun avo'nton batem ach'ulel ta vayel li'e? Lican, c'opojan, ti'inan ta stojol ti adiose. Xu' nan ta xlic svul yo'nton ta jtojoltic ti ta xlic stic' sba ta jpojeltique.”

Bible in Tzotzil de Chenalhó with Deuterocanon

⁶ Li banquilal yu'un j'abteletic ta barcoe ibat yo' bu oy li Jonase, jech laj yalbe: —¡C'usi chapas tee, me' jvayel! Lican, c'opano li Dios avu'une, naca me ja' chixc'uxubinutic to, yu'un jech mu xijchamutic —xut.

Jonás 1:6 Iomraidhean Croise

2 Samuel 12:22

Ti Davide xi laj staq'ue: —Ti c'alal cuxul to ox ti olole, laj jcomtsan cot, xi'oc'olet ta sventa ti laj jnop ta xc'uxubaj yo'nton ti Dios ta jtojole, yo' jech ta xac' ch'iuc.

Ester 4:16

“Batan, ba tsobo scotol ti judíoetic ta Susae, ti yictaicuc yotic ta jventae. Mu'yucuc c'usi stun slajesic oxib c'ac'al xchi'uc oxibuc ac'ubal. Jech ta jpas ec xchi'uc ti cajmosovtaque. Ta ts'acal to un, ta xbat jc'opon ti ajvalile, ac'o mi mu jechuc ta xal ti oy c'usi tsots albile. Mi ta smilicune, ac'o smilicun xch'a.”

Salmos 107:6

Lic yoq'uitaic Dios ti oyic ta vocol une, pojeic ti oyic ta vocole.

Salmos 78:34

Ti jech ta xilic ta xchamesatic yu'un ti Diose, va'i un, ta xlic sa'ic, ta sutic talel ta stojol, sjunul xa yo'ntonic ta sa'ic.

Isaías 3:15

¿C'usi avabtelic ya'yel un cha'e ta yilbajinel ti jteclumale, ta xpech'el ta teq'uel ti me'un mu'natetique?” Mu me lo'iluc no'ox ta xal ti Ajvalil ti scotol xu' yu'une.

Ezequiel 18:2

“¿C'u cha'al ya'yel un mu xlaj ta alel yu'unic ta jteclum Israel ti oy xi x'ale ti c'ope: ‘Ti totil me'iletique, naca pajal uva ta slajesic, ta stsic' ye yu'unic ti yalab xnich'nabique?’

Joel 2:11

Ti jech jba'be batel ti Dios yu'un ti yajsoldadotaque, xvo'o'et to ta xac' vinajuc ti sc'opojele. Mu no'ox albajuc ta j'ech'el ti yajsoldadotaque. Mu no'ox albajuc yepal ti ta xch'unbat ti smantale. Jelavem smuc'ul, xi'bal sba ti sc'ac'alil ta xvul ta loq'uel yu'un ti Diose. Mu'yuc buch'u sts'ic yu'un.

Amós 5:15

Ti'oltaic ti c'usi chopole. C'otuc ta avo'ntonic ta spasel ti c'usi leque. Tuc'ulanic lec ta sq'uelel ti tuc'uc batuc lec ti chapanel ta chapanobbaile. Ti mi jech taj une, ja' to nan jech ta xlic c'uxubajuc yo'nton ti Ajvalil Dios ti scotol xu' yu'un ta stojol ti Israel ti cuxul to comique.

Jonás 3:8

Mu stac' ti jech ta xich' pasele. C'ajomal no'ox, lapic acotolic ti lajemal c'u'iletique. Oc'an avananic ta stojol ti Diose. Ictaic comel ta jujun ti jech yanijem ti ajol avo'ntonique, ti c'usitic mu'yuc smelol ti yacal to ta xapasic avi tana li'e.

Jonás 3:9

Mu jna'tic mi ja' to jech ta sjel ti c'u s'elan snopoj ti Diose, mi ja' to jech ta xlamaj ti sc'ac'al yo'ntone yo' jech mu xc'ot ta pasel ti ta xijchame.”

Hechos 21:13

Ja'uc ti Pabloe xi laj staq'ue: —¿C'u cha'al ta xavaq'uicun ta at o'nton ta xquil ti ta xa'oq'uique? Ta sventa ti Cajvaltic Jesuse, jchapanoj xa jba ti ma'uc no'ox ta xquich' ti chuquele, ti xu' ta xcac' o jol jbaquil ta Jerusalene.

Romanos 13:11

Ati va'i s'elan laj jbijubtasoxuque, yu'un xavilic ti c'usi xc'otan ta pasele, ti ja' xa yorail ti ta xavic' asatique, yu'un po'ot xa sta yorail ti colebale. Yan ti c'alal laj jch'untic talele, jal to ox sc'an.

Efesios 5:14

Ta sventa ti jech jamal ta xich' albele, xu' ta xlic stij yo'nton xchi'uc. Jech o xal xi ta xale: “Julavan ti jech vayalote. Tamo aba liquel ti jech achi'inojan ti animaetique, tey xojobin no'ox vulel ta atojol ti Cristoe.”